HAAPIIRAA 22
Nafea oe ia poro i te parau apî oaoa?
A ite ai oe i te parau mau Bibilia, e manaˈo paha oe: ‘Mea titauhia ia ite te taata i te reira!’ Parau mau, mea titauhia ia ite te taata i te reira! Tera râ, e taiâ paha oe i te faaite ia vetahi ê i ta oe e haapii ra. E aparau anaˈe eaha ta oe e rave ia ore e taiâ e ia haamata i te faaite i te parau apî oaoa o te Bibilia i te taata.
1. E nafea oe e faaite ai i ta oe e haapii i te feia ta oe i matau?
Ua parau na pǐpǐ a Iesu: “Eita . . . e tia ia ore e parau i te mau mea ta mâua i ite e i faaroo.” (Ohipa 4:20) No to raua haafaufaa-rahi-raa i te parau mau i hinaaro ai raua e faaite i te reira i te mau taata atoa. E no oe, e nehenehe atoa ta oe e na reira? Mai te peu e e, a imi ïa i te mau taime e nehenehe ai oe e paraparau i to oe fetii e to oe mau hoa i ta oe i haapii.—A taio i te Kolosa 4:6.
Te tahi atu ravea no te haamata
-
Ia paraparau oe i to oe fetii, e nehenehe oe e faaô i te hoê tumu parau o te Bibilia ma te parau: “Ua haapii mai au i te tahi mea anaanatae mau i teie hebedoma.”
-
E nehenehe oe e faaite i te hoê irava faaitoito mau i te hoê hoa tei maˈihia aore ra o te ahoaho ra.
-
A parau atu i te hoa ohipa o te ani mai ia oe i to oe huru, eaha ta oe i haapii i roto i ta oe haapiiraa Bibilia aore ra i te putuputuraa.
-
A faaite i to oe mau hoa i te jw.org i nia i te reni natirara.
-
A titau manihini i te tahi atu taata ia apiti mai i ta oe haapiiraa Bibilia aore ra a faaite atu nafea ia ani i te hoê haapiiraa Bibilia i nia i te reni jw.org.
2. No te aha e fa faufaa ia poro e te amuiraa?
Aita noa te mau pǐpǐ i faaite i te parau oaoa i te feia ta ratou i matau. Eaha ta Iesu i rave? “Tono tataipiti atura ia ratou na mua ia ˈna i te mau oire” atoa no te poro. (Luka 10:1) Maoti teie huru pororaa, e rave rahi taata tei faaroo i teie parau apî oaoa. Ua ite atoa te mau pǐpǐ i te oaoa i te poro-amui-raa e o vetahi. (Luka 10:17) E nehenehe anei ta oe e haamau i te hoê fa no te poro e ta oe amuiraa?
A FAAHOHONU ATU Â
A haapii eaha ta oe e nehenehe e rave ia iti mai to oe taiâ e te oaoa ta oe e ite i te faaiteraa i te parau apî oaoa.
3. Tei pihai iho Iehova ia oe
E nehenehe vetahi o te hinaaro ra e poro e taiâ no ta te taata e manaˈo no nia ia ratou aore ra no te huru o te taata i nia ia ratou.
-
Te taiâ ra oe i te faaite i ta oe i haapii? No te aha oia, aore ra no te aha aita?
A pata i te VIDEO, e a aparau i te uiraa i muri nei.
-
Mea nafea to te mau taurearea Ite no Iehova i te faarururaa i to ratou mǎtaˈu?
A taio i te Isaia 41:10, e a aparau i teie uiraa:
-
Ia mǎtaˈu oe i te poro, e nafea te pure e tauturu ai ia oe?
Ua ite anei oe?
E rave rahi Ite no Iehova o tei manaˈo e eita roa ˈtu ratou e faaite i te parau apî oaoa ia vetahi ê. Te hiˈoraa ïa o Sergey o te manaˈo ra e mea faufaa ore oia e mea fifi no ˈna ia paraparau i te tahi atu taata. I muri iho râ, ua haapii mai oia i te Bibilia. Te parau ra oia: “Noa ˈtu to ˈu mǎtaˈu, ua haamata vau i te paraparau e o vetahi i ta ˈu e haapii ra. Ua maere roa vau no te mea ua puai faahou mai to ˈu faaroo e oia atoa i teie tiaturiraa apî i te paraparauraa ia vetahi ê no nia i te Bibilia.”
