DYONDZO 22
U Nga Sungula Njhani Ku Byela Van’wana Mahungu Lamanene?
Loko u ri karhi u dyondza ntiyiso lowu nga eBibeleni, u nga ha tibyela leswi, ‘Vanhu hinkwavo va fanele va ma tiva mahungu lama!’ I ntiyiso leswaku vanhu hinkwavo va fanele va ma tiva. Kambe u nga ha titwa u chava ku byela van’wana leswi u swi dyondzeke. A hi bule hi leswi nga ku pfunaka leswaku u nga chavi ku chumayela ivi u tiphina hi ku byela van’wana mahungu lamanene ya le Bibeleni.
1. U nga va byela njhani vanhu lava u va tivaka swilo leswi u swi dyondzaka?
Vadyondzisiwa va Yesu va te: “A hi nge tshiki ku vulavula hi swilo leswi hi swi voneke ni leswi hi swi tweke.” (Mitirho 4:20) A va teka ntiyiso wu ri wa nkoka swinene lerova a va lava ku byela vanhu vo tala hilaha va nga kotaka hakona. Xana na wena u titwa tano? Loko swi ri tano, lava tindlela to byela vanghana va wena ni ndyangu wa wena hi xichavo leswi u swi dyondzeke.—Hlaya Vakolosa 4:6.
Tindlela tin’wana to sungula ku chumayela
-
Loko u vulavula ni va ka n’wina, sungula hi ku: “Ndzi dyondze mhaka yin’wana yo tsakisa eBibeleni vhiki leri.”
-
Hlayela munghana wa wena la vabyaka kumbe la nga ni xiphiqo xo karhi tsalwa leri nga n’wi chavelelaka.
-
Loko lava u tirhaka na vona va ku vutisa leswaku vhiki ri fambe njhani, va byele leswi u swi dyondzeke eka dyondzo ya wena ya Bibele kumbe enhlengeletanweni ya vandlha.
-
Komba vanghana va wena website ya jw.org
-
Rhamba van’wana loko u dyondza Bibele kumbe u va komba ndlela yo kombela dyondzo ya Bibele eka jw.org.
2. Hikwalaho ka yini swi ri swa nkoka ku tiyimisela ku chumayela ni vandlha?
Vadyondzisiwa va Yesu a va chumayela vanhu lava a va va tiva ku katsa ni van’wana. Yesu u va ‘rhume va famba hi vambirhimbirhi a va rhangela, va ya emitini’ leswaku va ya chumayela. (Luka 10:1) Ndlela yoleyo yo chumayela yi endle leswaku vanhu vo tala va kota ku twa mahungu lamanene. Leswi vadyondzisiwa a va chumayela swin’we swi endle leswaku va tsaka swinene. (Luka 10:17) Na wena u ta va u endla kahle loko u tiyimisela ku chumayela ni vandlha.
ANAKANYISISA
Dyondza hi leswi nga ku pfunaka leswaku u nga chavi ku chumayela ivi u tiphina hi ku byela van’wana mahungu lamanene.
3. Yehovha u ta ku pfuna
Van’wana lava lavaka ku sungula ku chumayela va nga ha chava leswaku vanhu van’wana va ta va teka njhani kumbe va ta ku yini.
-
Xana wa chava ku byela van’wana leswi u swi dyondzeke? Hikwalaho ka yini u vula tano?
Tlanga VHIDIYO, ivi mi bula hi xivutiso lexi landzelaka.
-
I yini leswi nga pfuna vantshwa lava va Timbhoni leswaku va nga ha chavi?
Hlaya Esaya 41:10, ivi mi bula hi xivutiso lexi:
-
Xikhongelo xi ta ku pfuna njhani loko u chava ku chumayela?
Xana a wu swi tiva?
Timbhoni ta Yehovha to tala ti tshame ti titwa onge a ti nge swi koti ku byela van’wana mahungu lamanene. Hi xikombiso, Sergey a a titwa a nga pfuni nchumu naswona a swi n’wi tikela ku vulavula ni van’wana. Kambe u sungule ku dyondza Bibele. U ri: “Ndzi sungule ku byela van’wana leswi a ndzi swi dyondza hambileswi a ndzi chava. Lexi ndzi hlamariseke, ku va ndzi endle sweswo swi endle leswaku ku chava lokuya ka mina ku ku nkwee! Ku vulavula ni van’wana hi leswi ndzi pfumelaka eka swona swi tlhele swi tiyisa ripfumelo ra mina.”
