Jehoova boɔrɔŋ ka ho baŋ o booree deme naŋ be sazuŋ na soŋ. Malekere poɔ la a booree ŋa poɔŋ, a Baabole boɔlɛɛ malekere ka “Naaŋmen bidɔbɔ.” (Joob 38:7) Bo ka a Baabole yel kyaare malekere? Bo toma ka a malekere tonɔ? A malekere zaaŋ poɔ Naaŋmen booree na poɔŋ bee?

1. Aŋ mine la a malekere?

Jehoova maalɛɛ a malekere sɛre kyɛ maale a teŋgane. Aŋa lɛ Jehoova naŋ waa na, a malekere meŋ eɛ siiloŋ poɔ noba. Sazuŋ baŋ kpeɛrɛ. (Hiburu 1:14) Malekere turituri la bebe, ba kaŋa zaa gyogo meŋ ba yitaa. (Yel-iriwulaa 5:11) Ba “maŋ gɛrɛɛ [Jehoova] tommo, [a] maŋ tu o yelihoŋ” meŋ. (Yieme 103:20) Takoreŋ saŋa na, Jehoova da maŋ toŋ la o malekere na baŋ de duoro te ko o puorebiiri. O da maŋ toŋ baŋ baŋ te soŋ a kyɛ faa o noba meŋ. Zenɛ ŋa meŋ, a malekere maŋ sonnɛɛ Kristabiiri baŋ gɛrɛ noba naŋ boɔrɔ ka ba zanne Naaŋmen yɛlɛ zie.

2. Nembuo la Setaana ane o malekefaare na?

A wa ta la saŋa kaŋa ka a malekere mine da ba lɛ dire yelmennoŋ korɔ Jehoova. A maleke dɛndɛŋ soba naŋ iri zɔɔrɔ neŋ Naaŋmen na la “baŋ boɔlɔ Dɛɛvul ane Setaana na. Onaŋ bɛnlɛ a donɛɛ zaa na.” (Yel-iriwulaa 12:9) Setaana boɔrɔŋ ka o dire naaloŋ a kaara noba, azuŋ o da bɛnlɛɛ Adama neŋ Hawaa baŋ zagre Naaŋmen noɔre. A puoreŋ, o da bɛnlɛɛ malekere mine meŋ baŋ zagre Naaŋmen noɔre. A malekere naŋ e tokpeɛne na la baŋ boɔlɔ malekefaare. Jehoova kare baŋ baŋ yi sazu a wa be a teŋɛzu kyɛ. Jehoova na sãã la ba zaa.​—Kanne Yel-iriwulaa 12:9, 12.

3. Sobuo ka Setaana neŋ a malekefaare maŋ tu kyɛ boɔrɔ ka ba bɛnle te?

Setaana neŋ a malekefaare maŋ tu la sɔyɛlɛ bee berebo yɛlɛ eŋɛŋ kyɛ bɛnlɛ noba yaga. Ka neɛŋ wa erɛ sɔyɛlɛ o neŋ a malekefaare la maŋ dire dama. Aŋa mannoo poɔŋ, noba mine maŋ gaa la noba naŋ maŋ kaara ŋmarbie zie, noba naŋ erɛ kɔntɔŋboɔlaa yɛlɛ, noba naŋ erɛ berebo yɛlɛ ane sɔyɛlɛ zie, ka ba wuli ba yɛlɛ naŋ na e nendaare kaŋa. Ka noba mineŋ meŋ wa beɛrɛ a boɔrɔ baaloŋ saŋ, ba maŋ de la sɔyɛlɛ poɔ ba baaloŋ saŋ na poɔŋ. Setaana neŋ o malekefaare na maŋ lɛ bɛnlɛɛ noba baŋ sagedi ka ba neŋ noba naŋ kpi na toɔ̃ di la dama. Kyɛ, Jehoova kpãã teŋ nimizeɛ̃ ka: “Ta wa leɛrɛ gɛrɛ kɔntɔŋboɔlaa bee kɔntɔŋ noba zie.” (Liivai 19:31) Jehoova ko teŋ a kpããmo ŋa bonso, o boɔrɔŋ ka o go te ka Setaana neŋ o malekefaare na ta pere te. Setaana neŋ o malekefaare na e la Naaŋmen dɔndɔnne, azuŋ ba boɔrɔŋ ka ba sãã te yɛlɛ.

 ZANNE YƐLƐ YAGA POƆ

6. Ho na baŋ zɔɔtoɔ̃ la Setaana ane o malekefaare na

Setaana la a malekefaare wedeɛrɛ. A maleke kpoŋ Mikɛl la a maleke sonne wedeɛrɛ. Yezu yuori kaŋa la Mikɛl. Wala ka Mikɛl taa kpeɛ̃o a seŋ? Kanne Yel-iriwulaa 12:7-9, a kyɛ gyieli a soorebie naŋ tu na yɛlɛ:

• Aŋ taa kpeɛ̃o gaŋ o tɔsoba, Mikɛl ane o malekere na bee Setaana neŋ o malekefaare na?

• Ho teɛre ka Yezu potuuribo seŋ ka ba zoro Setaana neŋ o malekefaare na dabeɛ̃ bee?

Te na baŋ zɔɔtoɔ̃ la Setaana neŋ o malekefaare na. Kanne Gyimisi 4:7, a kyɛ gyieli a soorebiri ŋa yɛlɛ:

• Wala hoŋ na baŋ e a go ho meŋɛ yi Setaana neŋ o malekefaare na eŋɛŋ?

 A ZANNOO YELNIMIZEERE

A maleke sonne na maŋ sonnɔ teŋ. Setaana neŋ o malekefaare na e la Jehoova dɔndɔnne. Ba maŋ tu la sɔyɛlɛ eŋɛŋ kyɛ bɛnlɛ noba.

Bo Hoŋ Zanne

• Sobuo ka Jehoova malekere na sonnɔ noba baŋ zanna o yɛlɛ?

• Aŋ mine la Setaana neŋ o malekefaare na?

• Bonso aŋ seŋ ka ho tage ho meŋɛ yi sɔyɛlɛ eŋɛŋ kpɛlɛŋkpɛlɛŋ?