TIMEƔRI TIS 24
Acu i d-yeqqar Wedlis Iqedsen ɣef lmuluk?
Yahwa yebɣa a nissin tawacult-is n igenwan. Ger iɛeggalen n twacult-agi, llan lmuluk (lmalayekkat), yeţţusemman daɣen deg Wedlis Iqedsen ‘arraw n Ṛebbi’ (Yub 38:7). D acu i gesselmad Wedlis Iqedsen ɣef lmuluk? Amek i d-ggaren iman-nsen di tudert n yemdanen? Eɛni lmuluk meṛṛa qqimen di twacult n Ṛebbi?
1. Acu i d lmuluk?
Yahwa ixleq-ed lmuluk uqbel akk a d-yexleq lqaɛa. Am Yahwa, lmuluk d leṛwaḥ ur ţwalint wallen, yerna ţɛicin deg igenwan (Iɛebṛaniyen 1:14). D imelyunen n lmuluk i gellan, yerna mkul yiwen yemxallaf ɣef wayeḍ (Aweḥḥi 5:11). ‘Xeddmen lebɣi n Yahwa yerna ţţaɣen-as awal deg wayen akk i d-iqqar’ (Ahellil 103:20). Zik-nni, Yahwa yeţceggiɛ-ed tikwal lmuluk i iqeddacen-is iwakken a sen-d-yessiweḍ lexbaṛ neɣ iwakken a ten-id-isellek. Ass-a, lmuluk ţwellihen inelmaden n Ɛisa akken a d-afen lɛibad yeţnadin ad issinen Ṛebbi.
2. Cciṭan akk-d leǧnun: menhu-ten?
Kra n lmuluk ur ṭṭifen ara di Yahwa. Amezwaru gar-asen i gɛuṣan Ṛebbi, d win “yeţţusemman Iblis, Cciṭan, win yeţɣurrun ddunit meṛṛa” (Aweḥḥi 12:9). Cciṭan, seg wakken yebɣa ad yeḥkem, idemmer Adam d Ḥewwa ad ɛaṣin Ṛebbi. Ɣer zdat, idemmer daɣen lmuluk nniḍen ad ddun deg webrid-is. Lmuluk-agi imɛuṣa ţţusemman “leǧnun”. Yahwa iḍegger-iten-id seg igenwan ɣer lqaɛa, yerna ur yeţɛeṭṭil ara a ten-issenger (ɣer-ed Aweḥḥi 12:9, 12).
3. Amek i ţţeɛraḍen Cciṭan akk-d leǧnun ad ɣurren imdanen?
Cciṭan akk-d leǧnun ssexdamen ssḥur iwakken ad ɣurren (kellxen) aṭas n lɣaci. Ssḥur d ayen akk icudden ɣer leṛwaḥ akk-d umeslay yid-sen. Ɣef lemtel, aṭas n lɛibad i d-yeţẓurun wid yeţkacafen, wid i d-yessenṭaqen itran, iderwicen akk-d iseḥḥaren. Kra nniḍen daɣen ḥemmlen ad dawin iman-nsen s ţţawilat icudden ɣer ssḥur. Wiyaḍ ţţamnen belli zemren ad hedṛen d lmeggtin. Meɛna Yahwa yefka-yaɣ-d lameṛ-agi: “Ur teţṛuḥum s imsensiyen n lmeggtin, ur teţṛuḥum s imkucaf” (At Lewwi 19:31). Yefka-yaɣ-d lewṣaya-yagi akken ad iḥareb fell-aneɣ. Cciṭan akk-d leǧnun d iɛdawen n Ṛebbi, yerna ţnadin a ɣ-xedmen cceṛ.
A NNADI A NEFHEM AKTEṚ
A d-nehdeṛ ɣef ccɣel i geţţunefken i lmuluk di leqdic n uberreḥ, ɣef lemḍerra i gezmer a ɣ-d-yawi wayen akk icudden ɣer ssḥur, akk-d wayen i nezmer a t-nexdem akken a nḥareb ɣef yiman-nneɣ si Cciṭan akk-d leǧnun.
4. Lmuluk ţɛawanen wid yeţnadin ad issinen Yahwa
Lmuluk ur ţberriḥen ara nutni s yiman-nsen, meɛna ţɛawanen wid yeţberriḥen akken a d-afen lɛibad yeţnadin ad issinen Ṛebbi. Ɣret-ed Aweḥḥi 14:6, 7, mbeɛd hedṛet ɣef yesteqsiyen-agi:
-
Ayɣer i neḥwaǧ lemɛawna n lmuluk m’ara neţberriḥ?
-
Lmuluk zemren a k-wellhen akken aţ-ţemlileḍ d lɣaci yeḥwaǧen ad issinen lexbaṛ n Wedlis Iqedsen. Ɛlaḥsab-ik, ayagi d ayen yesseǧhaden? Acuɣer?