4. A faaite i te faatura
Ia faaite oe i te parau apî oaoa, a haapao eaha ta oe e parau e e nafea atoa râ oe ia na reira. A taio i te Timoteo 2, 2:24 e te Petero 1, 3:15, e a aparau i teie mau irava:
-
E nafea oe e faaohipa ˈi i teie mau irava ia paraparau oe no nia i te Bibilia i te tahi atu taata?
-
Eita paha te tahi mero o to oe utuafare aore ra hoa e farii i ta oe e parau atu. Eaha ta oe e nehenehe e rave? Eaha ta oe e ore roa e rave?
-
No te aha e mea maitai aˈe ia tuu i te mau uiraa o te faaara i te anaanatae, eiaha râ, i te parau atu i ta ratou e tia ia tiaturi?
5. E itehia te oaoa ia faaite i te parau apî oaoa
Ua horoa Iehova ia Iesu ra te ohipa e faaite i te parau apî oaoa. Eaha to Iesu manaˈo no nia i tera ohipa? A taio i te Ioane 4:34, e a aparau i teie mau uiraa:
-
E tauturu mai te amuraa i te maa maitai i to tatou ora e e faaoaoa te reira ia tatou. No te aha Iesu i faaau ai i te raveraa i to te Atua hinaaro e te faaiteraa i te parau apî oaoa i te amuraa i te maa?
-
No oe, eaha te oaoa ta oe e ite ia faaite i te parau apî oaoa?
Manaˈo tauturu
-
I te putuputuraa o te hebedoma, a hiˈo e nafea oe e haamata ˈi i te hoê aparauraa.
-
A parau atu i ta oe taata haapii e nafea oe e riro mai ai ei piahi i te putuputuraa o te hebedoma. E tauturu mai teie hopoia ia oe ia faaineine maitai i ta oe e nehenehe e parau i te tahi atu taata no nia i ta oe e haapii nei.
-
A faaohipa i te tuhaa “Te manaˈo o vetahi” aore ra “E ani paha vetahi” o teie haapiiraa, no te faaineine ia oe e nafea ia pahono i te mau uiraa e te mau patoiraa.
E ANI PAHA VETAHI: “Eaha te parau apî?”
-
E nafea oe e faaohipa ˈi i tera taime no te faaite i te taata no nia i ta oe i haapii i roto i ta oe haapiiraa Bibilia?
HAAPOTORAA
E hopoi mai te faaiteraa i te parau apî oaoa ia vetahi ê i te oaoa. Ia haamata oe i te na reira, mea ohie aˈe i ta oe i manaˈo.
Haamanaˈoraa
-
No te aha ia faaite i te parau apî oaoa ia vetahi ê?
-
E nafea oe e na reira ˈi ma te faaite i te faatura?
-
E nafea oe ia ore e taiâ no nia i te pororaa?
HIˈOPOA
A hiˈo e maha ravea ohie no te faaite i te parau apî oaoa ma te faaohipa i te tareta jw.org.
A haapii e maha huru maitatai o te nehenehe e tauturu ia oe ia faaite i te parau apî oaoa.
“E farii anei oe i te riro ei ravaai taata?” (Te Pare Tiairaa Tetepa 2020)
A hiˈo mea nafea te hoê hiˈoraa o te Bibilia e horoa mai ai i te itoito no te faaite i te parau apî oaoa noa ˈtu mea apî â tatou.
A hiˈo e nafea e paraparau no nia i te Bibilia e te mau mero o to tatou utuafare aita ratou i haapii aˈenei no nia ia Iehova.
“E haaputapû i te aau o te fetii e ere i te Ite” (Te Pare Tiairaa 15 no Mati 2014)
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
