DUNGU 24
¿Chem quimelelqui Biblia tati pu püllü mu?
Jehová ayüni taiñ quimabel pu cümeque püllü mülelu huenu mu. Biblia mu eipingi engün “Chau Ngünechen tañi pu botüm”, beimu Jehová ñi pu che reque belingün (Job 38:7). Biblia, ¿chem quimelelqui tati pu püllü mu? ¿Chumqui pu püllü? ¿Com pu püllü mülingün Jehová tañi pu che mu?
1. ¿Iñi engün am tati pu püllü?
Jehová petu ñi deumanobel Mapu deumabi pu püllü. Jehová reque, mongelingün huenu mapu mu ca pepi pequelabiiñ (Hebreos 1:14). Bentren püllü müli, ca quiduque engün niingün tañi chumngen engün (Apocalipsis 5:11). Pu cümeque püllü huenupüramquebingün Jehová ca inanequingün tañi eipin (Salmo 103:20). Cuibi, Jehová huercübi quiñeque püllü ñi quimelelabel balinque dungu tañi trahunche ca montulabel engün. Bantepu mu, pu püllü quelluquebingün (incaquebingün) pu cristiano tañi quintobel pu che ayünelu ñi bülconal Chau Ngünechen mu.
2. ¿Iñi am Satanás ca tañi pu hueyaque püllü?
Quiñeque püllü inahuelabi Jehová ñi eipin. Tati hunen püllü alütripalu Jehová mu ‘Hueya Püllü ca Satanás pingi’ quidu “ngünencaquebi com mapu müleyechi pu che” (Apocalipsis 12:9). Satanás ayübüi ñi ngünenepool, beimu ngüchaltubi tati hunen curehuen tañi caiñetuabel Jehová. Beimu hula cabei ngüchaltubi quiñeque püllü tañi inaneatu, tüba engün “hueyaque püllü” eipingequi. Beimu Jehová ütrübnacümpabi Mapu mu. Cüpalechi antü mu apümcangeai engün (papiltunge Apocalipsis 12:9, 12).
3. Satanás ca pu hueyaque püllü, ¿chumngechi ngünencaabeiñmu?
Satanás ca pu hueyaque püllü billque dungu bemquingün ñi ngünencaabel tati pu che. Quiñeque mu pu che quimlaabüi ume ñi bülconquen pu hueyaque püllü mu. Beimu ¿chem dungu nüucüli pu hueyaque püllü mu? Quiñeque che pemequebi pelontuchequelu, dauquelu, machi cam calcu. Cabei müli che mupituquelu (beyentuquelu) horoscopo mu. Caque che quintuquingün lahuen nüucülelu pu hueyaque püllü mu. Ca müli che billque dungu bemquelu ñi ngütramcaabel pu la. a Huelu Jehová eipieiñmu taiñ penoabel pu che eipiquelu ñi pepi ngütramcabel pu lalu ca pu pelontuchequelu (Levítico 19:31). Beimu Jehová ngülamtuqueiñmu taiñ hueyalcanoatu Satanás ca tañi hueyaque püllü.
DOI CÜME QUIMNGE
Beula peaiñ cümeque dungu ñi bemquel pu cümeque püllü ca chemu bente cuñihun-ngi billque dungu nüucülelu pu hueyaque püllü mu. Cabei peaiñ chumabüiñ taiñ hueyalcanoatu Satanás ca tañi hueyaque püllü.
4. Cümeque püllü quelluquebi pu che ñi quimabel Jehová
Pu cümeque püllü amuldunguquelabingün pu che iñchiñ reque. Huelu ngüyulqueiñmu taiñ peal pu che ayülelu ñi bülconal Jehová mu. Papiltoiñ Apocalipsis 14:6, 7. Papiltungele hula ngütramcaabiiñ tübachi pu ramtun:
-
Amuldungun mu, ¿chemu duamniiñ taiñ ngüyulatu Jehová tañi pu püllü?
-
¿Chum duamelqueimu pu cümeque püllü ñi bemquel? ¿Chemu bemngechi duamcülimi?
