SOMO LYA 24
Bamalayika Bali Bande Kanuni?
Yehova alonzeze rhuyige oku bilolere omulala gwage guli omu mbingu. Ogola mulala guhirirwe mu bamalayika banayirikwa “bagala ba Mungu.” (Yobu 38:7) Bichi Ebiblia ederhere oku bilolere bamalayika? Bichi bakakola omu kalamo k’abantu? Bamalayika boshi baba omu mulala gwa Mungu si?
1. Bamalayika bo bande?
Yehova alemaga bamalayika embere aleme egulu. Kuguma naye, nabo bali bantu b’eroho barhabonekanako balamire omu mbingu. (Waebrania 1:14) Haba emiliyoni n’emiliyoni ya bamalayika, na buli muguma ajira obwage-bwage borhere. (Ufunuo 5:11) ‘Banajira echi Yehova aderhere, omu kukenga omulenge gwage.’ (Zaburi 103:20) Mira, hali amango Yehova aliri arhuma bamalayika bahaane oburhumwa bwage, barhabale abantu bage, n’okubayokola. Zene, bamalayika banayerekeza Abakristu oku bantu balagirire okuyiga oku bilolere Mungu.
2. Shetani n’abazimu bage bo bande?
Hali bamalayika barhaliyorhere bemena ku Mungu. Ow’oburhanzi wabaga chihangange ali “olala oyirikirwe Ibilisi na Shetani, oli wahabula egulu lyoshi lilamirweko.” (Ufunuo 12:9) Shetani alilonzeze arhegeke abandi, charhuma arhebeka omulume n’omukazi ba burhanzi, na buzinda abandi bamalayika bamushigikira omu buhangange bwage. Abola bamalayika b’ebihangange banayirikwa bazimu. Yehova abahiga kurhenga omu mbingu kugera oku gulu, na buzinda nji balimbulwa.—Osome Ufunuo 12:9, 12.
3. Gurhe Shetani n’abazimu bage banachihangana kurhurhebeka?
Shetani n’abazimu bage banalonza kurhurhebeka kugerera obushake changwa obukurungu, echijiro chibi ch’okulonza kuganira n’abazimu. Omufano bantu baguma banaja kubaza abanasoma enyenyezi, abalaguzi, abakurungu, n’abafumu-fumu. Hali n’abantu banalonza babukwe omu kuntu kuheberwe mw’eby’obushake. Kandi, abantu banashumikwa bayemere oku byakashoboka baganire n’abafire. Aliko Yehova arhuhere omukonge ntya: “Murhajaga kulola abashonga murhanajaga emwabalaguzi.” (Walawi 19:31) Arhuhere ogula mukonge omu kurhulanga ku Shetani n’abazimu bage. Bali banzi ba Mungu, banalonzeze barhujire kubi.
HUMBA BWENENE
Lolaga ebintu binja bamalayika banakola, kangana gurhe obushake bubihire, na gurhe rhwakachilanga ku Shetani n’abazimu.
4. Bamalayika banarhabala abantu bayige oku bilolere Yehova
Bamalayika ba Mungu barhahubiri abantu bunu oku bwindi. Aliko, bakayerekeza abakozi ba Mungu emunda abantu bali basimire kuyiga oku bimulolere. Osome Ufunuo 14:6, 7, muje mwaganira kw’ebila bibazo:
-
Bulagurhe rhukenere oburhabale bwa bamalayika omu mahubiri?
-
Ka bikuhirire omurhima okumenya oku bamalayika bakakuyerekeza oku bantu basimire kuyunva ebye Biblia ederhere? Bulagurhe?
5. Olibirhe obushake
Shetani n’abazimu bali banzi ba Yehova. Nerhu bali banzi berhu. Osome Luka 9:38-42, muje mwaganira kw’echila chibazo:
-
Bichi abazimu banajirira abantu?
Rhurhalonzeze kuhamagala abazimu omu kalamo kerhu. Osome Kumbukumbu 18:10-12, muje mwaganira kw’ebila bibazo:
-
Mu njira zichi abazimu banalonza bajire echibakola omu kalamo kerhu n’okurhuderhesa? Migenzo michi abantu banazigana kukola emunda olamire?
-
Owazize oku Yehova ajirire bwinja okulahiza abantu bage eby’obushake si? Bulagurhe?
Ziha EVIDEO, muje mwaganira kw’ebila bibazo.
-
Owazize oku echikomo ch’akalanga magala Palesa aliyambise omwali chakalerhere obuhanya si? bulagurhe?
-
Bichi Palesa alikwanene kujira y’achilanga oku bazimu?
Esiku zoshi Abakristu b’okuli banapinga abazimu. Osome Matendo 19:19 na 1 Wakorinto 10:21, muje mwaganira kw’echila chibazo:
-
Bulagurhe bili by’akamaro okuyirha buli chintu choshi chibuganene n’obushake?
6. Ohime entambala yiwalwisa Shetani n’abazimu
Shetani ye murhegesi w’abazimu. Aliko bamalayika bemana banayerekezwa na Mikaeli, elindi zino lya Yesu. Kangana gurhe Mikaeli aherhe emisi? Osome Ufunuo 12:7-9, muje mwaganira kw’ebila bibazo:
-
Inde olushire owabo emisi; Mikaeli na bamalayika bage changwa Shetani n’abazimu bage?
-
Owazize oku bihemere abanafunzi ba Yesu bayubahe Shetani n’abazimu bage si?
Wakahimana omu ntambala yi walwisa Shetani n’abazimu bage. Osome Yakobo 4:7, muje mwaganira kw’echila chibazo:
-
Gurhe wakachilanga ku Shetani n’abazimu?
HALI ABANTU BANADERHA: “Okusharha changwa okulola efilme z’eby’obushake, nta chibazo kuherhe. Kuli kuchisimisa konyine.”
-
Bulagurhe kuli kubi bwenene okuwaza ntyo?
OKU BUGEKE
Bamalayika bemana banarhurhabala. Shetani n’abazimu bage bali banzi ba Yehova. Banakolesa obushake omu kurhebeka abantu.
Rhuchiyibusye
-
Gurhe bamalayika ba Yehova banarhabala abantu bayige oku bimulolere?
-
Shetani n’abazimu bage bali bande?
-
Bulagurhe orhakasima okahuma oku by’obushake chiro?
EYINDI MYAZI
Lola ebiyerekene oku Yesu ye malayika mukulu Mikaeli.
Lola ebiyerekene oku Shetani aba muntu nya muntu obaho, s’arhali mpu kanuni, changwa mpu bubi konyine buba ahakagarhi kerhu.
Lola gurhe omukazi achikulaga kw’eby’okukola haguma n’abazimu.
“Alibwene Omuhigo gw’Akalamo” (Omunara g’Omulanzi, Lusiku 1, Mwezi gwa 7, 1993)
Lola gurhe Shetani anakolesa obushake omu kurhebeka abantu.
