OCIPAMA 22
O Kundila Ndati Vakuene Olondaka Viwa?
Osimbu o lilongisa ocili Cembimbiliya, pamue o sokolola ndoco: ‘Vosi va sukilile oku ci kũlĩha!’ Ocili muẽle, vosi va sukila oku ci kũlĩha! Pamue, o kuata usumba woku sapela la vakuene catiamẽla kovina o lilongisa. Tu lilongisa ndomo o yula usumba loku kuata esanju poku longisa olondaka viwa Viembimbiliya.
1. O longisa ndati ovina wa lilongisa komanu wa kũlĩha?
Olondonge via Yesu viti: “Ka tu pondola oku liwekapo oku vangula ovina tua mola levi tua yeva.” (Ovilinga 4:20) Omo okuti va solele calua ocili va lilongisa ku Yesu, va yonguile oku longisavo omanu valua. Anga hẽ haicovo o linga? Nda oco, sanda apuluvi osi eci o sapela lesumbilo lepata kuenda lakamba vove ovina o lilongisa.—Tanga Va Kolosai 4:6.
Olonjila vimue vioku fetika
-
Poku sapela lepata, fetika ombangulo yimue Yembimbiliya ndoco: “Osemana yilo nda lilongisa cimue nda sola.”
-
Vetiya locisonehua cimue ekamba li vela ale o kuete esakalalo limue.
-
Vana vu talavayeli kumue nda va ku pula ndomo osemana yove yi kasi oku enda, va sapuila eci wa lilongisa velilongiso liove Liembimbiliya ale kohongele yekongelo.
-
Lekisa kakamba vove onumbi yo internet jw.org.
-
Laleka omanu kelilongiso liove Liembimbiliya, ale va lekisa ndomo va linga epingilo liaco vo jw.org.
2. Momo lie ci kuetele esilivilo oku kundila kumue lekongelo?
Olondonge via Yesu via linga ovina vialua okuti, oku kunda lika olondaka viwa ku vana ovo va kũlĩhĩle ci sule. Yesu “wa vi tuma vivali vivali kovaso yaye kalupale osi” oco vi kunde. (Luka 10:1) Upange wa sokiyiwa ciwa woku kunda, weca komanu valua epuluvi lioku yeva olondaka viwa. Oku kundilavo kumosi ca nenela esanju lialua kolondonge. (Luka 10:17) Eci hẽ ci pondolavo oku kala ocimãho cove oku kundila kumue lekongelo?
LILONGISA ONDONGOSI
Kũlĩhĩsa ndomo o yula usumba loku kuata esanju li tunda koku longisa olondaka viwa.
3. Yehova o ka kala love
Vamue va yongola oku kunda, pamue va kuata usumba watiamẽla kocituwa va ka lekisa ale ndomo va ka tambuiwa.
-
O kuete hẽ usumba woku sapela ovina wa lilongisa? Momo lie?
Tala OVIDEO, noke konomuisa apulilo a kuãimo.
-
Amalẽhe Olombangi Via Yehova va yula ndati usumba?
Tanga Isaya 41:10, noke konomuisa apulilo a kuãimo:
-
Nda o kuete usumba woku kunda, ohutililo yu ku kuatisa ndati?
Wa ci kũlĩha?
Valua pokati Kolombangi Via Yehova va simĩle ale okuti, lalimue eteke va ka longisa vakuavo olondaka viwa. Eci oco ca pita la Sergey okuti, ka ca lelukile kokuaye oku sapela la vakuavo. Pole, noke wa lilongisa Embimbiliya. Eye hati: “Ndaño lusumba wange, nda fetika oku sapuilako vakuetu eci nda kala oku lilongisa. Cilo, ocina ci ndi komõhisa ceci okuti, oku sapela la vakuetu catiamẽla Kembimbiliya, ka ci ñokela vali usumba. Eci ca pamisavo ekolelo liange.”
4. Kala ukuesumbilo
Poku longisa olondaka viwa, ku ka kapeko lika eci o popia, pole, kapakovo onjila ndomo o popia. Tanga 2 Timoteo 2:24 kuenda 1 Petulu 3:15, noke konomuisa apulilo a kuãimo:
-
O kapako ndati ovinimbu evi eci o sapela la vakuene catiamẽla Kembimbiliya?
-
Vamue pokati kepata ale akamba vove, pamue ka va tava kueci o lilongisa. Nye o linga? Nye ku sukila oku linga?
-
Momo lie tu sukilila oku linga apulilo lutate okuti ka tu kisika omanu?
5. Oku longisa olondaka viwa ci nena esanju
Yehova wa eca ku Yesu upange woku longisa olondaka viwa. Yesu wa tendele ndati upange waco? Tanga Yoano 4:34, noke konomuisa apulilo a kuãimo:
-
Oku lia ovikulia viwa, ci tu kuatisa loku tu sanjuisa. Momo lie Yesu a sokisila oku linga ocipango ca Suku oku kongelamo oku kunda olondaka viwa—lokulia?
-
Esanju lipi o kuata poku kunda olondaka viwa?
Olonumbi
-
Vokuenda kuohongele yo vokati kosemana, luluvalela kolonjila vioku fetika ombangulo.
-
Lisonehisa oco o lingainge olonepa kohongele yo vokati kosemana. Oku linga olonepa ci ku kuatisa oku lipongiyila oku sapela lomanu eci o lilongisa.
-
Talavaya lolonepa “Omanu Vamue Va Popia Vati” ale “Umue Pamue o Pula,” vi panga onepa kelilongiso lilo, oco o lipongiye ndomo o tambulula apulilo a siata kuenda ana a teta kondaka.
UMUE PAMUE O PULA: “Nye o kuete cokaliye?”
-
Nda wa linga nye vepuluvi eli oco o longise omunu catiamẽla kueci wa lilongisa kelilongiso liove Liembimbiliya?
NYE WA LILONGISA?
Oku longisa vakuetu olondaka viwa, ci nena esanju noke ci fetika oku leluka.
Oku Pitulula
-
Momo lie tu longisila vakuetu olondaka viwa?
-
O ci linga ndati lonjila yi lekisa esumbilo?
-
O pondola oku yula ndati usumba wosi o kuete woku kunda?
OCO O KŨLĨHE OVINA VIKUAVO
Kũlĩhĩsa olonjila vikuãla vioku longisa olondaka viwa poku talavaya lokokanda konumbi jw.org.
Ocindekaise ci Kuamiwa Poku Eca Okokanda Konumbi yo JW.ORG (1:43)
Lilongisa ovituwa vikuãla vi ku vetiya oku kunda olondaka viwa.
“Ove hẽ wa Lipongiyila Oku Kala Enyanga Liomanu?” (Utala Wondavululi Wenyenye Linene 2020)
Tala ndomo ulandu umue Wembimbiliya u tu vetiya oku kuata utõi oco tu kunde olondaka viwa ndaño muẽle tuamalẽhe.
Kũlĩhĩsa ndomo o longisa Embimbiliya kepata liove ka li lilongisa catiamẽla ku Yehova.
“Oku Kuatisa Vakuepata Lietu” (Utala Wondavululi 15 Yelombo 2014)
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
