Jehovap kis­saatigaa ilaqutariis­sor­tani qilam­miit­tut, ilaatigut inngilit, ilisarisimas­sagigut. Inngilit ‘Guutip ernerisut’ taaneqar­tar­put. (Jobi 38:7) Biibilimi inngilit pil­lugit qanoq allas­simasoqarpa? Qanoq sun­ner­tar­paatigut? Inngilit tamarmik Guutip ilaqutariis­sor­taanut ilaap­pat?

1. Inngilit kikkuuppat?

Inngilit anersaajup­put takus­saan­ngitsut qilam­miit­tut nunarsuaqan­ngik­kal­larmat pin­ngor­titaasut. (Hebræerit 1:14) Mil­lionilik­kuutaajup­put tamarmillu immik­kut kinaas­suseqarlutik. (Saq­qum­mersitat 5:11) Biibilimi allas­simavoq inngilit Jehovap “peqqusaanik naammassisitsisartut oqaasii naalallugit”. (Tus­siaat 103:20) Itsaq Jehovap inngilit inun­nut oqariar­tor­tit­tar­pai innut­taminillu ikiuisit­tarlugit annaas­sisit­tarlugillu. Nalitsin­nilu inngilit inun­nik eqqor­tuliorusut­tunik oqaluus­sil­luta ujaasinitsinni ikior­tar­paatigut.

2. Saatani anersaapiluillu kikkuuppat?

Inngilit ilaat Jehovamut kif­far­torun­naar­put. Kif­far­torun­naar­tullu siul­liup pin­ngor­titat allat pis­saaneqarfigerusuk­kamigit inuit siul­liit inngilillu allat tam­mar­tip­pai. Taanna ‘Diaavulumik Saatanimillu taaneqarpoq nunarsuarmilu tamarmi najugaqartunik tammartitsisuulluni’. (Saq­qum­mersitat 12:9) Inngilit pikitsitseqataasut anersaapilun­nik taaneqar­tar­put. Jehovap Saatani anersaapiluillu qilam­miit nunarsuarmut igip­pai suujun­naarsik­kumaarlugillu. – Saq­qum­mersitat 12:9, 12 atuarsigit.

3. Saatanip anersaapiluillu suut atorlugit tammartinniartarpaatigut?

Saatani anersaapiluillu inun­nik tam­mar­titsisar­put, ilaatigut anersaarsior­neq atorlugu. Anersaarsior­neq tas­saavoq anersaanik attaveqar­niar­neq. Assersuutigalugu inuit ilaat siulit­tuiniar­tar­tunit, siumut takun­nis­sin­naanerar­tunit, horoskopinit angak­kuar­tar­tunil­luun­niit siun­nersor­tit­tar­put. Allat katsorsaariaatsit anersaarsior­nermut tun­ngasut ator­tar­paat, assersuutigalugu healerisar­toq ornil­lugu. Aamma inuit isumaqalersin­neqar­tar­put toqusimasunik oqaloqateqarsin­naal­lutik. Saatanip anersaapiluillu Guutimut akeraagamik ajoquserusup­paatigut. Jehovallu illersorusuk­kamisigut ima mianersoq­quaatigut: “Timaajagarsiortut [anersaarsiortut, NW] saaffigissanngilasi siulittuisartullu siunersiortarnagit.” – Mosesimik 3. 19:31.

 ITISILIINEQ

6. Saatani anersaapiluillu ajugaaffigisinnaavatit

Saatani anersaapilun­nut naalagaavoq. Inngilillu aalajaatsut inngiliunermit Jiisusimit, aamma Mikaalimik taaneqar­tar­tumit, siulersor­neqar­put. Mikaali qanoq pis­saaneqar­tigaa? Saqqummersitat 12:7-9 atuarsigit apeq­qutillu uku eqqar­torlugit:

• Kik­kut pis­saaneqar­nerup­pat? Mikaali inngiliilu imaluun­niit Saatani anersaapiluilu?

• Isumaqar­pit Jiisusip malin­nit­taasa Saatani anersaapiluillu siooragisariaqaraat?

Saatani anersaapiluillu ajugaaf­figisin­naavatit. Jaaku 4:7 atuarsiuk apeq­qullu una eqqar­torlugu:

• Saatanimit anersaapilun­nillu ajoquser­neqarumanak susin­naavit?

 EQIKKAANEQ

Inngilit aalajaatsut ikior­tar­paatigut. Saatani anersaapiluillu Jehovamut akeraap­put, anersaarsior­nerlu atorlugu inun­nik tam­mar­titsisar­put.

Uteqqiineq

• Jehova pil­lugu paasisaqarusut­tut inngilinit qanoq ikior­neqar­tar­pat?

• Saatani anersaapiluillu kik­kuup­pat?

• Sooq anersaarsiorusun­ngilatit?