TƆM KƖKPƐLƖKƖTƲ 24
Mba Ɛsɔ tiyiyaa kɛnaa nɛ tʋmɩyɛ nɖɩ palakɩ?
Yehowa sɔɔlaa se ɖɩtɩlɩ ɛ-hɔʋ ŋgʋ kɩwɛ ɛsɔdaa yɔ kɩ-taa ñɩma. Hɔʋ ŋgʋ kɩ-taa ñɩma nabɛyɛ lɛ Ɛsɔ tiyiyaa nɛ payaɣ-wɛ ɖɔɖɔ se «Ɛsɔ pɩyalaa.» (Yɔɔb 38:7) Tɔm ndʋ Bibl yɔɔdʋʋ Ɛsɔ tiyiyaa yɔɔ? Ðoŋ weyi pɛwɛnɩ ɛyaa yɔɔ? Tiyiyaa mba, pa-tɩŋa pɛwɛnɩ Ɛsɔ hɔʋ taa?
1. Mba Ɛsɔ tiyiyaa kɛnaa?
Yehowa lɩzɩ Ɛsɔ tiyiyaa pʋcɔ nɛ ɛlɩzɩ tɛtʋ. Pɛkɛ feziŋ ɛzɩ ɛnʋ ɖɔɖɔ yɔ nɛ ɛsɔdaa pɛwɛɛ. (Ebree mba 1:14) Ɛsɔ tiyiyaa sakɩyɛ wɛna nɛ paa tiyiyu weyi lɛ, ɛ-wɛtʋ wɛ ndɩ nɛ lalaa wɛtʋ. (Natʋ 5:11) ‘Pɔɖɔŋ Yehowa tɔm yɔɔ nɛ pañaŋ ɛ-nɔɔ taa tɔm.’ (Keɣa 103:20) Caanaʋ taa lɛ, Yehowa tiyaɣ e-tiyiyaa se peheyi tɔm natʋyʋ ɛ-samaɣ yaa pasɩnɩ-kɛ. Ða-alɩwaatʋ tʋnɛ tɩ-taa lɛ, tiyiyaa ɖiyiɣ Krɩstʋ mba nɛ powokini-wɛ mba pɔsɔɔlaa se pɛkpɛlɩkɩ Ɛsɔtɔm yɔ pɔ-cɔlɔ.
2. Mba Sataŋ nɛ ɛ-aleewaa pɛkɛnaa?
Tiyiyaa nabɛyɛ tɩɖɔkɩ pe-siɣsiɣ wɛtʋ Yehowa ɛsɩndaa. Tiyiyu kajalaɣ ñɩnʋ weyi ɛkʋyɩ Yehowa yɔɔ yɔ ɛnʋ payaɣ se «Eleeu nɛ Sataŋ . . . , weyi eɖiɣni peɣzuu tɛtʋ tɩŋa yɔ.» (Natʋ 12:9) Sataŋ ñɩnaɣ se ɛtɔɔ kewiyitu lalaa yɔɔ, pʋyɔɔ eseɣti kajalaɣ abalʋ nɛ ɛlɛ halʋ, nɛ halɩ tiyiyaa nabɛyɛ nɛ patɩnɩ ɛ-yɔɔ nɛ pakaɖɩnɩ Ɛsɔ. Payaɣ tiyiyaa mba se aleewaa. Yehowa ɖɔɔnɩ-wɛ ɛsɔdaa nɛ pakaɣ-wɛ ɖɩzʋʋ.—Kalɩ Natʋ 12:9, 12.
3. Ɛzɩma Sataŋ nɛ ɛ-aleewaa pepeɣziɣ-ɖʋ?
Sataŋ nɛ ɛ-aleewaa patɩŋɩɣnɩ feziŋ kɩdɛkɛdɩŋ yaʋ yɔɔ nɛ pepeɣziɣ ɛyaa sakɩyɛ. Feziŋ kɩdɛkɛdɩŋ yaʋ kɛnɩ lakasɩ nzɩ sɩ-yɔɔ ɛyaa tɩŋɩɣna se pɔyɔɔdɩnɩ feziŋ yɔ. Feziŋ kɩdɛkɛdɩŋ yaʋ kɩɖaŋ nɩɩyɩ yɔ: Ɛyaa nabɛyɛ woki mba patɩyɩɣnɩ tɩɩnzɩ yɔ, tɩyaa mba pɔyɔɔdʋʋ cee wayɩ tɔm yɔ, kɩnadɩnaa nɛ tɩyaa pɔ-cɔlɔ. Nabɛyɛ ñatɩŋɩɣnɩ feziŋ kɩdɛkɛdɩŋ yaʋ nʋmɔŋ yɔɔ se pawaa pa-kʋdɔmɩŋ. Pɛcɛtɩ nabɛyɛ nɛ pamaɣzɩɣ se papɩzɩɣ nɛ pɔyɔɔdɩnɩ sɩɖaa. Ɛlɛ Yehowa paɣ-ɖʋ se: «Ɩtaapɩsɩnɩ mba pɔyɔɔdʋʋnɩ sɩɖaa yɔ pɔ-yɔɔ, nɛ itaawolo tɩʋ tɛ se ɩpɔzʋʋ piye.» (Levitiki 19:31) Ɛpaɣ-ɖʋ mbʋ se ɛkandɩyɩ ɖɔ-yɔɔ nɛ ɖɩtaatɔlɩ Sataŋ nɛ ɛ-aleewaa pa-kpacanaa taa. Pɛkɛ Ɛsɔ koyindinaa nɛ pañɩnɩɣ se palabɩ-ɖʋ kɩdɛkɛdɩm.
