LEKSIÓN 24
¿Mávapa umi ánhel ha mbaʼépa ojapo hikuái?
Jehová oipota jaikuaa ifamília oĩvape yvágape, umíva apytépe umi ánhel, oñehenóiva voi “Ñandejára raʼykuéra” (Job 38:7, nóta). ¿Mbaʼépa heʼi la Biblia umi ánhel rehe? ¿Ikatúpa ñanepytyvõ térã ñandeperhudika hikuái? ¿Ikatúpa jaʼe enterovéva umi ánhel oĩha Ñandejára famíliape?
1. ¿Mávapa umi ánhel?
Jehová okrea vaʼekue umi ánhelpe ojapo mboyve ko yvy. Ha haʼéicha avei, umi ánhel oiko yvágape ha ndaikatúi jahecha chupekuéra (Hebreos 1:14). Oĩ hetaiterei ánhel, ha káda uno idiferentete ojuehegui (Apocalipsis 5:11). Haʼekuéra ‘iñeʼẽrendu Jehovápe ha ojapo haʼe heʼíva’ (Salmo 103:20). Yma Jehová ojevalémi vaʼekue umi ánhel rehe oñekomunika hag̃ua ipuévlondi, ha avei oipytyvõ ha osalva hag̃ua chupekuéra. Ñane tiémpope katu umi ánhel oipytyvõ Jehová siervokuérape otopa hag̃ua umi oikuaasevévape chupe.
2. ¿Mávapa Satanás ha umi demónio?
Oĩ ánhel naiñeʼẽrendúiva Jehovápe. Pe primero opuʼã vaʼekue hese oñehenói “Diablo ha Satanás. Haʼe ombotavy ko múndo kompletoitépe” (Apocalipsis 12:9). Satanás ningo orekose ipoguýpe opa ikatúvape. Upévare omomýi vaʼekue Adán ha Évape, ha upéi hetave ánhelpe avei opuʼã hag̃ua Ñandejárare. Koʼã ánhel irrevéldevape oñehenói demónio. Jehová omosẽma chupekuéra yvágagui ha omombo chupekuéra ko yvy ape ári, péro koʼẽrõitéma oñehundíta chupekuéra (elee Apocalipsis 12:9, 12).
3. ¿Mbaʼéichapa oñehaʼã ñanembotavy Satanás ha idemoniokuéra?
Satanás ha idemoniokuéra ombotavy hetaiterei héntepe pe espiritísmo rupive. ¿Mbaʼépa hína pe espiritísmo? Upéva haʼe peteĩ práktika ivaietereíva ojapóva umi oñehaʼãva oñekomunika umi espíritu ndive. Umíva apytépe oike umi astrólogo, adivíno, pajeséro, umi ojapóva vruhería ha avei umi médiko espiritísta. Heta héntepe avei oñembotavy ha ojegueroviaka ikatuha oñeʼẽ umi omano vaʼekuéndi. Péro Jehová ñandeavisa porã: “Ani peho umi espiritísta rendápe ni umi adivíno rendápe” (Levítico 19:31). Haʼe heʼi ñandéve upéva ñandeprotehe hag̃ua Satanás ha idemoniokuéragui. Haʼekuéra ningo Ñandejára enemígo, ha ñandeperhudikasénte voi.
EJEPYʼAMONGETAMÍNA
Jahechamína mbaʼe mbaʼépa ojapo umi ánhel ñanepytyvõ hag̃ua, mbaʼeichaitépa ipeligróso pe espiritísmo ha mbaʼéichapa ikatu jajeprotehe Satanás ha idemoniokuéragui.
4. Umi ánhel oipytyvõ la héntepe oikuaa hag̃ua Jehovápe
Ñandejára anhelkuéra ningo ndopredikái diréktamente la héntepe. Upéva rangue, haʼekuéra ogia Ñandejára siervokuérape otopa hag̃ua umi oikuaasevévape chupe. Elee Apocalipsis 14:6, 7, ha upéi erresponde koʼã porandu:
-
¿Mbaʼérepa ñaikotevẽ umi ánhel ñanepytyvõ japredika hag̃ua?
