КИЧЭЭЛ 22
Өөрүшкүлүг медээни канчаар чугаалап болур?
«Алыс шынны кижи бүрүзүнге чедирер болза эки!» — деп бодаар чадавас силер. Суртаалга дүвүревезинге чүү дузалаарын, өөрүшкүнү канчаар алырын сайгарыптаалыңар.
1. Таныырывыс улуска канчаар суртаалдап болур бис?
Иисустуң өөреникчилери: «Көрген... дыңнаан чүвевис дугайында ыыттавайн барып шыдавас бис» — дээн (Ажыл-чорудулга 4:20). Билип алган медээзин олар дыка экизинип, шупту улуска дамчыдар күзелдиг турган. Ындыг күзелиңер бар болза, төрелдериңерге, эштериңерге медээни эвилең-ээлдек үлежир аргаларны дилеңер. (Номчуптуңар: Колосчуларга 4:6.)
Чугааны канчаар эгелээр?
-
Төрелдерге мынчаар чугаалап болур: «Бо неделяда солун чүүл билип алдым».
-
Эжиңер аарып азы муңгарап турар болза, Библиядан тааржыр шүлүктен номчуп азы СМС-теп бериңер.
-
Кады ажылдап турар улузуңар ажыл-херээңерни айтырарга, библейжи кичээлге азы чыышка билип алган чүүлүңерни чугаалап бериңер.
-
JW.ORG сайтыны эштериңерге көргүзүңер.
-
Библейжи кичээлиңерже өске улусту чалаңар азы jw.org сайтка дилегни долдурарын айтып бериңер.
2. Акы-угбалар-биле суртаалдаар сорулга чүге чугула?
Иисустуң өөреникчилери шупту улуска суртаалдап турган. Иисус өөреникчилерин «ийи-ийилеп үскеш... хоорайлар болгаш чурттакчылыг черлерже» чорудупкан (Лука 10:1). Ынчалдыр медээни оон-даа хөй улус дыңнаан. Бараалгал оларга улуг өөрүшкүнү эккелген (Лука 10:17). Акы-угбалар-биле суртаалдаар сорулганы салып болур силер бе?
ХАНЫ ШИНЧИЛЕҢЕР
Суртаалга дүвүрелди канчаар ажып эртерин база өөрүшкүнү алырын билип алыр силер.
3. Иегова силерге дузалаар
Суртаалдап эгелээр күзелдиг улус эпчоксунуп, дүвүреп турар чадавас.
-
Библиядан билиглериңерни өске кижилерге чугаалаары силерге коргунчуг-дур бе? Чүге?
ВИДЕОНУ көргеш, харыылаптыңар.
-
Бо аныяк бараалгакчылар коргуушкуннарын канчаар тиилеп алган?
Исайя 41:10-ну номчааш, харыылаптыңар:
-
Суртаалдаары коргунчуг болза, силерге мөргүл канчаар дузалаар?
БИЛИР СИЛЕР БЕ?
Суртаалдаарындан коргар чораан бараалгакчылар хөй. Чижээ, Сергей пөрүк болгаш, улус-биле чугаалажырындан бергедежир турган. Ынчалза-даа ол Библияны өөренип эгелээн. Сергей мынча деп үлешкен: «Кортпазын кызып, чаа билиглерни өске улус-биле үлежип турган мен. Солун болган чүүл, суртаалдың ачызында дидим апарып, Бурганга бүзүрелим быжыккан».
4. Хүндүткелдиг болуңар
Суртаалдаарда чүнү чугаалаарындан аңгыда, канчаар чугаалаарын боданыңар. 2 Тимофейге 2:24 биле 1 Пётр 3:15, 16а-ны номчааш, харыылаптыңар:
-
Библия дугайында чугаалажып тургаш, бо сүмелерни канчаар ажыглап болур силер?
-
Чамдык төрелдериңер, эш-өөрүңер силер-биле чөпшээрешпейн баар байдалда канчаар алдынар база чүден оваарныр болза эки?
-
Хөй бадыткалдар чугаалаарының орнунга, эвилең-ээлдек айтырыгларны салганы чүге дээре?
5. Буянныг медээни суртаалдаары өөрүшкүнү эккээр
Иегованың даалгазынга Иисустуң хамаарылгазы кандыг болган? Иоанн 4:34-тү номчааш, харыылаптыңар:
-
Ажыктыг чем кадыкшылды экижидип, өөрүшкүнү эккээр. Бурганның күзелин күүседирин Иисус чүге чемге дөмейлээн?
-
Өөрүшкүлүг медээни үлежириниң кандыг эки талаларын эскердиңер?
Сүмелер
-
Ажыл хүнүнде ужуражылгага чугаа эгелеп ап болур аргаларны демдеглеп алыңар.
-
Даалга күүседирде, чүнү канчаарын билип алыңар. Ол өөредилге херек арга-мергежилди шиңгээдип алырынга дузалаар.
-
«Чамдык улус мынча деп болур», «Бир кижи мынчаар айтырып болур» деп көзенектерде удур бодалдарга харыылаарын шенеп көрүңер.
БИР КИЖИ МЫНЧААР АЙТЫРЫП БОЛУР: «Сонуургадыр чаа чүүлүң бар бе?»
-
Бо айтырыгны ажыглап, Библиядан билип алган чүүлүңерни канчаар чугаалап болур силер?
КОЛ БОДАЛ
Библия дугайында чугаалажыры бодаарга берге, херек кырында өөрүшкү эккээр.
Катаптаашкын
-
Өске улуска өөрүшкүлүг медээни чугаалаары чүге чугула?
-
Канчаар хүндүткелдиг чугаалажып болур?
-
Девидээшкинни, коргуушкунну канчаар ажып эртип алыр?
НЕМЕЛДЕ
JW.ORG деп визитка дузазы-биле өөрүшкүлүг медээни чугаалаарының дөрт аргазы.
Библияның медээзин чугаалаарынга дузалаар дөрт шынар дугайында номчуп көрүңер.
«„Кижилер тывыкчылары“ болурунга белен силер бе?» («Таңныыл суургазы» сентябрь, 2020 чыл)
Дидими-биле Бурган дугайында суртаалдаарынга бичии уругларга безин Библия канчаар дузалаарын көрүңер.
Иегованың дугайында билбес төрелдер-биле Библия дугайында канчаар чугаалажыр?
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
