JIʼTE 24
Nyenyô ne m angelé be ke ?
Jéova tcheng ge pe lagne potse ne toundye é ye a kèbeng a. Pe angelé pye pou khé wap ge “po Si” a, be tchum toundye bô. (Jôb 38:7) Bible gôm ge ke ne m angelé ? Pe angelé gre la ? Goung m angelé awè be tchum toundye Si a ?
1. Pe angelé be pe we ?
Jéova le bem m angelé te bem demtchaʼ. Paʼ yu a, wap be mjwégne pou le pe djô wap, wap neng be tchwe tse kèbeng. (Ébraika 1:14) Mshouʼ mshouʼ m angelé be si, be baya mo le ne pou neng gre ye ma. (Apokalipse 5:11) Wap “djouʼgne ne ywe ye [Jéova] gôm a, neng be ging ne ghôm tsye.” (Mghôm ghamte 103:20) Ne mtam tchwedze, Jéova le pe she mtchum them m angelé ge wap ha mtchoung mye, kwite neng vôk temlaʼ é. Tyôʼô, m angelé kwite mkritè ne yô pô pye wap bo tcheng kwaʼ ne lagne ne jye Si a.
2. Sata pou a mjwégne tchwepoung be pe we ?
She m angelé late tchwe pe dendeng bi Jéova. Dendze angelé ye é le tuôtse a, be “ye pou khé é ge Diable ba ge Sata a, mo ye é fute goung dzu awè a.” (Apokalipse 12:9, nwt.) Sata le bo tcheng ne saʼ ne goung pô awè, poʼo é le ghe ge Adam pou Éva ba she m angelé tuôtse bi Jéova. Pou khé m angelé pye wap le tuôtse a ge mjwégne tchwepoung. Jéova be é nô wap tse kèbeng maʼ wap demtchaʼ, pou gô neng sôʼ simgne wap.—Ké Apokalipse 12:9, 12.
3. Sata pou a mjwégne tchwepoung thela ne fute wôkpe m tchi ge ke ?
Sata pou a mjwégne tchwepoung thela ne fute medou pô tchye m ne nwe kè, ye a be ne foʼte ne ghômte pou a mjwégne a; taʼ ywe be a ka poung. She mfoʼte, she pô gô djô pô pye wap tcheng gôm a, mghè jye sè, pô pye wap gôm nwe ne potse tsye a gô tchyete tchum mtyèʼdzu dze a, pô pye wap tcheng ne ghôm nwe bi pô pye wap pfu a, mkamsi ba mghè kè. She pô tcheng mtchi ne ba mne map mye pou de kè gre a. Sata pou a mjwégne tchwepoung gre ge pô kwè ge wap fing ne ghômte pou a pô pye wap pfu a. Daʼge Jéova bapte wôkpe ge : “Ka po ghô djô mkamsi, po ke neng tcheng pô pye wap gôm potse tsye a gô tchyete tchum mtyèʼdzu dze a.” (Mtchoʼ 19:31) É gôm ge pe pôm poʼo ne ne bômte wôkpe ne Sata pou a mjwégne tchwepoung. Wap be mghèbo Si neng bo tcheng ne ghe ywe tchwepoung ne pe.
PING TCHENG NE GÔ DZE
Lagne potse pepoung tsye m angelé gre a, potse tchwepoung tsye nwe kè fing ne ghe ne pe a, ba tchi paʼ pe fing ne pômte mne môkpe ne Sata ba ne mjwégne tchwepoung a.
4. Pe angelé kwite pô ne lagne ne jye Jéova
Pe angelé Si te sing Ghôm Si bi pô pe kwaʼ wap pe. Wap fing ne ghe ge mghè faʼ Si ghô djô pô pye wap bo tcheng ne lagne ne jye Si a. Ké Apokalipse 14:6, 7, neng gômte ne mhente menge :
-
Nweke a tcheng ge m angelé kwite wôkpe ne sing Ghôm Si ?
