24 УРОКЫР
МелыІычхэм теухуа пэжыр
Иеговэ хуейщ уафэм щыІэ и унагъуэр зэдгъэцІыхуну. А унагъуэм хохьэ «Алыхьым и къуэкІэ» зэджэ мелыІычхэр (Иов 38:7). МелыІычхэм теухуауэ Библием жиІэр сыт? Ахэр цІыхухэм дауэ сэбэп е зэран зэрыхуэхъуфынур? МелыІычхэр псори Алыхьым и унагъуэм щыщу пІэрэ?
1. Хэт хъуну мелыІычхэр?
ЩІылъэр къигъэщІыным зэман куэд иІэу Иеговэ мелыІычхэр къигъэщІащ. МелыІычхэр Алыхьым и гъусэу уафэм щопсэури дэ ахэр къытхуэлъэгъунукъым (Еврейхэм 1:14). МелыІычхэр мелуан куэд мэхъу икІи мелыІычитІ зэщхьу щыІэкъым (Апокалипсис 5:11). Ахэр Иеговэ и жыІэм щІэтщ (Псалом 103:20). Пасэрей зэманым Иеговэ и мелыІычхэр цІыхухэм яхуигъакІуэу щытащ и хъыбарыр и лэжьакІуэхэм ялъигъэІэсын, абыхэм ядэІэпыкъун икІи къихъумэн щхьэкІэ. Нобэ мелыІычхэр Хьисэ и лъэужь ирикІуэхэм Алыхьым теухуауэ къэзыщІэну хуей цІыхухэр къагъуэтыну ядоІэпыкъу.
2. ШейтІанымрэ жин бзаджэхэмрэ хэт хъуну?
Языныкъуэ мелыІычхэр Иеговэ епцІыжащ. Япэ дыдэу Алыхьым пэщІэува мелыІычым зэреджэр ШейтІан Иблисщ; абы дуней псор къегъапцІэ (Апокалипсис 12:9). Иблисыр хуейт адрейхэр езым и лъабжьэ щІигъэувэну. Абы къыхэкІкІэ абы япэ цІыхухъумрэ цІыхубзымрэ Алыхьым пэщІэувэну хуигъэушащ. ИужькІэ нэгъуэщІ мелыІычхэми абы и лъэныкъуэр яубыдащ. А мелыІычхэм жин бзаджэкІэ йоджэ. Иеговэ ахэр уафэм къридзыхащ икІи куэд мыщІэу игъэкІуэдынущ (Апокалипсис 12:9, 12).
3. ШейтІанымрэ жин бзаджэхэмрэ дапхуэдэу дыкъагъэпцІэну зэрыхэтыр?
ШейтІанымрэ жин бзаджэхэмрэ цІыху куэдыр Іэзэгъуазэ ІуэхухэмкІэ къагъапцІэ. Іэзэгъуазэ ІуэхухэмкІэ цІыхур жин бзаджэхэм пыщІа мэхъу. Псалъэм папщІэ, языныкъуэ цІыхухэм астрологхэм, экстрасенсхэм, Іэзэхэм, дыуэ-дыуэпс зезыхьэхэм зыхуагъазэ. НэгъуэщІхэр гороскопхэм йоджэ икІи Іэзэгъуазэм пыщІа ІэмалхэмкІэ я узыншагъэр нэхъыфІ ящІыну хэтщ. ЛІахэми уепсэлъэфу зи фІэщ хъухэри щыІэщ. Ауэ ари жин бзаджэхэм я къапхъэнхэм ящыщ зыщ. Иеговэ къыджеІэ: «ЛІахэм епсалъэхэм дежи фымыкІуэ, Іэзэхэри фымыгъаплъэ» (Левит 19:31). Иеговэ мы унафэр къыщІыдитыр ШейтІанымрэ жин бзаджэхэмрэ дащихъумэну хуейщи аращ. Ахэр Алыхьым и бийщи, дэри зэран къытхуэхъуну хуейщ.
НЭХЪ КУУУЭ ХЭПЛЪЭ
КъащІэ мелыІычхэр цІыхухэм дапхуэдэу дэІэпыкъуми, Іэзэгъуазэ Іуэхухэм сыт хуэдэ зэран къыпхуахьыфынуми икІи ШейтІанымрэ жин бзаджэхэмрэ дапхуэдэу зыщыпхъумэфынуми.
4. МелыІычхэр цІыхухэм доІэпыкъу Иеговэ теухуауэ къащІэну
Алыхьым и мелыІычхэм хъыбарыфІыр цІыхухэм езыхэм жраІэкъым, ауэ Алыхьым и лэжьакІуэхэм пэжыр къэзыщІэну хуей цІыхухэр къагъуэтыну ядэІэпыкъуфынущ. Апокалипсис 14:6, 7 итым фыкъеджи мы упщІэхэм фегупсыс:
-
ХъыбарыфІыр дгъэІун щхьэкІэ мелыІычхэм я дэІэпыкъуэгъум дыщІыхуэныкъуэр сыт?
-
Библием итыр къэзыщІэну хуей цІыхум ухуэзэну мелыІычхэр къызэрыбдэІэпыкъуфынур зэрыпщІэм сыт хуэдэ гурыщІэхэр къыуитрэ? Сыт щхьэкІэ?
5. Іэзэгъуазэ Іуэхухэм пэІэщІэ зыхуэщІ
ШейтІанымрэ жин бзаджэхэмрэ Иеговэ и бийщ. Ахэр дэри ди бийщ. Лука 9:38—42 итым фыкъеджи мы упщІэм фегупсыс:
-
Жин бзаджэхэм цІыхухэм сыт иращІэр?