TAZƖ NƐ PILIMI
Tazɩ nɛ ŋna kɩbam mbʋ Ɛsɔ tiyiyaa lakɩ yɔ, kaɖɛ nɖɩ feziŋ kɩdɛkɛdɩŋ yaʋ kɔŋna yɔ nɛ mbʋ pɩwɛɛ se ɖɩla nɛ ɖɩtaatɔlɩ Sataŋ nɛ ɛ-aleewaa pa-kpacanaa taa yɔ.
4. Ɛsɔ tiyiyaa sɩɣnɩ ɛyaa se pɛkpɛlɩkɩ nɛ patɩlɩ Yehowa
Ɛsɔ tiyiyaa maɣmaɣ iisusuu tɔm ɛyaa. Ɛlɛ papɩzɩɣ nɛ peɖiyi Ɛsɔ sɛyaa nɛ powoni-wɛ mba pɔsɔɔlaa se pɛkpɛlɩkɩ Ɛsɔtɔm yɔ pɔ-cɔlɔ. Ɩkalɩ Natʋ 14:6, 7; nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ yɔɔ pɩpɔzʋʋ se Ɛsɔ tiyiyaa ɩsɩnɩ-ɖʋ tɔm susuu taa?
-
Ŋtɩlʋʋ se Ɛsɔ tiyiyaa sɔɔlaa se peɖiyi-ŋ nɛ powoni mba pɔsɔɔlaa se pɛkpɛlɩkɩ Bibl yɔ pɔ-cɔlɔ yɔ, pɩkpazɩɣ-ŋ ɖoŋ na? Ɛbɛ yɔɔ?
5. Se feziŋ kɩdɛkɛdɩŋ yaʋ lakasɩ
Sataŋ nɛ ɛ-aleewaa pɛkɛ Yehowa koyindinaa. Pɛkɛ ɖɔɖɔ ɖo-koyindinaa. Ɩkalɩ Luka 9:38-42, nɛ pʋwayɩ lɛ ɩtazɩ tɔm tʋnɛ tɩ-taa:
-
Kañatʋ ndʋ aleewaa lakɩ ɛyaa?
Pɩfɛyɩ se ɖɩha nʋmɔʋ aleewaa nɛ pɛwɛɛnɩ ɖoŋ ɖe-wezuu caɣʋ yɔɔ. Ɩkalɩ Wayɩ Wayɩ Paɣtʋ 18:10-12, nɛ pʋwayɩ lɛ ɩtazɩ tɔm tʋnɛ tɩ-taa:
-
Nʋmɔŋ weyi yɔɔ aleewaa tɩŋɩɣna se pɛwɛɛnɩ ɖoŋ ɖɔ-yɔɔ nɛ pɔyɔɔdɩnɩ-ɖʋ? Feziŋ kɩdɛkɛdɩŋ yaʋ lakasɩ nzɩ tɔyɩ ɖenɖe ŋwɛɛ yɔ?
-
Ŋmaɣzɩɣ se Yehowa labɩ camɩyɛ se ɛpaɣ-ɖʋ se ɖise feziŋ kɩdɛkɛdɩŋ yaʋ lakasɩ na? Ɛbɛ yɔɔ?
Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
-
Ŋmaɣzɩɣ se tɩla ŋgʋ Palesa pɛlɛ lɛwa yɔ kɩkɔŋnɩ-ɩ kaɖɛ na? Ɛbɛ yɔɔ?
-
Ɛbɛ pɩɩwɛɛ se Palesa ɛla nɛ pɩkandɩyɩ ɛ-yɔɔ nɛ ɛlɩɩ feziŋ kɩdɛkɛdɩŋ nesi tɛɛ?
Toovenim Krɩstʋ mba paɣzʋʋ aleewaa kaɖɩnʋʋ yɔ, pɩtɩkɛ sɔnɔ. Ɩkalɩ Tʋma Labʋ 19:19 nɛ 1 Kɔrɛntɩ mba 10:21, nɛ pʋwayɩ lɛ ɩtazɩ tɔm tʋnɛ tɩ-taa:
-
Ye ŋwɛnɩ wondu ndʋ tɩlabɩ nɔɔ kʋyʋmaɣ nɛ feziŋ kɩdɛkɛdɩŋ yaʋ yɔ, ɛbɛ yɔɔ pɩcɛyaa se ŋsɔbɩ-tʋ miŋ yaa ŋlɔ-tʋ?
