O Jesus sikadias ke te kamasa te avas kristianuria trobus te boldiuvas (chito Mateo 28:19, 20, NWT). Numa so si o bolimos? Ai so trobul te kerel iek manush kai kamel te boldiol?

1. Sar trobul te avel o bolimos?

Kana o Jesus kamlias te boldiol gelo ka o pai katar o Jordan, ai kotse o Juan boldias les, ai atunchi o Jesus “anklisto anda pai” (Marko 1:9, 10). Kana le chache kristianuria boldion trobul te avel lengo stato antrego ando pai.

2. So sikavel iek manush kana boldiol?

Kana varekon boldiol, sikavel ke gata shinadias pesko traio ka o Jehova. So trobus te keras te shinavas amaro traio ka o Jehova? Mai anglal te boldiol, suako manush ando rhugimos trobul te phenel le Devleske ke kamel te luvudil les sa pesko traio. Ande godo rhugimos, o manush shinavel ke si te luvudil numa ka o Jehova ai ke e mai bari prama ande pesko traio si, te kerel so kamel o Del. Vi alosarel te bistrel pestar, te lelpe pala o Jesus ai te kerel so sikadias (Mateo 16:24, NWT). Kana suako manush shinavel pesko traio ka o Jehova pashol mai zurales leste ai vi godolentsa kai luvudin les.

3. So trobul te kerel varekon te shai boldiol?

Te kamesa te boldios, pervo trobus te sikios mai pa o Jehova ai te thos tutar te bariol kiro pakiamos (chito Hebreos 11:6, NWT). Sode mai bariol kiro pakiamos ai mai zhanesa pa o Jehova mai si te kames les. Ai gadia si te ningeres o suato ai si te les tu pala so phenel e Biblia (2 Timote 4:2; 1 Iovano 5:3). Kana o manush trail sar o Jehova kamel ai mangel amendar, atunchi shai alosarel te shinavel pesko traio ai te boldiol (Colosenses 1:9, 10, NWT). a

 TE MAI SIKIOS

4. So sikavel amen o bolimos le Jesusosko

Te mai zhanes pa o bolimos le Jesusosko chiton Mateo 3:13-17 [NWT]. Polme den duma pa:

• Sas iek glata o Jesus kana boldilo?

• Numa shorde tsirha pai pe lesko shero vai sar boldilo?

Polme te boldiol o Jesus astardias te kerel e bari buki kai dias les o Del. Chiton Lucas 3:21-23 [NWT] ai Juan 6:38 [NWT], ai den duma pa:

• Polme te boldiol o Jesus, savi buki sas mai bari leske?

5. Shai areses te boldios

Shai avela daras te shinaves kiro traio ka o Del ai te boldios. Numa chi si te daras te alosares godo te sikiosa mai pa o Jehova ai te mai prinzhares les. Te zhanes pa uni manush kai shinade pengo traio ka o Del ai boldile, dikhen o VIDEO.

Chiton Juan 17:3 [NWT] ai Santiago 1:5 [NWT], ai den duma pa:

• So shai azhutil tu te areses te boldios?

1. Shinavas amaro traio ka o Jehova kana phenas leske ando rhugimos ke kamas te luvudis les sa o traio.

2. Kana boldiuvas sikavas angla savorhenge ke gata shinadiam amaro traio ka o Jehova.

 6. Kana boldiuvas sam anda e familia katar o Jehova

Kana boldiuvas si amen iek bari familia kidini pe sa e lumia. Khonik chi lel sama katar avas ai so kerdiam mai anglal. Savorhe si amen iek fialo gindo ai las amen pa so sikiuas ande Biblia. Chiton Salmo 25:14 ai 1 Pedro 2:17 [NWT], ai den duma pa:

• Pa so mothon kakala verseturia, sar azhutil amen te boldiuvas?

 SO DIKHLIAM

O Jesus phendias ke te kamasa te avas kristianuria trobus te boldiuvas. Ai te aresas ka o bolimos trobus te bariaras amaro pakiamos ando Jehova, te las amen pala so vo phenel ai te shinavas leske amaro traio.

So sas te mothos?

• Sar si o bolimos, ai sostar si bari prama?

• So sikavel o manush kana boldiol?

• So trobul te kerel iek manush mai anglal te shinavel pesko traio ka o Jehova ai te boldiol?