NIKASEMƆ 24
Ŋwɛibɔfoi Lɛ Ahe Anɔkwa Saji
Yehowa miisumɔ ni wɔle eweku ni yɔɔ ŋwɛi lɛ he saji. Ŋwɛibɔfoi lɛ ji nakai weku lɛ mli bii, ni atsɛɔ amɛ “Nyɔŋmɔ bihii.” (Hiob 38:7) Mɛni Biblia lɛ wieɔ yɛ ŋwɛibɔfoi lɛ ahe? Mɛni ŋwɛibɔfoi lɛ tsuɔ amɛhãa gbɔmɛi? Ani ŋwɛibɔfoi lɛ fɛɛ ji Nyɔŋmɔ weku lɛ mli bii?
1. Namɛi ji ŋwɛibɔfoi lɛ?
Yehowa bɔ ŋwɛibɔfoi lɛ dani ebɔ shikpɔŋ lɛ. Mumɔi ji amɛ tamɔ Nyɔŋmɔ nɔŋŋ, ni amɛyɛ ŋwɛi. (Hebribii 1:14) Ayɛ ŋwɛibɔfoi akpekpei abɔ, ni amɛteŋ mɔ fɛɛ mɔ kɛ esubaŋ. (Kpojiemɔ 5:11) ‘Amɛyeɔ Yehowa wiemɔ lɛ nɔ, ni amɛboɔ egbee toi.’ (Lala 103:20) Yɛ blema lɛ, bei komɛi lɛ, Yehowa tsuɔ ŋwɛibɔfoi lɛ koni amɛkɛ shɛɛ ayahã ewebii lɛ, amɛyawa amɛ, loo ni amɛyahere amɛ. Ŋmɛnɛ lɛ, ŋwɛibɔfoi lɛ kudɔɔ mɛi ni ji Kristofoi diɛŋtsɛ lɛ kɛyaa mɛi ni miisumɔ ni amɛkase Nyɔŋmɔ he nii lɛ aŋɔɔ.
2. Namɛi ji Satan kɛ edaimonioi lɛ?
Ŋwɛibɔfoi lɛ ekomɛi eyayeee Yehowa anɔkwa. Atsɛɔ klɛŋklɛŋ ŋwɛibɔfo ni eyayeee anɔkwa lɛ akɛ, ‘Abonsam kɛ Satan, mɔ ni lakaa shikpɔŋ muu lɛ fɛɛ lɛ.’ (Kpojiemɔ 12:9) Satan miisumɔ ni eye mɛi anɔ, ni no hewɔ lɛ, elaka Adam kɛ Hawa, ni sɛɛ mli lɛ, elaka ŋwɛibɔfoi komɛi hu ni amɛgbo Nyɔŋmɔ nɔ toi. Atsɛɔ nakai ŋwɛibɔfoi toigbolɔi lɛ daimonioi. Yehowa hã ashwie amɛ kɛje ŋwɛi kɛba shikpɔŋ lɛ nɔ, ni abaakpãtã amɛhiɛ.—Kanemɔ Kpojiemɔ 12:9, 12.
3. Mɛni Satan kɛ daimonioi lɛ feɔ koni amɛlaka wɔ?
Satan kɛ daimonioi lɛ tsɔɔ nifeemɔi gbohii ni hãa mɛi kɛ mumɔi shãraa tɛ̃ɛ loo yɛ gbɛ nigii nɔ lɛ anɔ amɛlakaa mɛi babaoo. Shi mɛi ni kɛ amɛhe woɔ nifeemɔi nɛɛ mli lɛ ateŋ mɛi pii leee anɔkwa sane nɛɛ. Akɛ nɔkwɛmɔnɔ lɛ, mɛi komɛi tsɔɔ ŋulamiiaŋkwɛlɔi, klamɔfoi, mumɔi atsɛlɔi, kɛ tsofatsɛmɛi anɔ amɛkɛ mumɔi shãraa. Mɛi krokomɛi hu kɛ amɛhe woɔ nifeemɔi ni hãa amɛkɛ mumɔi shãraa lɛ amli kɛtaoɔ helatsamɔ. Satan kɛ daimonioi lɛ lakaa mɛi hu koni amɛhe amɛye akɛ amɛbaanyɛ amɛkɛ gbohii awie. a Shi Yehowa ebɔ wɔ kɔkɔ akɛ: “Nyɛkayaa mumɔi atsɛlɔi aŋɔɔ, ni nyɛkabia klamɔfoi anii.” (3 Mose 19:31) Ebɔ wɔ kɔkɔ nɛɛ koni ekɛbu wɔhe kɛje Satan kɛ daimonioi lɛ ahe. Amɛji Nyɔŋmɔ henyɛlɔi, ni amɛmiitao amɛye wɔ awui.
