ROMNHORÉ 22

E niha te dza dama ĩrowatsuꞌu roꞌmahörö wẽ na hã.

RURUꞌU

A hã ma tô oto ĩwaihu Ropotoꞌwai mreme nhimirowahutu uptabi ĩꞌahö norĩ. Taha wa, ãté te ĩrotsaꞌra: ‘Aihĩni da te ĩwaihuꞌu dzaꞌra da tsi duré!’ Tô tsena aihĩni da te ãma ĩwaihuꞌu dzaꞌra da tsi! Tane nherẽ, ãté aihötöꞌö di ĩwaihuꞌudzé dama ãma rowatsuꞌu da. Ãhã romnhoré na hã, wa dza ꞌmadöꞌö dzaꞌra ni e niha aihötöꞌödzé te dza ãma ĩꞌaiꞌuté robdze na dama ãma rowatsuꞌu da roꞌmahörö wẽ na hã.

1. E niha te dza dama ĩrowatsuꞌu ĩwaihuꞌudzém na.

Jesus dzadawa dzamarĩꞌwa norĩ ma tô nharĩ dzaꞌra: ‘Wa te tsahöri waihuꞌu õ di dza, watõmo na wa te ꞌre ĩꞌmadöꞌö mono watsuꞌu hã duré wapoꞌre na wa te ꞌre ĩwapari mono watsuꞌu hã.’ (Atos 4:20) Jesus nhimirowahudu tãma tsawi petse uptabi dzaꞌra wa, ma tô te te tsima ꞌre wẽ dzaꞌra aihĩni norĩ ma, te te rowatsuꞌu dzaꞌra mono da. E ãne duré te ĩrotsaꞌra. Ãne wamhã, tsada atsiptete atsimiwadzép tsina atsitsãnawã norĩ duré atsiwaihuꞌu norĩ ma rowatsuꞌu da ĩwaihuꞌudzém na hã. — Tsõré na Colossenses 4:6.

Ĩpawaptobdzé ãma tsãnaꞌrata da dama roꞌmahörö na

Atsitsãnawãi ma robdzanhamri ré ãté ãne te dza ĩnha: “Marĩ ĩwẽ uptabi wa tô waihuꞌu ãhã romhuri na hã.”
Atsiwaihu hötöꞌö wamhã niwamhã tsépuꞌu wamhã Ropotoꞌwai mreme nhihödö tãma höiꞌré na pẽꞌẽ hiri da.
A hã atsiré romhuriꞌwa norĩ me atsima robdzanhamri dzaꞌra waꞌaba wamhã, watsuꞌu na marĩ ĩwaihuꞌudzé Ropotoꞌwai mreme na niwamhã datsiꞌrãꞌõtõ na.
Höiꞌré na site jw.org atsiwaihuꞌu norĩ ma.
Dadzô aihörö da te ꞌmadöꞌö da atsimiromnhoré Ropotoꞌwai mreme na niwamhã dama ãma rowatsuꞌu na e niha te dza waptẽrẽ dzaꞌra ni site na Ropotoꞌwai mreme na da te romnhoré dzaꞌra da duré.

2. E marĩ wa wẽ di dza dama roꞌmahörö wamhã watsitsãnawã norĩ ĩtsadzeiꞌwa tsiré.

Jesus dzadawa dzamarĩꞌwa norĩ te te rowatsuꞌu dzaꞌra õ di roꞌmahörö wẽ na hã titsiwaihuꞌu norĩ ma tsi. Ma tô duré te te dama ꞌre roꞌmahörö dzaꞌra uptsãtã petse na. Jesus ma tô te te ꞌre tsatõrĩ tidzadawa dzamarĩꞌwa norĩ hã te te dama roꞌmahörö dzaꞌra da maparane tsi ꞌri nhoꞌõmo mono u. (Lucas 10:1) Uptsãtã petse na ãne te te romhuri dzaꞌra wa, daꞌahö uptabi na ma tô wapari dzaꞌra ni roꞌmahörö wẽ. Taha nhipai u, tsiré te te romhuri dzaꞌra wamhã, tãma robdzei uptabi dzaꞌra di. (Lucas 10:17) E tsada hã duré a hã watsitsãnawã norĩ ĩtsadzeiꞌwa tsiré dama roꞌmahörö da.

WAIHUꞌU DURÉ

Te dza ĩꞌmadö e niha te dza ãma ĩꞌaiꞌuté aipahi hã robdze na dama roꞌmahörö da.

3. Jeová te dza atsiré tihöiba

Niꞌwa te te tsima ĩwẽ te te dama roꞌmahörö da ãté te rotsaꞌrata: “E niha te dza ĩ̱ꞌãma rotsaꞌrata dzaꞌra ni. E marĩ te dza ꞌmanharĩ dzaꞌra ni da te ĩ̱ꞌmadöꞌö dzaꞌra wamhã”.

E aipahi di dama roꞌmahörö da ĩwaihuꞌudzém na hã. E marĩ wa.

ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:

ĨROPODO: Jeová wi wa tô rowaptẽ danhibꞌru dzô (4:05)

E niha ãhã ĩhöibatém norĩ Jeová Watsuꞌuꞌwa ma tô tipahi hã ãma aiꞌuté dzaꞌra.

Atsiré tsõré aba Hebreus 13:6. Taha parimhã atsima robdzanhamri aba ãhã dadzadanharĩ ãma piꞌrebamhã:

Aipahi wamhã dama roꞌmahörö da, e marĩ wa wẽ di dza rowaptẽrẽ wamhã.