Дэ жин бзаджэхэр ди гъащІэм къыхэдгъэхьэну дыхуейкъым. Второзаконие 18:10—12 итым фыкъеджи мы упщІэхэм фегупсыс:
-
ЗыкъытпащІэн икІи зэран къытхуэхъун щхьэкІэ жин бзаджэхэм сыт къагъэсэбэпыр? Фи щІыпІэм сыт хуэдэ Іэзэгъуазэ Іуэхухэр къыщекІуэкІрэ?
-
Іэзэгъуазэ Іуэхухэм дыхэмытыну Иеговэ къызэрыджиІэр тэмэму къэплъытэрэ? Сыт щхьэкІэ?
ВИДЕОМ феплъи къыкІэлъыкІуэ упщІэхэр зэпкърыфх.
-
Дауэ уеплърэ, Палесэ ипхъу цІыкІум ирилъхьа нэтемыгъахуэ Іэпщэхъур абыхэм зэран къахуэхъуфыну пІэрэт? Сыт щхьэкІэ?
-
Палесэ жин бзаджэхэм зыщихъумэн щхьэкІэ сытыт ищІэн хуейр?
Хьисэ и гъэсэн пэжхэр жин бзаджэхэм зыкІи пыщІауэ щыткъым. Апостолхэм 19:19, 1 Коринф 10:21 итым фыкъеджи мы упщІэм фегупсыс:
-
Іэзэгъуазэм пыщІа сыт хуэдэ хьэпшыпри гъэкІуэдын щІыхуейр сыт?
6. ШейтІанымрэ жин бзаджэхэмрэ ятекІуэ
Жин бзаджэхэр зи лъабжьэ щІэтыр ШейтІаныращ. Алыхьым хуэпэж мелыІычхэр — мелыІыч нэхъыщхьэ Михаилщ (Хьисэ Мэссихь иджыри апхуэдэу йоджэ). Михаил сыт хуэдэ лъэкІыныгъэ иІэр? Апокалипсис 12:7—9 итым фыкъеджи мы упщІэхэм фегупсыс:
-
Хэт нэхъ лъэщыр: Михаилрэ абы и мелыІычхэмрэ хьэмэрэ ШейтІанымрэ абы и жин бзаджэхэмрэ?
-
Хьисэ и лъэужь ирикІуэхэр ШейтІанымрэ жин бзаджэхэмрэ щышынэн хуей?
Уэ ШейтІанымрэ жин бзаджэхэмрэ уатекІуэфынущ. Екъуб 4:7 итым фыкъеджи мы упщІэм фегупсыс:
-
ШейтІанымрэ жин бзаджэхэмрэ дапхуэдэу зыщыпхъумэфыну?
ЗЫГУЭРЫМ ЖИІЭФЫНУЩ: «Іэзэгъуазэ Іуэхухэр зыхэт фильмхэм уеплъынми джэгухэм уджэгунми зыри Іей хэлъкъым. АбыкІэ уи нэгу зебгъэужь къудейуэ аращ».
-
Апхуэдэ еплъыкІэр дапхуэдэу зэран къызэрыпхуэхъуфынур?
КЪЭПЩЫТЭЖ
Алыхьым хуэпэж мелыІычхэр дэ къыддоІэпыкъу. ШейтІанымрэ абы и жин бзаджэхэмрэ Иеговэ и бийщ. Іэзэгъуазэ Іуэхухэр абыхэм къагъэсэбэпу цІыхухэр къагъапцІэ.
Мы упщІэхэр зэгъусэу зэпкърыфх:
-
Иеговэ и мелыІычхэр цІыхухэм пэжыр къащІэну дапхуэдэу зэрадэІэпыкъур?
-
ШейтІанымрэ жин бзаджэхэмрэ хэт хъуну?
-
Іэзэгъуазэ Іуэхухэм сыт и лъэныкъуэкІи пэІэщІэ зыпщІыну ухьэзыр? Сыт щхьэкІэ?
НЭХЪЫБЭ КЪАЩІЭ
Хьисэ Мэссихь мелыІыч нэхъыщхьэ Михаилу зэрыщытым сыт щыхьэт техъуэми еплъ.
«Хэт хъуну мелыІыч нэхъыщхьэ Михаилыр?» (интернет-статья, урысыбзэкІэ)
Языныкъуэхэм зэрыжаІэмкІэ, ШейтІаныр ар цІыхум и гум илъ Іейращ. Ар апхуэдэу зэрыщымытым теухуауэ къащІэ.
Жин бзаджэхэм къыІэщІэкІа цІыхубзым теухуауэ къеджэ.
«Абы гъащІэм и мыхьэнэр къигъуэтащ» («ХъумакІуэ чэщанэ», бадзэуэгъуэм и 1, 1993 гъэ, урысыбзэкІэ)
Іэзэгъуазэ Іуэхухэр къигъэсэбэпу ШейтІаным цІыхухэр къызэригъапцІэр къащІэ.
Иджыри уигу ирихьыфынур
НЭХЪЫБЭУ ЯТ УПЩІЭХЭР
Иеговэ и Щыхьэтхэм ирагъэкІуэкІ курсыр зищІысыр сыт?
Библием итыр къэпщІэну къыбдэІэпыкъу курс Иеговэ и Щыхьэтхэм ирагъэкІуэкІ. Абыхэм ущрагъаджэкІэ уи унэм щІэлъ Библиер къэбгъэсэбэп хъунущ икІи уи унагъуэм щыщхэмрэ уи ныбжьэгъухэм щыщ гуэррэ къебгъэблагъэ хъунущ.