4. Xixima van’wana
Loko u chumayela van’wana mahungu lamanene, ehleketa hi leswi u nga ta va byela swona ni ndlela leyi u nga ta va byela ha yona. Hlaya 2 Timotiya 2:24 na 1 Petro 3:15, ivi mi bula hi swivutiso leswi:
-
U nga ma tirhisa njhani matsalwa lawa loko u vulavula ni van’wana hi Bibele?
-
Vanghana ni maxaka ya wena va nga ha ku kaneta loko u va chumayela. U nga endla yini? I yini leswi u nga fanelangiki u swi endla?
-
Hikwalaho ka yini swi ri swa nkoka ku vutisa swivutiso hi vutlhari ku ri ni ku sindzisa van’wana ku pfumela mhaka yo karhi?
5. Ku chumayela mahungu lamanene swi endla hi tsaka
Yehovha u nyike Yesu ntirho wo chumayela mahungu lamanene. Yesu a a wu teka njhani ntirho lowu? Hlaya Yohane 4:34, ivi mi bula hi swivutiso leswi:
-
Loko hi dya swakudya swa rihanyo swi endla hi va ni rihanyo lerinene naswona swi endla hi tsaka. Hikwalaho ka yini Yesu a vule leswaku ku endla ku rhandza ka Xikwembu, ku katsa ni ku chumayela mahungu lamanene, eka yena swi fana ni ku dya swakudya?
-
U vona onge loko u byela van’wana mahungu lamanene swi ta ku tisela ntsako hi ndlela yihi?
Leswi nga ku pfunaka
-
Eka nhlengeletano ya le xikarhi ka vhiki, yingisela leswi nga ku pfunaka leswaku u kota ku sungula ku chumayela.
-
Tsarisa leswaku u ta nyikela mimbulavulo eka nhlengeletano ya le xikarhi ka vhiki. Mimbulavulo leyi yi ta ku pfuna leswaku u lunghekela ku byela van’wana leswi u swi dyondzaka.
-
Leswaku u titoloveta ndlela leyi u nga va chumayelaka ha yona vanhu lava nga tsakeliki ni lava nga ni swivutiso, languta eka xiyenge lexi nge “Van’wana Va Ri” kumbe “Un’wana A Nga Ha Ku Vutisa A Ku” ebukwini leyi.
UN’WANA A NGA HA KU VUTISA A KU: “Swi famba njhani?”
-
U nga n’wi hlamula njhani hi ndlela leyi nga ta endla leswaku u pfulekeriwa hi nkarhi wo n’wi byela leswi u swi dyondzeke eBibeleni?
NKATSAKANYO
Ku chumayela van’wana mahungu lamanene swa tsakisa naswona u ta kuma leswaku a swi tiki hi ndlela leyi a wu ehleketa ha yona.
Mpfuxeto
-
Hikwalaho ka yini u fanele u byela van’wana mahungu lamanene?
-
U nga va byerisa ku yini hi ndlela ya xichavo?
-
I yini lexi nga ku pfunaka leswaku u nga chavi ku chumayela?
KUMA LESWI ENGETELEKEKE
Vona tindlela ta mune to olova leti u nga ti tirhisaka ku byela van’wana mahungu lamanene u tirhisa khadi ro pfuna vanhu ku nghena eka jw.org.
Swingheniso Leswi Hi Nga Swi Tirhisaka Ku Fambisa Khadi Ro Pfuna Vanhu Ku Nghena Eka JW.ORG (1:43)
Dyondza hi swilo swa mune leswi nga ku pfunaka ku chumayela mahungu lamanene.
“Xana U Swi Lunghekerile Ku Va Muphasi Wa Vanhu?” (Xihondzo xo Rindza, September 2020)
Vona mhaka ya le Bibeleni leyi nga hi pfunaka ku va ni xivindzi xo chumayela, hambi ha ha ri vantshwa.
Yehovha U Ta Ku Pfuna Leswaku U Nga Chavi Ku Vulavula Hi Yena (11:59)
Twana leswaku u nga ma chumayerisa ku yini maxaka ya wena hi Bibele.
“Ku Fikelela Timbilu Ta Maxaka Lama Nga Riki Timbhoni” (Xihondzo xo Rindza, March 15, 2014)
U Nga Ha Tsakela
SWIVUTISO LESWI TALAKA KU VUTISIWA
I Yini Dyondzo Ya Bibele Leyi Dyondzisiwaka Hi Timbhoni Ta Yehovha?
Eka dyondzo ya Bibele leyi dyondzisiwaka hi Timbhoni ta Yehovha, u nga tirhisa vuhundzuluxeri byin’wana ni byin’wana bya Bibele. Titwe u ntshunxekile ku rhamba ndyangu hinkwawo kumbe vanghana va wena leswaku mi ta dyondza swin’we.