5. Xḍu i ssḥur
Cciṭan akk-d leǧnun d iɛdawen n Yahwa. Nezmer ihi a d-nini d iɛdawen-nneɣ ula d nekni. Ɣret-ed Luqa 9:38-42, mbeɛd hedṛet ɣef westeqsi-yagi:
-
D acu i xeddmen leǧnun i lɛibad?
Ur neţţaǧǧa ara leǧnun a d-ssekcmen iman-nsen di tudert-nneɣ. Ɣret-ed Asmekti 18:10-12, mbeɛd hedṛet ɣef yesteqsiyen-agi:
-
Acu-ten ţţawilat i ssexdamen leǧnun akken ad nadin a d-hedṛen yid-neɣ neɣ ad ɛerḍen a ɣ-awin deg yir abrid? Acu-tent lɛaddat icudden ɣer ssḥur yellan deg wemḍiq anda i teţɛiciḍ?
-
Ɛlaḥsab-ik, yesɛa lḥeqq Yahwa imi i gḥeṛṛem ayen akk i gcudden ɣer ssḥur?
Walit BIDYU-YAGI, mbeɛd hedṛet ɣef yesteqsiyen i d-iţeddun.
-
Ɛlaḥsab-ik, yezmer a s-d-yawi lemḍerra lḥerz-nni i s-tɛelleq Palesa i llufan-ines? Acuɣer?
-
D acu i texdem Palesa akken aţ-ţḥareb ɣef yiman-is si leǧnun?
Imasiḥiyen n ṣṣeḥ ţnadin daymen ad beɛden ɣef leǧnun. Ɣret-ed Lecɣal 19:19 akk-d 1 Ikurintiyen 10:21, mbeɛd hedṛet ɣef westeqsi-yagi:
-
Ma tesɛiḍ kra n tɣawsa icudden ɣer ssḥur, acuɣer i glaq ɣef lemtel a ţ-tesserɣeḍ?
6. Tzemreḍ aţ-ţɣelbeḍ Cciṭan akk-d leǧnun
Win yellan d aqerru ɣef leǧnun, d Cciṭan. Meɛna win yellan d aqerru ɣef lmuluk unṣiḥen d Mixayil, yeɛni Ɛisa. Mixayil yesɛa tazmert? Ɣret-ed Aweḥḥi 12:7-9, mbeɛd hedṛet ɣef yesteqsiyen-agi:
-
Anwa i gɣelben wayeḍ? D Mixayil akk-d lmuluk-is, neɣ d Cciṭan akk-d leǧnun-is?
-
Ɛlaḥsab-ik, inelmaden n Ɛisa yewwi-d ad agaden Cciṭan akk-d leǧnun-is?
Tzemreḍ aţ-ţɣelbeḍ Cciṭan akk-d leǧnun. Ɣret-ed Yeɛqub 4:7, mbeɛd hedṛet ɣef westeqsi-yagi:
-
Amek ara tḥarbeḍ ɣef yiman-ik si Cciṭan akk-d leǧnun?
KRA QQAREN: “Ulac fell-as ma neţţelɛab s tɣawsiwin icudden ɣer ssḥur neɣ ma neţwali lfilmat ideg i neţţaf ssḥur. Nebɣa kan a nesɛeddi lweqt!”
-
Acuɣer d ayen i gzemren a ɣ-d-yawi lemḍerra ma neţxemmim akka?
AYEN I D-NELMED
Lmuluk unṣiḥen ţɛawanen-aɣ. Cciṭan akk-d leǧnun d iɛdawen n Yahwa; ssexdamen ssḥur iwakken ad ɣurren imdanen.
A d-nesmekti
-
Amek i ţɛawanen lmuluk lɛibad i gebɣan ad qerrben ɣer Ṛebbi?
-
D acu i gesselmad Wedlis Iqedsen ɣef Cciṭan akk-d leǧnun?
-
Acuɣer i tebɣiḍ aţ-ţexḍuḍ i wayen akk icudden ɣer ssḥur?
TZEMREḌ AŢ-ŢWALIḌ DAƔEN
Ayɣer i nezmer a d-nini belli d Ɛisa i d Mixayil, ameqran n lmuluk?
Eɛni Cciṭan d cceṛ kan yellan di mkul yiwen deg-neɣ?
Amek i d-tsellek iman-is yiwet tmeṭṭut si leǧnun?
Elle a trouvé un but dans la vie (La Tour de Garde, 1er juillet 1993)
Amek i gessexdam Cciṭan ssḥur akken ad iɣurr imdanen?
La vérité sur la magie et la sorcellerie (La route qui mène à la vie éternelle, section 5)