-
¿Mbaʼéichapa reñeñandu reikuaávo umi ánhel ikatuha ndegia retopa hag̃ua umi oikuaasevévape la Bíbliagui? ¿Mbaʼérepa reñeñandu upéicha?
5. Emboyketékena pe espiritísmo
Satanás ha idemoniokuéra haʼe Jehová enemígo, ha ñane enemígo avei. Elee Lucas 9:38-42, ha upéi erresponde ko porandu:
-
¿Mbaʼépa ojapo umi demoniokuéra la héntere?
Ñande nañapermitíri vaʼerã umi demónio ñandeperhudika. Elee Deuteronomio 18:10-12, ha upéi erresponde koʼã porandu:
-
¿Mbaʼe mbaʼépa ojapo jepi umi demónio ñandeguerekoségui ipoguýpe térã oñekomunikaségui ñanendive? ¿Mbaʼe práktika espiritístapa ojejapo jepi pe nde reikohárupi?
-
¿Ndépa ere isentidoha la Jehová oproivi ñandehegui pe espiritísmo? ¿Mbaʼérepa repensa upéicha?
Ehecha pe VIDÉO, ha upéi erresponde koʼã porandu:
-
¿Ndépa ere pe amuléto oreko vaʼekue Palesa membykuñaʼi ikatu hague operhudika chupekuéra? ¿Mbaʼérepa repensa upéicha?
-
¿Mbaʼépa tekotevẽ kuri Palesa ojapo ojeprotehe hag̃ua umi demóniogui?
Umi kristiáno tee ymaite guive omboyketéva opa mbaʼe oúva umi demóniogui. Elee Hechos 19:19 ha 1 Corintios 10:21, ha upéi erresponde ko porandu:
-
Oiméramo reguereko algúna kósa ojepurúva pe espiritísmope, ¿mbaʼérepa iñimportánte rehundiete umíva?
6. Nde ikatu ndepuʼaka Satanás ha idemoniokuérare
Satanás ogoverna umi demoniokuérape. Péro umi ánhel ifiélvape katu ogoverna pe arkánhel Miguel, upéicha oñehenói avei Jesúspe. ¿Mbaʼeichaite pevépa ipoderóso Miguel? Elee Apocalipsis 12:7-9, ha upéi erresponde koʼã porandu:
-
¿Mávapa ipoderosove: Satanás ha idemoniokuéra térãpa Miguel ha hiʼanhelkuéra?
-
¿Ndépa ere umi kristiáno tee okyhyje vaʼerãha Satanás ha idemoniokuéragui?
Nde ikatu ndepuʼaka Satanás ha idemoniokuérare. Elee Santiago 4:7, ha upéi erresponde ko porandu:
-
¿Mbaʼéichapa ikatu rejeprotehe Satanás ha idemoniokuéragui?
OĨRAMO HEʼÍVA: “Ndaivaíri ningo jahuga umi huégo térã jahecha pelíkula orekóva espiritísmo, jajediverti hag̃uánteko”.
-
¿Mbaʼérepa ipeligrosoite oñepensa upéicha?
RRESÚMEN
Umi ánhel ifiélva ñanepytyvõ. Satanás ha idemoniokuéra haʼe Jehová enemígo, ha oipuru pe espiritísmo ombotavy hag̃ua la héntepe.
Rrepáso
-
¿Mbaʼéichapa umi ánhel oipytyvõ la héntepe oikuaa hag̃ua Jehovápe?
-
¿Mávapa Satanás ha idemoniokuéra?
-
¿Mbaʼérepa repensa iporãtaha remboyketéramo pe espiritísmo?
EINVESTIGA HAG̃UA
¿Mbaʼe pruévapa oĩ ohechaukáva Jesús haʼeha pe arkánhel Miguel?
Ehecha mbaʼérepa ikatu jaʼe Satanás ndahaʼeiha peteĩ mbaʼe vai jarekóva ñane korasõme.
Ehecha mbaʼépa ojapo peteĩ kuñakarai osẽ hag̃ua umi demónio poguýgui.
“Koʼág̃a ae isentído la hekove” (La Atalaya 1 de julio de 1993)
Ehecha mbaʼéichapa Satanás oipuru pe espiritísmo ombotavy hag̃ua la héntepe.
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