KASEMƆ PII OFATA HE
Obaana nibii kpakpai ni ŋwɛibɔfoi lɛ tsuɔ, nɔ hewɔ ni esa akɛ wɔtsi wɔhe kɛje nifeemɔi ni hãa akɛ mumɔi shãraa lɛ ahe, kɛ bɔ ni wɔbaafee wɔbu wɔhe kɛje Satan kɛ daimonioi lɛ ahe.
4. Ŋwɛibɔfoi waa mɛi koni amɛkase Yehowa he nii
Ŋwɛibɔfoi lɛ diɛŋtsɛ eshiɛɛɛ amɛhãaa mɛi, moŋ lɛ, amɛkudɔɔ Nyɔŋmɔ jálɔi lɛ kɛyaa mɛi ni miisumɔ ni amɛkase ehe nii lɛ aŋɔɔ. Nyɛkanea Kpojiemɔ 14:6, 7 lɛ, ni nyɛsusua sanebimɔi nɛɛ ahe:
-
Mɛni hewɔ ja ŋwɛibɔfoi lɛ ewa wɔ dani wɔbaanyɛ wɔshiɛ lɛ?
-
Ani le ni ole akɛ ŋwɛibɔfoi lɛ baanyɛ akudɔ bo kɛya mɛi ni miitao amɛkase Biblia lɛ aŋɔɔ lɛ hãa onáa miishɛɛ? Mɛni hewɔ?
5. Tsi ohe kɛje nifeemɔi ni hãa akɛ mumɔi shãraa lɛ ahe
Satan kɛ daimonioi lɛ ji Yehowa henyɛlɔi. Amɛji wɔ hu wɔhenyɛlɔi. Nyɛkanea Luka 9:38-42 lɛ, ni nyɛsusua sanebimɔ nɛɛ he:
-
Mɛni daimonioi lɛ feɔ mɛi?
Wɔsumɔɔɔ ni daimonioi lɛ kudɔɔ wɔ. Nyɛkanea 5 Mose 18:10-12 lɛ, ni nyɛsusua sanebimɔi nɛɛ ahe:
-
Mɛɛ nibii komɛi daimonioi lɛ feɔ koni amɛnyɛ amɛkudɔ wɔ ni amɛkɛ wɔ ashãra? Mɛɛ nifeemɔi ni hãa akɛ mumɔi shãraa ehe shi waa yɛ he ni oyɔɔ lɛ?
-
Kɛ́ okwɛ lɛ, nilee yɛ mli akɛ Yehowa ewo wɔ mla akɛ wɔtsi wɔhe kɛje nifeemɔi ni hãa akɛ mumɔi shãraa lɛ ahe? Mɛni hewɔ okɛɔ nakai?
Jiemɔ VIDIO lɛ, ni nyɛsusua sanebimɔi ni nyiɛ sɛɛ nɛɛ ahe.
-
Ani osusuɔ akɛ sɛbɛ loo nii lɛ ni ŋmɔ Palesa biyoo lɛ nineshi lɛ ji nɔ ko gbonyo? Mɛni hewɔ okɛɔ nakai?
-
Mɛni ehe bahia ni Palesa afee koni no abu ehe kɛje daimonioi lɛ ahe?
