Yekoba akɔɔr ɣook buk piöc ë bïak ë paanden tɔ̈u paannhial. Ku paan kënë anɔŋic Maläikat, ye keek cɔɔl “wɛ̈tke Nhialic.” (Jop 38:7) Yeŋö ye Baibol lueel ë biäk ë Maläikat? Yeŋö yekë luöi kɔc? Ye Maläikat ëbën kɔcke paan ë Nhialic?

1. Ye yïïŋa keek ë Maläikat?

Yekoba acï Maläikat cak ke kën piny guɔ cak. Keke thöŋ ë yen, acie keek ë tïŋ gup ku aa rɛ̈ɛ̈r paannhial. (Ɣeberuu 1:14) Anɔŋ Maläikat juëc apɛ̈i, ku keek ëbën acïï thöŋ. (Nyuuth 5:11) Aa “lööŋke döt [Yekoba], ku aa këdɛn lueel piŋ.” (Diɛt 103:20) Dhaman thɛɛr wään ë Baibol, Yekoba ee ye Maläikat tooc ë thɛɛ kɔ̈k bïk wëlke lɔ luɛɛl ku konykë kɔcke ku luɛ̈kkë ke bei. Yeköölë, maläikat aa Kërithanoi wat nïïm tënë kɔc wïc bïk piöc ë biäkde Nhialic.

2. Ye yïïŋa Cetän ku jakrɛc?

Maläikat kɔ̈k aa kën rëër ë gäämden yic tënë Yekoba. Maläika tueŋ ë kɔn gät aye “cɔl Jɔŋdït Rac ku cɔl Catan, jɔŋ ee piny math nɔm ëbɛ̈n.” (Nyuuth 12:9) Cetän aa wïc bï kɔc kɔ̈k mac, ku ee yen wɛ̈t cïï yen kɔc wään kɔn ke cak bën rac nïïm ku kaam koor, acï Maläikat kɔ̈k bën rac nïïm bïk gät aya. Maläikat cï gätkä aye ke cɔɔl jakrɛc. Aa cïï Yekoba ke cuopwei paannhial ku cuat keek ë pinynɔm, ku aabï keek riɔ̈ɔ̈k.​—Kuen Nyuuth 12:9, 12.

3. Ye këdï ye Cetän ku jakrɛc ye them bïk ɣook muɔ̈ɔ̈r?

Cetän ku jakrɛc aa kɔc juëc muɔ̈ɔ̈r ë luɔi ë käk ë jak, ku ee luɔi rɛɛc ye kɔc ye them bïï keek ya jam ke jakrɛc. Cït man, kɔc kɔ̈k aa lɔ tënë kɔc ye cɔ̈ɔ̈r ë kä nhial, kɔc ë kä bï röt looi tueŋ mɛɛk, kɔc ë nyuɔ̈th waaric, ku jɔl ya tït. Kɔc kɔ̈k aa luui ë käk jak të cïï keek tuany bïk dɛɛm. Kɔc kɔ̈k aya aye keek math nɔn nadɛ̈ ka lëu bïk jam ke kɔc cï thou. Ku Yekoba ee ɣok thɔn nïïm: “Du täŋ piɛth ye lɔ kɔɔr në kɔc ee cɔ̈ɔ̈r nïïm, ayï kɔc ee jam në kɔc cï thou nïïm.” (Lebai 19:31) Yekoba ee ɣok gäm ë thön kënë ago ɣok gɛ̈l tënë Cetän ku jakrɛc. Aa kɔc ka ter ë Nhialic, ku awïckë bïk ɣook ya luöi kärɛc.

 YÄP DÏT

6. Tiam tɔŋ ë Cetän ku jakrɛc

Jakrɛc aa mɛc Cetän keek. Ku Maläikat nɔŋ gäm aye keek nyuɔ̈ɔ̈th ë bɛ̈ny ë Maläikat ye cɔɔl Maikɔl, aa keek rin kɔ̈k ke Yecu. Ku ye riɛl yindï tɔ̈u ke Maikɔl? Kuen Nyuuth 12:7-9, ku jälkë thiëc kä jäämiic:

• Yeŋa nɔŋ riɛldït apɛi? Ye Maikɔl ku Maläikatke awu ye Cetän ku jakke?

• Nadɛ̈ ye takic kɔc Yecu biɔɔth cöök aa lëu bïk riɔ̈ɔ̈c ë Cetän ku jakke?

Yïn lëu ba tɔŋ ë cetän ke jakke tiaam. Kuen Jakop 4:7, ku jälkë thiëc kënë jäämic:

• Ye këdï lëu bïï yïn rot tiit tënë Cetän ku jakke?

 JAM CIEKIC

Maläikat nɔŋ gäm aa ɣook kuɔny. Cetän ku jakke aa kɔc ka ter tënë Yekoba, ku aa käk ë jak luöi bïï keek kɔc muɔ̈ɔ̈r.

Bëër Yic

• Ye këdï ye Maläikat ke Yekoba kɔc kuɔny bïk piöc ë biäkde?

• Ye yïïŋa ë Cetän ke jakke?

• Ye wɛ̈tŋö cïï ɣok ye kɔɔr buk röt mat ë luɔi ë käk ë jak yiic?