Bani Bibel isobut do malekat ai “anak ni Naibata”. (Job 38:7) Marosuh do Jahowa ase ibotoh hita pasal sidea. Aha ma na iajarhon Bibel pasal malekat? Aha ma na ihorjahon sidea? Ganup do malekat ai kaluarga ni Naibata?

1. Aha do na iajarhon Bibel pasal malekat?

Domma itompa Jahowa malekat sanggah lape itompa tanoh on. Tading i surga do sidea janah lang boi ididah hita. (Heber 1:14) Bahat tumang do bilanganni malekat ai, janah lang dos sifatni. (Pangungkabon 5:11) Sidea ma ‘na padaskon hata ni [Jahowa], janah tongtong do sidea unduk bani parentah-Ni’. (Psalmen 103:20) Hinan, ipakei Jahowa do malekat laho padaskon tonah-Ni, mangurupi ampa paluahkon juakjuak-Ni. Sonari, itogu-togu malekat do halak Kristen hubani halak na sihol marlajar Bibel.

2. Ise do Sibolis pakon begu-beguni?

Malekat hinan do Sibolis ai. Ia do malekat na parlobei na manlawan Naibata. Isobut ma ia “Sibolis pakon Setan, na pakahouhon haganup dunia on”. (Pangungkabon 12:9) Sihol do ia gabe siparkuasa. Jadi, ioto-otoi ia ma jolma na parlobei. Dob ai, iarahkon ia ma homa malekat-malekat na legan ase manlawan Jahowa. Isobut ma sidea begu-begu. Domma idabuhkon Jahowa sidea hu tanoh on, janah tongkin nari iripaskon ma sidea.​—Basa Pangungkabon 12:9, 12.

3. Sonaha Sibolis pakon begu-beguni pakahouhon hita?

Bahat halak ipakahou Sibolis pakon begu-beguni marhitei spiritisme atap pardatuan. Spiritisme ai ma ganup horja na dong kaitanni pakon begu-begu. Umpamani martambar bani datu, atap manungkun datu laho pasaloseihon masalahni. Ipakahou Sibolis do homa jolma ase porsaya boi do na matei mangurupi na manggoluh. Tapi, ipasingat Jahowa do hita, “Lang boi sungkunonnima halak na boi marsahapi pakon na matei, janah lang boi sungkunonnima datu.” (3 Musa 19:31) Ibere Ia sipasingat ai laho manjaga hita humbani Sibolis pakon begu-beguni. Munsuh ni Naibata do sidea janah sihol do sidea pakahouhon hita.

 PARLAJARI ROH BAHATNI

6. Boi do ham monang manlawan Sibolis pakon begu-beguni

Sibolis do pamimpin ni ganup begu-begu. Tapi pamimpin ni ganup malekat na setia, ai ma si Mikael. Jesus do si Mikael ai, anjaha gogoh tumang do ia. Basa ma Pangungkabon 12:7-9, janah ulas ma sungkun-sungkun on:

• Ise do na gogohan, si Mikael pakon malekat-malekatni do, atap Sibolis pakon begu-beguni?

• Anggo iahap ham, porlu do hita mabiar hubani Sibolis pakon begu-beguni?

Boi do ham monang manlawan Sibolis pakon begu-beguni. Basa ma Jakobus 4:7, janah ulas ma sungkun-sungkun on:

• Sonaha carani ase boi ham ilinggomi humbani Sibolis pakon begu-beguni?

 RIMPUNAN

Iurupi malekat-malekat na setia do hita. Munsuh ni Jahowa do Sibolis pakon begu-beguni. Janah marusaha do sidea pakahouhon ganup halak marhitei spiritisme.

Na Dob Iparlajari

• Sonaha malekat-malekat mangurupi hita sanggah marbarita?

• Ise do Sibolis pakon begu-beguni?

• Mase maningon ipadaoh hita dirinta humbani spiritisme?