Jeova el luhngse kuht in etuh ke sucu lal inkuhsrao. Lipufacn uh suc pahngpahng “wen nuhtin God” wi ke sucu se inge. (Job 38:7, BMK) Meac Bible uh fahk ke lipufacn? Meac lipufacn uh oruh nuh sin mwet uh? Yac lipufacn nuhkewa wi ke sucu luhn God?

1. Suc lipufacn uh?

Jeova el oraclah lipufacn meet liki el oraclah facluh. In oacna el, elos nguhn suc tiac kuh in liyeyuck muhta inkuhsrao. (Hebrew 1:14) Oasr million pucspucs sin lipufacn, ac kais sie selos tiac oacna sie ohiyac lalos. (Fwackyuk 5:11) Elos “ahkos sap kuh lal [Jeova], ac porongo kahs lal.” (Psalm 103:20) In pacl meet ah, Jeova el orekmakihn lipufacn in us kahs lal, ac in kahsruh ac molwelah mwet lal uh. Ke pacl inge, lipufacn uh elos kol mwet Christian nuh yurin mwet suc luhngse in lotwelah ke God.

2. Suc Satan ac dimon lal?

Kuhtuh sin lipufacn uh tiac sruokyac oaru lalos nuh sin Jeova. Lipufacn se meet suc seahkos pa “pahngpahng Devil, kuh Satan, ac el kiacpwelah facluh nohfohn.” (Fwackyuk 12:9) Satan el luhngse in kol mwet sahyac, pwacnacng el kiacpwelah siacnyacn se meet, wi pac lipufacn sahyac in weluhl lain God. Lipufacn inge suc seahkos pahngonyuck pac oacna dimon. Jeova el siseloslac liki inkuhsrao nuh facluh, ac elos ac fah kuhnahosyucklac.​—Riti Fwackyuk 12:9, 12.

3. Satan ac dimon uh srihke in kiacpwelah mwet uh fuhkah?

Satan ac dimon uh kiacpwelah mwet uh ke orekma luhn inutnut, sie orekma kuluk ma srihkeyuck in sramsram nuh sin mwet in nguhn inge. Ke sie mwe puhpuhlyuck, kuhtuh mwet uh elos suk kahsruh sin astrologers, mwet susfa, psychics, ac mwet inutnut. Kuhtuh elos suk inkacnek in ono ma orekmakihn inutnut. Kiacpweyucklac pac mwet in luhlahlfongi muh elos kuh in sramsram nuh sin mwet misac. Tuhsruhktuh, Jeova el ahksensenye kuht: “Nik kowos forlah nuh selos suc inutnut, kuh nuh sin mwet susfa.” (Leviticus 19:31, BMK) El acse nuh sesr kahs in sensen inge in karihngihn kuht luhkwel Satan ac dimon lal uh. Eltahl mwet lokoalok luhn God, ac eltahl luhngse in ahkkulukye kuht.

 AHKYOHKYE LUTLUT LOM

6. Kuht kuh in kuhtanguhllah Satan ac dimon lal

Satan pa leum luhn dimon nuhkewa. Tuhsruhktuh, lipufacn oaru elos oasr ye kolyuck lal Michael, suc leum luhn lipufacn, ac pa inge sie pac ine lal Jesus. Fuhkah luhpan kuh lal Michael? Riti Fwackyuk 12:7-9, ac tohkohyang sramsramkihn kihsen siyuck inge:

• Suc kuh liki? Michael ac lipufacn lal kuh Satan ac dimon lal?

• Kom nuhnkuh muh mwet suc fahsr tohkohl Jesus enenuh in sahngweng sel Satan ac dimon lal?

Kom kuh in kuhtanguhllah Satan ac dimon lal. Riti James 4:7, ac tohkohyang sramsramkihn kihsen siyuck se inge:

• Kom kuh in karihngihnkomyang fuhkah luhkwel Satan ac dimon lal?

 MA KUHT LOTWELAH

Lipufacn oaru elos kahsre kuht. Satan ac dimon lal pa mwet lokoalok luhn Jeova, ac eltahl kiacpwelah mwet uh ke orekma luhn inutnut.

Kalweni

• Lipufacn luhn Jeova kahsruh mwet uh fuhkah in lotwelah kacl?

• Suc Satan ac dimon lal uh?

• Efuh kom enenuh in fahsr liki orekma luhn inutnut?