E ma tô ĩwaihu.

Watsitsãnawã norĩ ahö na Jeová Watsuꞌuꞌwai õ ré, te rotsaꞌrata dzaꞌra roꞌmahörö wẽ na niwa dza te te dama ĩroꞌmahörö waihuꞌu dzaꞌra õ na hã. ꞌMadöꞌö watsitsãnawã watsuꞌu Sergey na ĩtsitsi, Rússia hawi. Õ hã te tsina rotsaꞌrata marĩ dai õ na duré te te dama robdzanhamri pire di. Tawamhã, Ropotoꞌwai mreme na ma tô ãma tsãnaꞌrata te te romnhoré da. Õ hã te tsiwatsuꞌu: “Ĩ̱pahi nherẽ wa tô ãma tsãnaꞌrata te ĩwaihuꞌudzém na hã te dama robdzanhamri da. Wa ĩ̱tobꞌudzu taha na: dama rowatsuꞌudzé Ropotoꞌwai mreme na ma tô tsiptete ĩ̱tsiꞌãma rowẽ hã. Ma tô duré tsiptete ĩ̱nhimidzadze rowahutu uptabi na.”

4. Atsimiwadzép tsina aihöimana

Roꞌmahörö wẽ na dama rowatsuꞌu wana ré, rotsaꞌrata marĩ na dza ĩnharĩdzéb da hã duré e niha te dza ĩnha. Atsiré tsõré aba 2 Timóteo 2:24 duré 1 Pedro 3:15. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:

Dama rowatsuꞌu wamhã Ropotoꞌwai mreme na, e niha te dza ĩtsadawa dzama ãhã romnhihötö norĩ.
Ãté atsitsãnawã norĩ niwamhã atsiwaihuꞌu norĩ te te tsadze dzaꞌra õ di dza atsimirowahudu hã. E marĩ te dza ĩꞌmanha. E marĩ ĩꞌmanharĩ tõ da tsi.
E mahã ĩwẽ: e atsimiwadzép tsina tãma robdzanhamri dzaꞌra wamhã, e taré tãma ꞌru dzaꞌra wamhã te te atsadze dzaꞌra da. E marĩ wa.

5. Dama rowatsuꞌu roꞌmahörö wẽ na te wama rowẽ dzani dzaꞌra

Jeová ma tô tiꞌru Jesus ma te te dama roꞌmahörö da roꞌmahörö wẽ na hã. E niha Jesus te rotsaꞌrata ãhã romhuri na hã. Atsiré tsõré aba João 4:34. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:

Datsa te wanhiptete dzaꞌra duré te wama rowẽ dzani dzaꞌra. E marĩ wa Jesus te tinha Ropotoꞌwai ma romhuri (ãma ĩtsimiré dama roꞌmahörö roꞌmahörö wẽ na hã) aiwa datsaihuri ne.
Aima hã, e marĩ na te dza atsima ĩrobdze roꞌmahörö wẽ na dama roꞌmahörö wamhã.

Ĩpawaptobdzé dama roꞌmahörö da

Datsiꞌrãꞌõtõ na romhuri waꞌwamhã, atsimipari petse roti norĩ na dama rowatsuꞌu wẽ da hã roꞌmahörö wẽ na.
Robdzanhamri aima rowahutuꞌwai ma dame aihöimana da datsiꞌrãꞌõtõ na romhuri waꞌwamhã. Datsitsanhodzé pitsutu norĩ romnhoréꞌwa norĩ ma hã te dza aipawaptob dzaꞌra atsibꞌru na ĩwaihuꞌu mono dzém na hã dama rowatsuꞌu da.
ꞌMadöꞌö ĩwaꞌõtõ norĩ “Niꞌwam norĩ te nharĩ dzaꞌra ãne” niwamhã “Niꞌwa te te atsadanharĩ wamhã bété” ãma atsanho da dadzadanharĩ dzadaꞌöbö na hã duré marĩ dza ĩnharĩdzéb da na hã niꞌwa te te atsadzei õ wamhã.

NIꞌWA TE TE ATSADANHARĨ WAMHÃ BÉTÉ: “E marĩ ma tô dame ĩtsaꞌre ĩ̱ma watsuꞌu da hã ãhã romhuri na hã.”

E niha te dza dama ĩrobdzanha Ropotoꞌwai mreme na ĩromnhorédzém na hã ãne wamhã.

ĨWAIHUꞌUDZÉ HÃ

Ãma tsãnaꞌrata wapu di roꞌmahörö wẽ na dama rowatsuꞌu da. Taha nhipai u, ãne wamhã te dza atsima ĩrobdzei pe.

Ãma aipoꞌre puꞌu

E marĩ wa, wa dama rowatsuꞌu dzaꞌra ni roꞌmahörö wẽ na.
E niha taha te dza ĩꞌmanha atsimiwadzép tsina.
E niha te dza dama ĩroꞌmahö aipahi nherẽ.

Wa tô uprotsi ãhã romnhoré hã ãhã bötö na:

Taha da atsiptete

Pitsutu niꞌwa tãma rowatsuꞌu da roꞌmahörö wẽ na. Taha na ãma rotsaꞌrata: “E marĩ, wa dza tinha, e niha wa dza tinha, e niwa wa dza tinha”.

Marĩ ĩhöiba amo:

Marĩ ĩhöiba amo