5. Bamentubinge chem ume nüucülelu pu hueyaque püllü mu
Satanás ca tañi hueyaque püllü caiñetuquebi Jehová ca caiñetuqueiñmu. Papiltoiñ Lucas 9:38-42. Papiltungele hula ngütramcaabiiñ tübachi ramtun:
-
Pu hueyaque püllü, ¿chumquebingün pu che?
Iñchiñ ayünelaiñ pu hueyaque püllü taiñ ngüneneatu. Papiltoiñ Deuteronomio 18:10-12. Papiltungele hula ngütramcaabiiñ tübachi epu ramtun:
-
Pu hueyaque püllü, ¿chumngechi ngünencaabeiñmu ca ngüneneabeiñmu? Tami lob mu, ¿chem dungu nüucülelu pu hueyaque püllü mu bemngequi?
-
Chau Ngünechen ngülamtuqueiñmu taiñ connoal billque dungu mu nüucülelu pu hueyaque püllü mu, ¿cümepi mai tüba? ¿Chem piabüimi?
Quintulbe tati VIDEO. Quintulngele hula ngütramcaabiiñ tübachi pu ramtun:
-
Tati amuleto yenelu Palesa ñi püñeñ, ¿cuñihun-ngepebüi mai? ¿Chemu bemngechi piabüimi?
-
¿Chumi Palesa ñi hueyalcahuenoatu pu hueyaque püllü?
Pu rübngechi cristiano bamentuquebingün chem dungu ume nüucülelu pu hueyaque püllü mu. Papiltoiñ Hechos 19:19 ca 1 Corintios 10:21. Papiltungele hula ngütramcaabiiñ tübachi ramtun:
-
¿Chemu bente manelbalngi taiñ apümcaabel chem dungu ume nüucülelu pu hueyaque püllü mu?
6. Eimi huehuabüimi Satanás ca tañi hueyaque püllü
Satanás loncoli pu hueyaque püllü mu. Huelu Miguel loncoli pu cümeque püllü mu, tüba ca quiñe üi ñi tuculelngel Jesús Biblia mu. Beimu, ¿chumten nehuen nii Miguel? Papiltoiñ Apocalipsis 12:7-9. Papiltungele hula ngütramcaabiiñ tübachi pu ramtun:
-
¿Iñi am doi nehuen nii: Miguel ca tañi pu cümeque püllü, cam Satanás ca tañi hueyaque püllü?
-
Jesús tañi pu inanequetu, ¿llücanepeabüi mai Satanás ca tañi hueyaque püllü? ¿Chem piabüimi?
Eimi huehuabüimi Satanás ca tañi hueyaque püllü. Papiltoiñ Santiago 4:7. Papiltungele hula ngütramcaabiiñ tübachi ramtun:
-
¿Chumabüimi tami hueyalcanoatu Satanás ca tañi hueyaque püllü?
QUIÑEQUE CHE EIPIQUI: “Aucatuliiñ billque dungu mu nüucülelu hueyaque püllü mu cam bemngechi pelicula pebiliiñ chumlaaiñmu ume, re aucatun müten tati”.
-
¿Chemu bente cuñihun-ngi bemngechi raquiduam nieal?
CHEM PEIÑ TÜBAMU
Satanás ca tañi hueyaque püllü caiñetuquebi Jehová ca pünequebingün billque dungu tañi ngünencaabel pu che. Huelu pu cümeque püllü billque dungu bemquingün taiñ quelluatu.
Chem quimeleleiñmu tüba
-
¿Chumngechi pu cümeque püllü quelluquebi pu che ñi bülconal Jehová mu?
-
¿Iñi am Satanás ca pu hueyaque püllü?
-
¿Chemu bente cümi tami quiñepülecünoabel chem dungu ume nüucülelu pu hueyaque püllü mu?
DOI QUIMABÜIMI
Jesús, Miguel ca pingequi. Tübamu quimaimi chemu eipiquiiñ tüba.
“¿Iñi am tati loncolechi püllü Miguel pingelu?” (Papiltun internet mu)
Quimponge chemu eipiabüiñ ñi rüb mülen Satanás.
Quimnge chumngechi quiñe domüche quiñepületripai pu hueyaque püllü mu.
“Quimpoi tañi chumal ñi mongen mu” (Ti Huerquen 1 julio 1993)
Quimponge chumngechi Satanás ngünencaquebi pu che calcu dungu mu.
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