-
Ne jye ge m angelé fing ne kwite o, ne ghô djô pô pye wap bo tcheng ne youʼ nwe ne Bible a ha kaktuô bou a ? Nweke ?
5. Kengne nwe kè
Sata pou a mjwégne tchwepoung be mghèbo Jéova. Wap be ba mghèbo pôkpe. Ké Loukasi 9:38-42, neng gômte ne hente yenge :
-
Mjwégne tchwepoung gre la ne pômneng ?
Pe te bo tcheng ne ha sô bi mjwégne tchwepoung ne ko tchum vôk tsôkpe pe. Ké Bate Mtchoʼ 18:10-12, neng gômte ne mhente menge :
-
Mjwégne tchwepoung tcheng ne ghe ywe ne yôkpe tchi ne tchwe, neng gômte pou a wôkpe m tchi ge ke ? Pômneng gre ma potse tsye a dé kè a tsuʼ ye o tchwe ne a ?
-
O kwè ge a be a poung paʼ Jéova khengne ge pe ghe potse tsye a dé kè a ? Nweke ?
Yô VIDÉO, neng gômte ne mhente menge.
-
O kwè ge ywe ye Palésa le kwe ne pou mou é a, ke be taʼ ywe tchwepoung a ? Nweke ?
-
A le bo tcheng ge Palésa ghe la te ne bômte ne é ne mjwégne tchwepoung ?
Mkritè nyenyô be goung tam awè khengne mjwégne tchwepoung. Ké Mfaʼ 19:19 ba 1 Korinto 10:21, neng gômte ne hente yenge :
-
Nweke a be m tuôdeng ne simgne bakele ye o ghe, a po tchoʼ nwe kè a ?
6. Tsu shou ne Sata ba ne mjwégne tchwepoung
Sata be fo mjwégne tchwepoung. Daʼge mo ye é be fo ne m angelé pye wap be dendeng a be Mikaèl, Tadye m angelé. Mikaèl be mouʼ tso Yéso. Mikaèl be é tuô deng ge ke ? Ké Apokalipse 12:7-9, neng gômte ne mhente menge :
-
We be é tuô tchye we ? Mikaèl pou a m angelé pye ke Sata pou a mjwégne tchwepoung pye ?
-
O kwè ge a tcheng ge pekhu Yéso tchwôʼ Sata ba mjwégne tchwepoung a ?
O fing ne tsu shou ne Sata ba ne mjwégne tchwepoung. Ké Yakop 4:7, neng gômte ne hente yenge :
-
O fing ne pômte ne o ne Sata ba ne mjwégne tchwepoung m tchi ge ke ?
SHE PÔ GÔM GE : “A be a ka pôk ne fye pou a mgèm ba ne yô mfilm mye, potse be dé nwe kè be tchum o a. A be a daʼ ne ne de tam.”
-
Nweke ne ghe yeng tchi ne sè be a pôk ?
YE NE KHAMTE
M angelé pye wap be dendeng a kwite wôkpe. Sata pou a mjwégne tchwepoung be mghèbo Jéova, wap neng gwim nwe kè ne ne fute pômneng.
O lagne ke ?
-
Pe angelé Jéova bo kwite pô ne lagne ne jye é m tchi ge ke ?
-
Sata pou a mjwégne tchwepoung be pe we ?
-
Nweke o bo tcheng ne tchwe te grô sesuô ne nwe kè ?
YÔ SHE POTSE NE
Lagne nweke pe jye ge Yéso be Mikaèl, Tadye m angelé a.
Yô potse tsye a daʼte ge Diable be taʼ mo be we kwaʼ nyenyô a.
“Le Diable : principe du mal ou personne réelle ?” (Ne jw.org)
Yô tchi paʼ taʼ mdjwi them kwô mjwégne tchwepoung a.
“Elle a trouvé un but dans la vie” (La Tour de Garde, 1er juillet 1993)
Yô tchi paʼ Sata gwim nwe kè ne ne fute pômneng a.
“La vérité sur la magie et la sorcellerie” (La route qui mène à la vie éternelle, section 5)
