AYEGHLE 24

Za bebela a daghe bangele ?

A WOKH A NKOBE

Jehôva a kômô naa bi yeghe a yem é nda bôt dzéñ é ne a dzôp été. Nda bôt té été, bi ne lang bangele, ba luè be naa « é bôan Nzame. » (Job 38:7) Za dzam Bible a dzô nfa bangele ? Aval avé é dzam ba bo da name bia ? Ye bangele besese be ne bôt be ye é nda bôt Nzame ?

1. Beza be ne bangele ?

Jehôva a nga vele bangele kaa naa a vele si. Ane ñe, be ne minsisim, be too a dzôp été. (Behébreu 1:14) Bangele be ne bizukh, ya naa kada mbo ye été a ne ngum aval. (Melere 5:11) Ba « bèè é king [Jehôva] ya bo é dzam a sili. » (Bya 103:20) Metam ô mvus, Jehôva a mbe é lôm bangele naa be ke kat mefuèñ ya sukh ayong dèñ asi. Ému, bangele ba lôm bekristen ébe é bôt ba kômô yem Nzame.

2. Satan ya bedémon nge ki demonios be ne beza ?

Bangele b’ézing béé dzi ki tobe sôsôe ya Jehôva. Angele ôsua a nga tebe Nzame é ngam ayat « a ne éñi ba luè naa Satan ya Debele éñi a dukh bôt si se ngura. » (Melere 12:9) Amu a nga kômô djié é bôt bevoo, Satan a nga tsini Adan ba Eva nge ki Adam ba Ève ya bangele befe naa be biane Nzame. É bangele be nga tebe Nzame é ngam ayat ba luè be naa bedémon nge ki demonios. Jehôva a nga tsirane bo a dzôp naa be zu a si, a nkuna be mane wiñ.—A lang Melere 12:9, 12.

3. Aval avé Satan ya be demonios nge ki bedémon bèñ ba dzeng naa be dukh bia ?

Satan ya bedémon nge ki demonios bèñ, ba dukh boan be-bôt béé belane espiritismo nge ki spiritisme. Éfiè té da tsinane meval mesese bi ne kobe ya mbia minsisim. Éfônan, abuiñ bôt ba ke yen be astrólogos nge ki bastrologue, ba lang fe horóscopo nge ki oroscope, ya ke yen é bôt ba kobe ya mbia minsisim, mingengang, é bôt be ne mbôô. É bôt bevoo ba sèñ ya mbia minsisim éyong ba sèñ bôt. Éba bevoo ba bunu naa be ne kobe ya bewu. Ve, Jehôva a ve bia mbame wi : « Mi taa ke yen mingengang nge ki é bôt ba dzeng naa ba kômô yem é mam ma ye boban ôsu. » (Lévitique 19:31) A ve bia mbame té amu naa a kame bia. Satan ya bedémon nge ki demonios be ne minzizing Nzame. Ba dzeng naa be bo bia mbimbia be-mam.

A TUGHA FAS

Yeneghe é mbemba ésèñ bangele ba bo, ya aval espiritismo nge ki spiritisme é ne abé, ya fe é dzam bi ne bo naa bi kame bia bebién asu Satan ya bedémon nge ki demonios.

4. Bangele ba vole bôt naa be yem Jehôva

É bangele Nzame bebién baa ke ki kanghle bôt. Ve, ba vole be-bo bisèñ Nzame naa be ke ébe é bôt ba kômô ñe yem. A lang Melere 14:6, 7, éyong té mia lèè minlang mia daghe minsili mia zu mi :

Amu dzé bia yi avol bangele naa bi kanghle ?
Ye da ve wô ngu’u éyong wa yem naa bangele be ne wô lere ébe é bôt ba kômô yem Bible ? Amu dzé ?

5. Dzoghe espiritismo nge ki spiritisme

Satan ya bedémon nge ki demonios be ne minzizing Jehôva. Be ne fe minzizing miè. A lang Luc 9:38-42, éyong té mia lèè minlang mia daghe minsili mia zu mi :

Za dzam bedémon nge ki demonios ba bo boan be-bôt ?

Biaa kômô ki likh naa bedémon nge ki demonios be larane ya bia. A lang Deutéronome 18:10-12, éyong té mia lèè minlang mia daghe minsili mia zu mi :

Meval mevé bedémon nge ki demonios ba dzeng naa be name bia, ya naa, aval avé ba dzeng naa be kobe ya bia ? Za mam m’ézing ma larane bedémon nge ki demonios ma boban é vôm mi too ?
Ye da yiène naa Jehôva a kili bia espiritismo nge ki spiritisme ? Amu dzé wa simane do ?

Daghane ÉNGENGENG, éyong té mia lèè minlang mia daghe minsili mia zu mi :

ÉNGENGENG : « A lumane Debele » (5:02)

Ye wa tem naa nkoo é moan Palesa a mbe baghe énam é nga so ñe mbia dzam ? Amu dzé wa tem do ?
Za dzam Palesa a nga yiène bo naa a kame é moan wèñ asu bedémon nge ki demonios ?

Beña bekristen be ne mban a tebe bedémon nge ki demonios ôyap. A lang Bisè mintôl 19:19 ya 1 Becorinthien 10:21, éyong té mia lèè minlang mia daghe nsili wa zu wi :

Amu dzé é ne éban naa ô mane dzighi é biôm bisese bi bele élat ya espiritismo nge ki spiritisme ?

6. A wun aluman ya Satan ya bedémon nge ki demonios bèñ

Ndjié bedémon nge ki demonios a ne Satan. Ve, ndjié é bangele be ne sôsôe a ne archange Michel nge ki Miguel arcángel, a ne fe éyôla naa Yésu. Ye Michel nge ki Miguel a ne ngu’u ? A lang Melere 12:7-9, éyong té mia lèè minlang mia daghe minsili mia zu mi :

Beza ba dang ngu’u ? Ye Michel nge ki Miguel ya é bangele bèñ nge ki Satan ya bedémon nge ki demonios bèñ ?
Ye beyeghe Yésu ba yiène ko Satan ya bedémon nge ki demonios bèñ wong ?

Ô ne wun aluman Satan ya bedémon nge ki demonios bèñ. A lang Jacques 4:7, éyong té mia lèè minlang mia daghe nsili wa zu wi :

Aval avé ô ne kame wamièn asu Satan ya be demonios nge ki bedémon bèñ ?

NGE MÔR ÉZING A DZÔ WÔ NAA : « Déé se ki abé nge bia yen espiritismo nge ki spiritisme éngengeng metsap nge ki bingengeng été. A ne fave bivuiñ. »

Amu dzé aval ôtemgha té ô ne mbia dzam ?

AKIGHE BES

É bangele be ne sôsôe ba vole bia. Satan ya bedémon nge ki demonios bèñ be ne minzizing Jehôva, ya naa ba belane espiritismo nge ki spiritisme naa be dukh bôt.