KĨTHOOMO KĨA 24
Kũrĩ na Ũmma Bũrĩkũ Bwegie Araĩka?
Jehova nakwenda twiritana bwegie nja yaawe ya ĩgũrũ. Nja ĩũ nĩ amwe na araĩka, barĩa betagwa “aana ba Murungu.” (Ayubu 38:7) Nĩatĩa Bibiria yugaga bwegie araĩka? Nĩatĩa araĩka bathithagia? Rĩ, araĩka bonthe nĩ gĩcuncĩ kĩa nja ya Mũrungu?
1. Araĩka nĩ baaũ?
Jehova oombĩre araĩka mbere ya kũũmba nthĩgũrũ. O ta Jehova, bo nĩ biũmbe bia gĩkĩrundu barĩa batĩonekaga na batũũraga naarĩa ĩgũrũ. (Ahibirania 1:14) Kũrĩ na mamirioni jamaingĩ ja araĩka, na o ũmwe waao nethagĩrwa na mwanya na bangĩ. (Kugwurirwa 5:11) ‘Nibathithagia uria [Jehova] aathene bakithikagiira kaju kawe’ (Zaburi 103:20) Magiita ja karaaja, Jehova rĩmwe naatumagĩra araĩka gwikia ntũmwa yaawe na kũgwata mbaru na kwonokia antũ baawe. Naarua, araĩka nĩbatongagĩĩria Akristũ kĩrĩ antũ barĩa bakwenda kwiritana bwegie Mũrungu.
2. Shaitani nũũ na irundu biawe biithũũku?
Araĩka bamwe nĩbaaregere kũgwatĩĩra wĩtĩkĩkua bwao kĩrĩ Jehova. Mũraĩka wa mbere ũrĩa wareganĩre na Mũrungu nĩwe wĩtagwa ‘Nkoma Inthuuku na ningi ageetwa Shaitani, uria wairagia kirindi kionthe.’ (Kugwurirwa 12:9) Shaitani eendaga kwatha biũmbe bionthe, kwou naatongeererie antũ ba mbere Adamu na Hawa, na nyumene aratongeeria araĩka bangĩ kũgwatanĩra nawe kĩrĩ ũregani bũu. Araĩka bau aregani nĩbo betagwa nkoma inthũũku. Jehova naatũmĩre bengwa naarĩa ĩgũrũ bareenama nthĩgũrũ na nyumene akabathiria.—Thooma Kugwurirwa 12:9, 12.
3. Nĩatĩa Shaitani na irundu biithũũku bageragia gũtwaĩĩria?
Shaitani na irundu biawe biithũũku baĩĩragia antũ babaingĩ mĩtugo ĩmĩthũũku ya kũgeria kwaranĩria na biũmbe bia gĩkĩkĩrundu biithũũku, bũrĩa nĩ ĩthithia rĩĩthũũku rĩa kũgeria kwaranĩria na irundu. Ngerekano, antũ bamwe nĩbageragia gũcwa mantũ kuuma kĩrĩ athoomi ba njota, aringia na agaa. Antũ bangĩ rĩrĩa baajĩtue, nĩbacwaga ũtethio bwa kĩndawa bũrĩa bũkũgwatanĩra na irundu biithũũku. Antũ bamwe kinya nĩbaĩĩragua atĩ no boombe kwaranĩria na antũ barĩa bakuĩte, ĩndĩ Jehova natwejaga mũkaana jũjũ: “Bukagarukira antu baria bari na irundu bia kuringia, kana aga.” (Mantu ja Alawi 19:31) Jehova atwejaga mũkaana jũu tontũ nakwenda gũtũkaria kuumania na Nkoma na irundu biithũũku. Bo nĩ anthũ ba Mũrungu, kabakwenda gũtũthũũkia.
ĨNJA NKŨRŨKI
Iritane bwegie mantũ jameega jarĩa araĩka bathithagia, ũgwati bwa kũgwatanĩra na irundu biithũũku, na ũrĩa tũũmba gwikaria kuumania na Shaitani na irundu biawe biithũũku.