6. Lʋbɩnɩ Sataŋ nɛ ɛ-aleewaa nɛ ŋwabɩ-wɛ
Sataŋ ɖiyiɣni aleewaa. Ɛlɛ Ɛsɔ tiyiyaa mba pɛwɛ siɣsiɣ yɔ, tiyiyaa ñʋʋdʋ Mikayɛɛlɩ ɖiyiɣni-wɛ. Yesu hɩɖɛ lɛɛɖɛ lɛ Mikayɛɛlɩ. Ɛzɩma Mikayɛɛlɩ ɖoŋ wɛɛ? Ɩkalɩ Natʋ 12:7-9, nɛ pʋwayɩ lɛ ɩtazɩ tɔm tʋnɛ tɩ-taa:
-
Mba ɖoŋ kpaɖaa? Mikayɛɛlɩ nɛ e-tiyiyaa yaa Sataŋ nɛ ɛ-aleewaa?
-
Ŋmaɣzɩɣ se Sataŋ nɛ ɛ-aleewaa pɛwɛnɩ ɖoŋ weyi yɔ ɩ-yɔɔ lɛ, pɩwɛɛ se pɔ-tɔm ɛkpa sɔɔndʋ Yesu wayɩ tɩŋɩyaa na?
Ŋpɩzɩɣ nɛ ŋlʋbɩnɩ Sataŋ nɛ ɛ-aleewaa nɛ ŋwabɩ-wɛ. Ɩkalɩ Yakubu 4:7, nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ pɩwɛɛ se ŋla nɛ ŋpɩzɩ nɛ ŋkaɖɩnɩ Sataŋ nɛ ɛ-aleewaa?
NABƐYƐ YƆƆDƲƲ SE: «Ye ɛyʋ ɛtɔʋ game waa yaa ɛcɔŋnɩ filimwaa mba pa-taa feziŋ kɩdɛkɛdɩŋ yaʋ lakasɩ wɛɛ yɔ, pɩtɩwɛɛkɩ pʋyʋ. Aleɣya yem pɩkɛnaa.»
-
Lɩmaɣzɩyɛ nɖɩ ɖɩpɩzɩɣ nɛ ɖɩkɔnɩ-ɖʋ kaɖɛ. Ɛbɛ yɔɔ?
TOBI LƐ
Ɛsɔ tiyiyaa mba pɛwɛ siɣsiɣ yɔ pasɩɣnɩ-ɖʋ. Sataŋ nɛ ɛ-aleewaa pɛkɛ Yehowa koyindinaa, nɛ patɩŋɩɣnɩ feziŋ kɩdɛkɛdɩŋ yaʋ lakasɩ yɔɔ nɛ pepeɣziɣ ɛyaa.
Tɔm taa tazʋʋ
-
Ɛzɩma Ɛsɔ tiyiyaa wɛɛ nɛ pasɩɣnɩ ɛyaa se patɩlɩ Ɛsɔ?
-
Mba Sataŋ nɛ ɛ-aleewaa pɛkɛnaa?
-
Ɛbɛ yɔɔ pɩcɛyaa se ŋtɛ ña-taa nɛ ŋposi ña-tɩ nɛ feziŋ kɩdɛkɛdɩŋ yaʋ lakasɩ?
WONDU LƐƐTƲ
Kalɩ nɛ ŋna mbʋ pɩwɩlɩɣ se Yesu kɛnɩnɩ tiyiyu sɔsɔ Mikayɛɛlɩ yɔ.
Kalɩ nɛ ŋna mbʋ pɩwɩlɩɣ se Eleeu wɛɛ keekee yɔ.
«Le Diable: principe du mal ou personne réelle?» (Intɛrnɛɛtɩ yɔɔ tɔm ñʋʋ)
Kalɩ nɛ ŋna ɛzɩma halʋ nɔɔyʋ lɩ feziŋ kɩdɛkɛdɩŋ yaʋ yomiye taa yɔ.
«Elle a trouvé un but dans la vie» (La Tour de Garde, 1er juillet 1993)
Kalɩ nɛ ŋna ɛzɩma Sataŋ tɩŋɩɣnɩ feziŋ kɩdɛkɛdɩŋ yaʋ lakasɩ yɔɔ nɛ epeɣziɣ ɛyaa yɔ.
«Maajiki, kʋdɔmɩŋ ɖʋʋ nɛ efeletu, pɔ-yɔɔ toovenim tɔm» (Wezuu maatɛŋ nʋmɔʋ? ñʋʋ 5)
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
