Yehowa dixwaze wekî em malbeta wîye ser ezmana rind nas kin. Neferên wê malbetê melek in, kîjan ku Kitêba Pîrozda têne navkirinê “lawên Xwedê” (Îbo 38:7). Em ji Kitêba Pîroz derheqa meleka çi pêdihesin? Ewana ça ser meriva hukum dikin? Gelo hemû melek neferên mala Xwedê ne?

1. Melek kî ne?

Yehowa melek pêşiya erdê efirandine. Ewana jî mîna Xwedê nayêne kifşê û li ezmana ne (Îbranî 1:14). Bi mîlyona melek hene û her kes ji wan bi cûrê xwe ye (Eyantî 5:11). Ewana “diqedînin gotina [Yehowa], dikin guhdarîya dengê Wî” (Zebûr 103:20). Wedê berê Yehowa carna melekên xwe dişande ser erdê, wekî gotina wî elam kin, piştgiriya cimeta wî bikin û wana xwey kin. Îro melek Rêberiyê Mesîhiya dikin, wekî ewana herin wan merivara şedetiyê bidin, yên ku dixwazin derheqa Xwedê pêbihesin.

2. Mîrê-cina û cinên wî kî ne?

Hine melek Yehowara amin neman. Melekê pêşin yê ku bû raber, “jêra Mîrêcin û Şeytan dibêjin, yê ku temamiya dinê xalifandiye” (Eyantî 12:9). Mîrê-cina dixwest serwêrtiyê ser efrînên Xwedê bikira. Lema jî ewî ser merivên pêşin, dêmek ser Adem û Hêwayê hukum kir. Paşê ewî usa kir, wekî hela hê melek jî bûne raber û pey wî çûn. Ew melek têne navkirinê cin. Yehowa ji ezmana berî wan da avîte ser erdê, û paşê wê wana kuta ke (Bixûne Eyantî 12:9, 12.)

3. Mîrê-cina û cinên wî ça me dixalifînin?

Mîrê-cina û cinên wî geleka pê sêrbaziyê dixalifînin. Mesele, hine meriv diçine bal steyrnasa, koçeka û usa jî bal sêrbaza. Hinek jî seva ku xwe qenc kin, mêtodên usa didine xebatê, kîjan ku sêrbaziyêva girêdayî ne. Hine meriv jî bawer dikin, ku dikarin tevî miriya xeber din. Lê Yehowa mera dibêje: “Neçine cem yên gazî ruha dikin û ji micêwirê cina nepirsin” (Qanûna Kahîntiyê 19:31). Yehowa mera evê yekê pêşda dibêje, wekî em fesal bin seva xwe ji Mîrê-cina û cinên wî xwey kin. Ewana dijminên Xwedê ne û dixwazin ziyanê bidine me.

 KÛR LÊKOLÎN KE

6. Tu dikarî Mîrê-cina û cinên wî alt kî

Mîrê-cina rêberiyê cina dike. Lê melekên amin bin rêberiya Mixayîlda nin, ew jî navekî Îsa ye, yê ku melekê sereke ye. Lê qewata Mixayîl çiqas e? Bixûne Eyantî 12:7-9, û paşê van pirsa şêwir ke:

• Kî diha qewat e, Mixayîl û melekên wî, yan Mîrê-cina û cin?

• Ça tu difikirî, peyçûyên Îsa gerekê ji Mîrê-cina û cinên wî bitirsin?

Tu dikarî Mîrê-cina û cinên wî alt kî. Bixûne Aqûb 4:7, û paşê evê pirsê şêwir ke:

• Tu ça dikarî xwe ji Mîrê-cina û cinên wî xwey kî?

 TEMAMKIRIN

Melekên amin alî me dikin. Lê Mîrê-cina û cinên wî dijminên Yehowa ne, û ewana pê sêrbaziyê meriva dixalifînin.

Wekilandin

• Melekên Yehowa ça alî meriva dikin, wekî derheqa wî pêbihesin?

• Mîrê-cina û cin kî ne?

• Tu çira dixwazî xwe ji sêrbaziyê dûr bigirî?