4. Araĩka nĩbatethagia antũ kwiritana bwegie Jehova
Araĩka ba Mũrungu batĩtũmagĩĩria ĩmwe kwa ĩmwe kĩrĩ antũ. Ĩndĩ, boomba gũtongeeria athathayia ba Mũrungu kĩrĩ antũ barĩa bakwenda kwiritana bũmwegie. Thooma Kugwurirwa 14:6, 7, rĩu bwarĩĩrie biũria bibi:
-
Nĩkĩ tũkũbatara ũtethio bwa araĩka nĩkenda tũtũmĩĩria?
-
Rĩ, nũkwigua ũgĩĩkĩrwa inya tontũ bwa kũmenya atĩ araĩka boomba batũtongeerie kĩrĩ antũ barĩa bakũbatara kwigua bwegie Bibiria? Nĩkĩ?
5. Regana na mantũ ja irundu biithũũku
Shaitani na irundu biithũũku nĩ anthũ ba Jehova. Nĩ anthũ beetũ kinya tuĩ. Thooma Luka 9:38-42, rĩu bwarĩĩrie kĩũria gĩkĩ:
-
Nĩatĩa ĩrundu biithũũku bithithagĩria antũ?
Tũtĩkwenda gwĩtĩkĩĩria irundu biithũũkũ bitũtongeeria. Thooma Kuriikanithia Maathana 18:10-12, rĩu bwarĩĩrie biũria bibi:
-
Nĩ na njĩra irĩkũ irundu biithũũku bigeragia gũtũtongeeria, na kwaranĩria na batuĩ? Nĩ njĩra irĩkũ wonaga antũ bagĩtumĩra kwaranĩria na irundu biithũũku gũntũ kũrĩa ũkaraga?
-
Gwe-rĩ, nũkwona teka bũrĩ ũntũ bwa kũgwatanĩra na mathũgaanio Jehova gũtũkania mantũ ja kũgwatanĩra na irundu biithũũku? Nĩkĩ?
Tega VIDIO, rĩu bwarĩĩrie biũria bibi bĩthingatĩte.
-
Rĩ, ũrũthũgaania ĩrisi rĩrĩa mwarĩ wa Palesa eekĩri njara irĩarĩ na ũgwati? Nĩkĩ?
-
Nĩatĩa Palesa aabataraga kũthithia nĩkenda aikaria kuumania na irundu biithũũku?
Akristũ ba mma rĩonthe nĩbethĩrĩtwe bakĩregana na irundu biithũũku. Thooma Mathithio 19:19 na 1 Akorintho 10:21, rĩu bwarĩĩrie kĩũria gĩkĩ:
-
Nĩkĩ bũrĩ ũntũ bwa gĩtũmi kwĩnyangia gĩntũ kĩonthe kĩrĩa kĩũmba kwĩthĩrwa gĩkĩgwatanagĩra na irundu biithũũku?
6. Cinda ndwa gatĩgatĩ ka Shaitani na irundu biithũũku
Irundu biithũũku biathagwa nĩ Shaitani. Ĩndĩ araĩka barĩa etĩkua batongagĩĩrua nĩ mũraĩka ũrĩa mũnene Mikaeli, rĩrĩa nĩ riĩtwa rĩngĩ rĩa Jesũ. Mikaeli ethagĩrwa na inya ĩng’ana atĩa? Thooma Kugwurirwa 12:7-9, rĩu bwarĩĩrie biũria bibi:
-
Nũũ wĩthagĩrwa na inya nkũrũki ya ũngĩ? Nĩ Mikaeli na araĩka baawe, kana nĩ Shaitani na irundu biawe biithũũku?
-
Ũrithũgaania athingati ba Jesũ nĩbakũbatara gũkĩra Shaitani na irundu biawe biithũũku?
Woomba gũcinda ndwa ĩrĩa Shaitani na irundu biawe biithũũku bakũrwa naawe. Thooma Jakubu 4:7, rĩu bwarĩĩrie kĩũria gĩkĩ:
-
Nĩatĩa ũũmba gwikaria kuumania na Shaitani na irundu biawe biithũũku?
ANTŨ BAMWE BAUGAGA: “Tĩ bũbũĩ gwitonyithia kĩrĩ mĩcetho kana gũtega cinema ciegie irundu biithũũku. