Jehova ana shana tu yive lipata lyendi lyamuliwiru. Mulipata olyo kwa hamena mo vaengeli. Navo kuvatwenya ashi “vana vaKarunga.” (Joba 38:7) Nke ya ghamba ko Bibeli kuhamena vaengeli? Weni va kundamanga liparu lyavantu? Ngoli vaengeli navantje kwa hama kulipata lyaKarunga ndi?

1. Vare vaengeli?

Jehova kwa shitire vaengeli kumeho a unge livhu. Yira Karunga, vavo navo kwa kara muliwiru ntani nakuvamonashi. (Heberi 1:14) Pa kara mamiliyona ghavaengeli ntani vavo kwa kushuva-shuva. (Lishorwero 5:11) Vaengeli ‘‘kutikita mo nkango yaJehova nakutegherera liywi lyendi.” (Pisalme 103:20) Pa kare, Jehova pamaruvede ghamwe ka tumanga vaengeli va tware mbudi kuvantu nakuvavatera ntani kuvapopera. Namuntji lino, vaengeli kupititira Vakriste kuvantu ovo vana shano kuyiva Karunga.

2. Are Satana ntani mpepo dendi dadidona?

Vaengeli vamwe kapi va limburukwire Jehova. Muengeli wakuhova wamurwaniti “kumutwenya ashi Mudjonauli ntani Satana, ogho ana kupukito udjuni nauntje.” (Lishorwero 12:9) Satana kwa shanine kupangera vapeke, mpo ngoli a pukitire Adamu naEva, muruku vaengeli vapeke navo ava mu kwatita ko. Vaengeli ovo kuvatwenya ashi mpepo dadidona ndi vandemone. Jehova a va tjidira palivhu, ntani ngava va djonaghura po.—Varura Lishorwero 12:9, 12.

3. Weni Satana nampepo dadidona va shetekeranga ko kutupukita?

Satana nampepo dadidona kupukita vantu kupitira muumpure. Yayo kuna kara ndjenditito yayidona yakushana kughambaghura nandemone. Pashihonenito, vantu vamwe kuyenda kuvanganga. Vamweya kushana liveruro omo mwa hameno umpure. Vantu kuvakonga nka va pure ashi kuvhura kughamba navafe. Ngoli Jehova kuturondora ashi: “Mwa sha yenda kuvanganga ndi mu pure ovo va yanekidango.” (Levitikus 19:31) Ghuye kuna kutupa lirondoro olyo morwa ana shana atu popere kwaSatana nampepo dadidona. Vavo nkore daKarunga ntani kuna shana kutukolita.

 TEDA KO

6. Rwanita Satana nampepo dendi dadidona

Satana ndje mupangeli wampepo dadidona. Ngoli, vaengeli vavalimburukwi kuvapititira nkuruengeli Michael, lidina limwe lyaJesus. Pani da hura nkondo daMichael? Varura Lishorwero 12:7-9, ntani timwitirenu mapuro ghano:

• Are wankondo po ngudu? Michael navaengeli vendi ndi Satana nampepo dendi dadidona?

• Weni una kughayara, hepero vakwami vaJesus va tjire Satana nampepo dendi dadidona ndi?

Kuvhura u kete Satana nampepo dendi dadidona. Varura Jakobus 4:7, makura timwitirenu lipuro lino:

• Weni u kukunga kwaSatana nampepo dadidona?

 LIKAMO

Vaengeli vakulimburukwa kutuvatera. Satana nampepo dendi dadidona kuna kara nkore daJehova ntani vavo kurughanita umpure vapukite vantu.

Livyukuruko

• Weni vaengeli vaJehova vana kuvatera vantu vakushonge kumuhamena?

• Are Satana ntani mpepo dendi dadidona ndi ndemone?

• Morwanke u kuporera ko kuumpure?