Йаһоԝа дьхԝазә ԝәки әм малбәта ԝийә сәр әʹзмана рʹьнд нас кьн. Нәфәред ԝе малбәте мәләк ьн, кʹижан кӧ Кʹьтеба Пирозда тенә навкьрьне «лаԝед Хԝәде» (Ибо 38:7). Әм жь Кʹьтеба Пироз дәрһәԛа мәләка чь педьһʹәсьн? Әԝана ча сәр мәрьва һʹӧкӧм дькьн? Гәло һʹәму мәләк нәфәред мала Хԝәде нә?

1. Мәләк кʹи нә?

Йаһоԝа мәләк пешийа әʹрде әʹфьрандьнә. Әԝана жи мина Хԝәде найенә кʹьфше у ль әʹзмана нә (Ибрани 1:14). Бь милйона мәләк һәнә у һәр кәс жь ԝан бь щурʹе хԝә йә (Әʹйанти 5:11). Әԝана «дьԛәдиньн готьна [Йаһоԝа], дькьн гӧһдарийа дәнге Ԝи» (Зәбур 103:20). Ԝәʹде бәре Йаһоԝа щарна мәләкед хԝә дьшандә сәр әʹрде, ԝәки готьна ԝи әʹлам кьн, пьштгьрийа щьмәʹта ԝи бькьн у ԝана хԝәй кьн. Иро мәләк Рʹебәрийе Мәсиһийа дькьн, ԝәки әԝана һәрʹьн ԝан мәрьварʹа шәʹдәтийе бьдьн, йед кӧ дьхԝазьн дәрһәԛа Хԝәде пебьһʹәсьн.

2. Мире-щьна у щьнед ԝи кʹи нә?

Һьнә мәләк Йаһоԝарʹа амьн нәман. Мәләке пешьн йе кӧ бу рʹабәр, «жерʹа Мирещьн у Шәйтʹан дьбежьн, йе кӧ тʹәмамийа дьне хальфандийә» (Әʹйанти 12:9). Мире-щьна дьхԝәст сәрԝертийе сәр әʹфринед Хԝәде бькьра. Ләма жи әԝи сәр мәрьвед пешьн, демәк сәр Адәм у Һеԝайе һʹӧкӧм кьр. Паше әԝи ӧса кьр, ԝәки һәла һе мәләк жи бунә рʹабәр у пәй ԝи чун. Әԝ мәләк тенә навкьрьне щьн. Йаһоԝа жь әʹзмана бәри ԝан да авитә сәр әʹрде, у паше ԝе ԝана кʹӧта кә (Бьхунә Әʹйанти 12:9, 12.)

3. Мире-щьна у щьнед ԝи ча мә дьхальфиньн?

Мире-щьна у щьнед ԝи гәләка пе сербазийе дьхальфиньн. Мәсәлә, һьнә мәрьв дьчьнә бал стәйрнаса, кʹочʹәка у ӧса жи бал сербаза. Һьнәк жи сәва кӧ хԝә ԛәнщ кьн, методед ӧса дьдьнә хәбате, кʹижан кӧ сербазийева гьредайи нә. Һьнә мәрьв жи баԝәр дькьн, кӧ дькарьн тʹәви мьрийа хәбәр дьн. Ле Йаһоԝа мәрʹа дьбежә: «Нәчьнә щәм йед гази рʹӧһʹа дькьн у жь мьщеԝьре щьна нәпьрсьн» (Ԛануна Кʹаһинтийе 19:31). Йаһоԝа мәрʹа әве йәке пешда дьбежә, ԝәки әм фәсал бьн сәва хԝә жь Мире-щьна у щьнед ԝи хԝәй кьн. Әԝана дьжмьнед Хԝәде нә у дьхԝазьн зийане бьдьнә мә.

 КʹУР ЛЕКОЛИН КӘ

6. Тӧ дькари Мире-щьна у щьнед ԝи алт ки

Мире-щьна рʹебәрийе щьна дькә. Ле мәләкед амьн бьн рʹебәрийа Мьхайилда ньн, әԝ жи навәки Иса йә, йе кӧ мәләке сәрәкә йә. Ле ԛәԝата Мьхайил чьԛас ә? Бьхунә Әʹйанти 12:7-9, у паше ван пьрса шеԝьр кә:

• Кʹи дьһа ԛәԝат ә, Мьхайил у мәләкед ԝи, йан Мире-щьна у щьн?

• Ча тӧ дьфькьри, пәйчуйед Иса гәрәке жь Мире-щьна у щьнед ԝи бьтьрсьн?

Тӧ дькари Мире-щьна у щьнед ԝи алт ки. Бьхунә Аԛуб 4:7, у паше әве пьрсе шеԝьр кә:

• Тӧ ча дькари хԝә жь Мире-щьна у щьнед ԝи хԝәй ки?

 ТʹӘМАМКЬРЬН

Мәләкед амьн али мә дькьн. Ле Мире-щьна у щьнед ԝи дьжмьнед Йаһоԝа нә, у әԝана пе сербазийе мәрьва дьхальфиньн.

Ԝәкʹьландьн

• Мәләкед Йаһоԝа ча али мәрьва дькьн, ԝәки дәрһәԛа ԝи пебьһʹәсьн?

• Мире-щьна у щьн кʹи нә?

• Тӧ чьрʹа дьхԝази хԝә жь сербазийе дур бьгьри?