Kɛjɛ blema tɔ̃ɔ lɛ, mɛi ni ji Kristofoi diɛŋtsɛ lɛ tsiɔ amɛhe kɛjeɔ daimonioi lɛ ahe. Nyɛkanea Bɔfoi 19:19 kɛ 1 Korintobii 10:21 lɛ, ni nyɛsusua sanebimɔ nɛɛ he:
-
Mɛni hewɔ ehe hiaa waa ni okpãtã nɔ fɛɛ nɔ ni oyɔɔ ni baanyɛ ahã okɛ mumɔi ashãra lɛ hiɛ lɛ?
6. Obaanyɛ oye Satan kɛ edaimonioi lɛ anɔ kunim
Satan ji mɔ ni yeɔ daimonioi lɛ anɔ. Shi ŋwɛibɔfoi anɔkwafoi lɛ ahiɛnyiɛlɔ ji ŋwɛibɔfonukpa Mikael, ni ji gbɛ́i kroko ni akɛtsɛɔ Yesu lɛ. Ani Mikael he wa waa? Nyɛkanea Kpojiemɔ 12:7-9 lɛ, ni nyɛsusua sanebimɔi nɛɛ ahe:
-
Namɛi ahe wa waa? Mikael kɛ ebɔfoi lɛ aloo Satan kɛ edaimonioi lɛ?
-
Kɛ́ okwɛ lɛ, esa akɛ Yesu sɛɛnyiɛlɔi lɛ ashe Satan kɛ edaimonioi lɛ gbeyei?
Obaanyɛ oye Satan kɛ edaimonioi lɛ anɔ kunim. Nyɛkanea Yakobo 4:7 lɛ, ni nyɛsusua sanebimɔ nɛɛ he:
-
Te obaafee tɛŋŋ obu ohe kɛje Satan kɛ edaimonioi lɛ ahe?
MƐI KOMƐI KƐƆ AKƐ: “Tɔmɔ ko bɛ he akɛ wɔbaakwɛ fim loo wɔbaashwɛ shwɛmɔi ni nifeemɔi ni hãa akɛ mumɔi shãraa yɔɔ mli. Eji hiɛtserɛjiemɔ kɛkɛ.”
-
Mɛni hewɔ susumɔ nɛɛ ejaaa lɛ?
EMLI OTI
Ŋwɛibɔfoi anɔkwafoi lɛ waa wɔ. Satan kɛ edaimonioi lɛ ji Yehowa henyɛlɔi, ni amɛtsɔɔ nifeemɔi ni hãa akɛ mumɔi shãraa lɛ anɔ amɛlakaa mɛi.
Mɛni Okase?
-
Mɛɛ gbɛ nɔ Yehowa bɔfoi lɛ waa mɛi koni amɛkase ehe nii?
-
Namɛi ji Satan kɛ edaimonioi lɛ?
-
Mɛni hewɔ oosumɔ ni otsi ohe kwraa kɛje nifeemɔi ni hãa akɛ mumɔi shãraa lɛ ahe lɛ?
EHE SAJI KROKOMƐI
Obaana nɔ ni tsɔɔ akɛ Yesu ji ŋwɛibɔfonukpa Mikael lɛ.
Obaana nɔ ni tsɔɔ akɛ Abonsam ji mɔ ko ni yɔɔ diɛŋtsɛ, shi jeee henumɔ gbonyo ko ni yɔɔ wɔmli.
Obaana bɔ ni yoo ko fee etsi ehe kwraa kɛje nifeemɔi ni hãa akɛ daimonioi shãraa lɛ ahe.
Obaana bɔ ni Satan tsɔɔ nifeemɔi ni hãa akɛ mumɔi shãraa lɛ anɔ elakaa mɛi.
“Anɔkwale Ni Kɔɔ Ashwaifeemɔ, Ŋkunyaayeli, Kɛ Ayɛkpɛmɔ He” (Gbɛ Ni Yaa Naanɔ Wala Mli, fã 5)
a Taakɛ abaatsɔɔ mli yɛ Nikasemɔ 29 lɛ mli lɛ, gbohii lɛ leee nɔ ko nɔ ko.
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
