Yesu akegesa nk’okwo Abakirisito nibetagwa kubatizibwa. (Shoma Matayo 28:19, 20.) Kyonkai okubatizibwa kiki? Kandi omuntu nayetagwa kukoraki abase kugobera omugendelero ogwo?

1. Okubatizibwa kiki?

Ekigambo “okubatiza” kigambo ekikuruga omu Rugiriki ekili kumanyisa “okwibika” omu maizi omunda. Yesu orwo yabatizibwe, akaibikwa omu mwiga gwa Yorodani kayamazire ‘yaruga omu maizi.’ (Mariko 1:9, 10) Kwakwo, n’Abakirisito b’amazima nibabatizibwa omu kwibikwa omu maizi.

2. Okubatizibwa nikumanyisaki?

Omuntu orwo alikubatizibwa, nayolekya nk’okwo ayehongeire Yehova Katonda. Omuntu nayehonga atai? Atakabatizibwe, nashaba enshara aliwenkai n’okugambira Yehova okwo alikwenda kumukolera eirai lyona. Naragana okwo arayegashaniza ahali Yehova wenkai, n’ekintu ky’omugasho omu mikalireye kiraba kili kukora engonzi za Katonda. Naramura ‘kweyanga wenene wenkai n’okugendelera kuhondera’ emyegeso n’obulebero bwa Yesu. (Matayo 16:24) Okwehonga n’okubatizibwa nikushoboza omuntu agire obukwatane ahali Yehova n’abantu abandi abali kwegashaniza ahali Yehova.

3. Omuntu nayetagwa kukoraki atakabatizibwe?

Otakabatizibwe, noyetagwa kwega ebikwete ahali Yehova n’okwombeka omwesigo gw’amani ahali wenene. (Shoma Abaheburania 11:6.) Okw’obumanyi n’omwesigo gwawe bili kugendelera kweyongera, nikwo oragendelera kugonza Yehova muno. Omu butalengeshanyia, orayegomba kugambira abandi ebimukweteho n’okutura omu kuhonderana n’amatekage. (2 Timoteo 4:2; 1 Yohana 5:3) Omuntu kalikubanza kutura “okwo Yehova alikwenda ili abase kumushemeleza muno,” ekyo kyakubasa kumukora aramure kwehongera Katonda n’okubatizibwa.​—Abakolosai 1:9, 10. *

 MANYURUZA

4. Ebintu ebyo tulikwega kuruga aha kubatizibwa kwa Yesu

Shoma Matayo 3:13-17 obase kwega bingi ebikwete aha kubatizibwa kwa Yesu. Mushube mufumoreho ebibazo ebi:

• Isi, Yesu akabatizibwa akyali nkelemeke?

• Akabatizibwa atai? Isi, akashesherwa amaizi aha mutwe?

Orwo yamazire kubatizibwa, Yesu akabanza kukora omulimo oguli gw’omugasho ogwo Katonda yamuhaire kukora omu nsi. Shoma Luka 3:21-23 na Yohana 6:38, mushube mufumoreho ekibazo eki:

• Nimulimoki ogwo Yesu yayebembeize omu mikalireye orwo yamazire kubatizibwa?

5. Nobasa kugobera omu gendelero gw’okubatizibwa

Rundi ambandizo nobasa kutina kwehongera Yehova n’okubatizibwa. Kyonkai, nobasa kweyongera omu maisho mpora mpora n’anzindo wakubasa kugira obumanzi obw’okukora oburamuzi obuli bw’omugasho. Ili obase kubona abantu abandi abakozire batyo, yolekya EVIDEO.

Shoma Yohana 17:3 na Yakobo 1:5, mushube mufumoreho ekibazo eki:

• Nikihai ekyakubasa kujuna omuntu ayetekateke aha rw’enshonga y’okubatizibwa?

1. Nitwehongera Yehova omu kumugambira nk’okwo nitugonza kumukolera eirai lyona

2. Orwo tulikubatizibwa nitwoleka embaga y’abantu etulebire nk’okwo twehongeire Katonda

 6. Orwo tuli kubatizibwa nitujwangana n’eka ya Yehova

Orwo tuli kubatizibwa nitwema n’eka ya Yehova eina obumo ey’omu nsi yona. N’orwo turugire omu bichweka n’omilelerwe etali emoi, ichwe ichwena nitwesiga kumoi kandi nitutura kuhonderana n’amateka gonene gonene agakwete aha myegendesheleze mirungi. Shoma Ezaburi 25:14 na 1 Petero 2:17, mushube mufumoreho ekibazo eki:

• Omuntu orwo alikubatizibwa nagira bukwataneki ahali Yehova n’abantu abali kumwegashanizaho?

 OMUBIGUFI

Yesu akegesa nk’okwo Abakirisito nibetagwa kubatizibwa. Babase kugobera omu gendelero ogwo, omuntu nayetagwa kwombeka omwesigo ogwina amani ahali Yehova, kutura omu kuhonderana n’amatekage, n’okumwehongera.

Isi ebi wakubihorora otai?

• Okubatizibwa kiki, nakubaki okubatizibwa kuli kw’omugasho muno?

• Aliho bukwataneki akwehongera Katonda n’okubatizibwa?

• Nibintuki eby’omuntu alikwetagwa kukora atakehongeire Katonda n’okubatizibwa?