Jeová tỹ ẽg tỹ ti família kanhkã tá to kanhrãn ve sór tĩ. Ti família kãmĩ anjo ag vỹ nỹtĩ, Topẽ Vĩ Rá vỹ ẽg mỹ ke tĩ, ag tỹ tỹ “Topẽ krẽm ag”. (Gênesis 6:2) Topẽ Vĩ Rá ne ẽg mỹ ke tĩ, anjo ag to? Ag ne hyn han tĩ? Anjo kar mỹ Topẽ família tũ nỹtĩ hẽn?

1. Ũn tỹ ne nỹ anjo ag ti?

Jeová vỹ Ga ti han ke jo, ti tóg anjo ag hyn han mũ. Ẽg pi anjo ag vég tĩ, ag vỹ kanhkã tá nỹtĩ nĩ. (Hebreu 1:14) Anjo tỹ milhão ag nỹtĩ, ag tỹ jykre e nỹtĩ. (Nén venh ke 5:11) Ag tỹ Jeová vĩ jẽmẽ tĩ, “kỹ ãjag tóg ti vĩ han tĩ gé”. (Salmo 103:20) Vãsỹ, hã ri ke mũn Jeová tóg anjo ag jẽnẽg mũ, ag tỹ ti vĩ to kãmén jé, ag tỹ Jeová povo ajũna ke tĩ vã kar ũn tỹ Topẽ mỹ rãnhrãj tĩ ag krenkren jé. Ũri anjo ag vỹ Cristo mré ke ag ajũna ke tĩ, ag tỹ ũn tỹ Topẽ to kanhrãn sór tĩ, ki kanhrãn jé.

2. Ũn tỹ ne nỹ Satanás kar vẽnh kuprĩg kórég ag ti?

Anjo ũn pir ag pi Jeová mỹ jykre pir nỹtĩ vã. Anjo vén ti vỹ Topẽ vĩ mranh ja “Japo hã vẽ. Satanás hã vẽ. Ẽprã ke ag tỹ Topẽ kato vãsãnsãn han mũ ẽn hã vẽ, hã vỹ: mĩg fẽr, he mũ”. (Nén venh ke 12:9) Satanás vỹ vẽnh kar krĩ sór mũ vã. Hã kỹ, ti vỹ Adão kar Eva kar anjo ũꞌũ ag vỹ krĩn kónãn mũ, ag vỹ Topẽ vĩ mranh jé. Vẽnh kuprĩg kórég tag ag vỹ tỹ demônio nỹtĩ. Jeová vỹ vẽnh kuprĩg kórég ag kãkutẽm mũ, kanhkã tá kar ũri ag vỹ véké mũ, Ga kri. Hã ra ag tỹ tũꞌ kenh ke mũ. — Nén venh ke 12:9, 12 le kem nĩ.

3. Satanás kar demônio ag hã ren kỹ ẽg krĩn kónãn sór tĩ?

Satanás kar vẽnh kuprĩg kórég ag vỹ ũn ag mỹ jykre tỹꞌũ ke tĩ, Nén Kórég tũ ag tỹ. Nén Kórég tũ ag kãmĩ, ũn ag vỹ vẽnh kuprĩg mré vĩ sór tĩ. Tag vỹ nén ũ kórég nĩ. Ũnꞌũ ag vỹ ũn tỹ krĩg ki kanhró mré vẽmén tĩ, horóscopo, kujá ag kar ũ tỹ jagrẽ kórég nén venh ke tó mũ ag ve sór tĩ gé. Ũnꞌũ ag vỹ vẽnh kagta kron ke tũ nĩn kỹ terapia han mũ, tag tỹ tỹ nén kórég tũ nĩ. Satanás tỹ ũn tỹ ũn ter ja mré vãmén sór tĩ ag mré vĩ tĩ, ũn tỹ ũn ter ja vĩ han tỹ. Hã ra Jeová vỹ tó ja nĩ: “Ũn ag tóg vẽser ag mré vẽmén tĩ, kỹ ag tóg ãjag tỹ ne venh ke ti vég tĩ gé. Ag venh mũ tũg nĩ.” (Levítico 19:31) Ti vỹ tag ẽg mỹ tó tĩ, ti vỹ ẽg mỹ jy nĩgãn jé, Satanás kar vẽnh kuprĩg kórég ag to. Ag tỹ tỹ Topẽ kato vãsãnsãn tĩ kar ag tỹ ẽg mỹ kórég han sór tĩ.

 VẼNH KANHRÃN KÃFÓR NĨ

6. Vãsãn kãn nĩ, Satanás kar vẽnh kuprĩg kórég ag kato vãsãn jé

Satanás vỹ vẽnh kuprĩg kórég ag tỹ rĩr nĩ. Hã ra anjo há ag vỹ anjo pãꞌi mág tỹ Miguel krẽm ke nỹtĩ. Miguel vỹ tỹ Jesus nĩ. Miguel mỹ tar nĩ hẽn? Nén venh ke 12:7-9 le kem nĩ. Kar jagnẽ mré vẽmén nĩ, nén ũ tag ag to:

• Ũ nẽ tar kãfór nĩ: Miguel kar ti anjo ag ke tũ nĩ kỹ Satanás kar vẽnh kuprĩg kórég ag?

• Ã hã mỹ, Jesus ti nón mũnh fã ag mỹ Satanás kar vẽnh kuprĩg kórég ag kamẽg ke nỹtĩ?

à tỹ Satanás kar vẽnh kuprĩg kórég ag vãsãn kãn ke mũ, ã tỹ ag kato vãsãn jé. Tiago 4:7 le kem nĩ. Kar jagnẽ mré vẽmén nĩ, tag to:

• Ã ne han ke nĩ, ã tỹ vẽnh jy nĩgãn jé, Satanás kar vẽnh kuprĩg kórég ag to?

 Ã NE KANHRÃN JA TI

Anjo há ag vỹ ẽg ajũna ke tĩ. Satanás kar ti vẽnh kuprĩg kórég ag Jeová kato vãsãnsãn tĩ kar ag tỹ ũn ag krĩn kónãn tĩ, nén ũ kórég tũ ag tỹ.

Jykrinkrén mũ

• Anjo ag hã ren kỹ ũn ag ajũna ke tĩ, ag tỹ Jeová to kanhrãnrãn jé?

• Ũn tỹ ne nỹ Satanás kar ti vẽnh kuprĩg kórég ag ti?

• Ã ne tugnĩn Nén-Kórég ti tỹ nén kórég tũ kuvar tỹ nỹtĩnh ke nĩ?