LESONI 24
Na ka Dina me Baleti Ira na Agilosi
E vinakata o Jiova meda kila na nona vuvale vakayalo e lomalagi. Era okati kina na agilosi, era vakatokai mera “luve ni Kalou.” (Jope 38:7) Na cava e tukuna na iVolatabu me baleti ira na agilosi? Era vukei keda vakacava? Era lewenivuvale ni Kalou na agilosi kece?
1. O cei o ira na agilosi?
Ni bera ni bulia o Jiova na vuravura, e bulia e liu na agilosi. Me vakataki Jiova ga, era kabula vakayalo tawarairai era tiko mai lomalagi. (Iperiu 1:14) Era vica vata na milioni na agilosi, ra qai duidui kece. (Vakatakila 5:11) Era ‘vakayacora na vosa [i Jiova], era talairawarawa ina domona.’ (Same 103:20) Ena gauna makawa, o Jiova e dau talai ira nona agilosi ena so na gauna mera vakadewataka na nona itukutuku, mera tokoni ira nona tamata qai vakabulai ira. Nikua, era dusimaki ira tale ga na lotu vaKarisito vei ira na via vulica na veika me baleta na Kalou.
2. O cei o Setani kei ira nona timoni?
Eso na agilosi era sega ni yalodina vei Jiova. Na imatai ni agilosi e talaidredre “e vakatokai na Tevoro se o Setani, o koya e vakacala tiko na vuravura taucoko.” (Vakatakila 12:9) E vinakata o Setani me liutaki ira na kena vo, e mani temaki rau na imatai ni tamata kei so tale na agilosi mera tomani koya ena nona talaidredre. Era vakatokai na agilosi talaidredre qori mera timoni. O Jiova sa qai vakatalai ira tani mai lomalagi. Dua na gauna era na qai vakarusai.—Wilika Vakatakila 12:9, 12.
3. E vakacalai keda vakacava o Setani kei ira na timoni?
Era vakacalai e levu ena vakatevoro, qori na nodra saga mera veitaratara kei ira na timoni. Kena ivakaraitaki, na nodra tarogi na dauraikalokalo, ira na dau tukuna na ka se bera ni yaco, cakaiba kei ira na dau vakadraunikau. Eso tale era qara na veiqaravi vakavuniwai e okati kina na vakatevoro. Era vakacalai tale ga e levu nira rawa ni vosa vei ira na mate. Ia e vakaroti keda o Jiova: “Kua ni golevi ira na dauvakacuru, kua tale ga ni tarogi ira na dau tukuna na ka se bera ni yaco.” (Vunau ni Soro 19:31) E cakava qori o Jiova me taqomaki keda vei Setani kei ira na timoni. Era meca ni Kalou, era via vakaleqai keda.
VAKEKELI
Vulica na veika vinaka era cakava na agilosi, na rerevaki ni vakatevoro kei na sala meda taqomaki keda kina vei Setani kei ira na timoni.
4. Era veivuke na agilosi ena nona kilai o Jiova
Era sega ni vunau na agilosi vei ira na lewenivanua. Ia era rawa ni dusimaki ira na tamata ni Kalou vei ira na via vulica na veika me baleti Jiova. Wilika Vakatakila 14:6, 7, qai veivosakitaka na taro qo:
-
Na cava eda vinakata kina nodra veivuke na agilosi meda vunau?
-
Vakacava e uqeti iko nomu sa mai kila ni rawa nira veidusimaki na agilosi vei ira na via vulica na iVolatabu? Na vuna?
5. Cata na vakatevoro
O Setani kei ira na timoni era meca i Jiova. Era keda meca tale ga. Wilika Luke 9:38-42, qai veivosakitaka na taro qo:
-
Na cava era dau cakava na timoni?
Eda sega ni via cakava e dua na ka me muri keda kina na timoni. Wilika Vakarua 18:10-12, qai veivosakitaka na taro qo:
-
Sala cava era dau rawai keda kina na timoni ra qai vosa vei keda? Na ivakarau cava e takalevu ena vanua o tiko kina?
-
Vakacava o duavata ni cata o Jiova na vakatevoro? Na vuna?
Sarava na VIDIO, qai veivosakitaka na taro qo.
-
O nanuma ni rawa ni veivakaleqai na qato e dara tiko o luvei Palesa? Na vuna?
-
Na cava me cakava o Palesa me vorati ira kina na timoni?
Era dau vorata na timoni na lotu vaKarisito dina. Wilika Cakacaka 19:19 kei na 1 Korinica 10:21, qai veivosakitaka na taro qo:
-
Na cava e bibi kina mo vakarusa na ka kece e sema ina vakatevoro?
6. Eda rawa ni vorati Setani kei ira nona timoni
E liutaki ira na timoni o Setani, ia e dusimaki ira na agilosi yalodina o Maikeli na agilosi turaga, e dua tale na yaca e kilai kina o Jisu. E kilai vakacava ni kaukaua o Maikeli? Wilika Vakatakila 12:7-9, qai veivosakitaka na taro qo:
-
O cei e kaukaua o Maikeli kei ira nona agilosi se o Setani kei ira nona agilosi?
-
Vakacava e dodonu meda rerevaki Setani kei ira nona timoni?
O rawa ni vorati Setani kei ira nona timoni. Wilika Jemesa 4:7, qai veivosakitaka na taro qo:
-
O na taqomaki iko vakacava mai vei Setani kei ira na timoni?
KA ERA KAYA ESO: “E sega ni ca keu qitora se sarava na iyaloyalo ni vakatevoro, e iyaloyalo wale ga.”
-
Cava e rerevaki kina na rai qori?
KA O VULICA
Era vukei keda na agilosi yalodina. Ia o Setani kei ira nona timoni era meca i Jiova, era vakayagataka na vakatevoro mera veivakacalai kina.
Railesuvi
-
Era vukei ira vakacava na lewenivanua na agilosi yalodina mera kilai Jiova?
-
O cei o Setani kei ira nona timoni?
-
Na cava mo kua ni okati kina ena vakatevoro?
IKURI
Raica na ivakadinadina ni o Jisu na agilosi turaga o Maikeli.
Raica na ivakadinadina ni bula dina tiko na Tevoro.
Dikeva nona vorata rawa na vakatevoro e dua na marama.
“She Found a Purpose in Life” (The Watchtower, July 1, 1993)
Vulica na sala e vakayagataka kina o Setani na vakatevoro me veivakacalai kina.
“The Truth About Magic, Sorcery, and Witchcraft” (The Road to Everlasting Life, part 5)
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
