CHIIYO 23
Kubbabbatizigwa Nchintu Chiyandikana Loko
Jesu wakaamba kuti maKristu boonse beelede kubbabbatizigwa. (Bala Matayo 28:19, 20.) Kubbabbatizigwa chaambaanzi? Alubo niinzi nchakonzya kuchita muntu kuti ayelele kubbabbatizigwa?
1. Kubbabbatizigwa chaambaanzi?
Bbala lyakuti ‘kubbabbatizya’ lizwa kubbala lyachiGrikki lyaamba “kubbizya” mumaanzi. Chiindi Jesu naakabbabbatizigwa, wakabbizigwa muMulonga waJordani alubo ‘wakazwa mumaanzi.’ (Marko 1:9, 10) Munzila iikozyenie, maKristu bachoonzyo balabbabbatizigwa kwiinda mukubbizigwa mumaanzi.
2. Kubbabbatizigwa kutondeezyaanzi?
Kubbabbatizigwa kutondeezya kuti muntu wakalipeda kuli Jehova Leza. Muntu ulipeda biyeni kuli Jehova? Katanabbabbatizigwa, muntu ngawakomba kuli Jehova kalaalikke kalikumubuzya kuti uyanda kumubelekela kwabuumi bwakwe boonse. Nga wasyomezya kuti unookomba Jehova alikke akuti unoobikka kuyanda kwaLeza mubusena bwakusaanguna kwabuumi bwakwe boonse. Nga wasala ‘kuliimya akuzumanana kutobela’ njiisyo zyaJesu achikozyano chakwe. (Matayo 16:24) Kulipeda akubbabbatizigwa kupa kuti muntu abe abweenzinyina busimide aJehova abakombinyina.
3. Niinzi nzyayelede kuchita muntu kuti ayelele kubbabbatizigwa?
Ulakonzya kulibambila kubbabbatizigwa kwiinda mukwiiya atala aJehova akumusyoma. (Bala Bahebrayo 11:6.) Kuti waba aaluzibo alusyomo lusimide muli Jehova, uyoomuyanda loko. Eezi ziyoopa kuti uyande kukambawukila bamwi atala anguwe akuti upone kweendelana amilawu yaLeza. (2 Timoteyo 4:2; 1 Johane 5:3) Kuti muntu wapona “mbwayanda Jehova akumukkomanisya cakumaninina,” ulakonzya kulipeda akubbabbatizigwa.—Bakolose 1:9, 10. *
YIYA ZYIINGI
Bona zyiiyo nzitwiiya kuzwa kukubbabbatizigwa kwaJesu amuntu mbakonzya kulibambila kuti abweze ntaamu eeyi iiyandikana.
4. Kuli zyiiyo nzitujana kukubbabbatizigwa kwaJesu
Bala Matayo 3:13-17 kuti wiiye zyiingi atala akubbabbatizigwa kwaJesu. Kuzwa waawo, musandule mibuzyo iitobela:
-
Jesu wakabbabbatizigwa kali mwana na?
-
Jesu wakabbabbatizigwa biyeni? Wakasansiilwa amaanzi na?
Jesu wakasaanguna kubeleka mulimu ngwaakapedwe aaJehova chiindi naakazwa aakubbabbatizigwa. Bala Luka 3:21-23 a Johane 6:38, mpawo musandule mubuzyo uutobela:
-
Nguuli mulimu ngwaakali kubikka mubusena bwakusaanguna Jesu naakazwa aakubbabbatizigwa?
5. Zilachita kuti uyelele kubbabbatizigwa
Kumasaangunino, ulakonzya kubonaanga tukonzyi pe kulipeda akubbabbatizigwa. Mukuya kwachiindi, nga wazoosika mpulimvwa kuti lino weelela kubweza ntaamu eeyi iiyandikana loko. Kuti ubone bamwi bakazichita eezi, mweebele KAVIDIYO.
Bala Johane 17:3 a Jakobo 1:5, mpawo musandule mubuzyo uutobela:
-
Niinzi chikonzya kugwasya muntu kuti ayelele kubbabbatizigwa?
-
Tulalipeda kwiinda mukubuzya Jehova kuti tuyanda kumubelekela kwabuumi bwesu boonse
-
Chiindi nitubbabbatizigwa nga tulikutondeezya bantu kuti twakalipeda kuli Leza
6. Kubbabbatizigwa kupa kuti ube mumpuli yaJehova
Kuti wabbabbatizigwa nga waba mumpuli iijisini yamunyika yoonse. Nikuba kuti tuzwa kumasena aasiyene-siyene akuti tulaamaponeno aasiyene-siyene, toonse tusyoma zintu zikozyenie alubo tupona kweendelana amalayilile aamuBbayibbele. Bala Intembauzyo 25:14 a 1 Petro 2:17, mpawo musandule mubuzyo uutobela:
-
Kubbabbatizigwa kupa kuti muntu abe aabweenzinyina buli biyeni aJehova abakombinyina?
BAMWI BAAMBA KUTI: “Tandinalibambila pe kuti ndibbabbatizigwe.”
-
Kuti kumvwa oobo, ubonaanga kuli chiindi na mputazoomvwe kuti lino weelela?
CHIFWIINSYO
Jesu wakaamba kuti maKristu boonse beelede kubbabbatizigwa. Kuti muntu akonzye kubweza ntaamu eeyi, weelede kuba aalusyomo lusimide muli Jehova, kupona kweendelana amilawu yakwe akulipeda kulinguwe.
Mibuzyo Yakwiindulula
-
Kubbabbatizigwa chaambaanzi alubo nkamboonzi nikuyandikana?
-
Kulipeda akubbabbatizigwa zyeendelana biyeni?
-
Nziizili zintu nzyayelede kuchita muntu kuti alipede akubbabbatizigwa?
YANDUULISISYA
Bona kuti kubbabbatizigwa chaambaanzi.
“Kubbabbatizigwa Chaambaanzi?” (Chiiyo chijanika aaIntaneti)
Bona zintu zikonzya kugwasya muntu kuti ayelele kubbabbatizigwa.
“Kuyanda Jehova Akumulumba Kupa Kuti Uyande Kubbabbatizigwa” (Ngaziyakulinda, March 2020)
Bona kuti niinzi zyakapa kuti umwi mwaalumi abweze ntaamu yakubbabbatizigwa.
“Bakali Kuyanda Kuti Ndilibonene Kuti Aaka Nkasimpe” (Ngaziyakulinda, February 1, 2013)
Bona kuti nkamboonzi nikuyandikana kuti ubbabbatizigwe ambukonzya kulibambila.
“Ndeelede Kubbabbatizigwa Na?” (Mibuzyo Iibuzigwa Aabachikula—Nsandulo Zigwasya, Voliyumu 2, chaandaano 37)
^ Kuti kakuli muntu wakali wabbabbatizigwa kuliimwi cheechi, weelede kubbabbatizigwa lubo. Nkamboonzi? Nkaambo cheechi eeyo teeyakali kuyiisya kasimpe kali muBbayibbele.—Langa Milimo 19:1-5 a Chiiyo 13.
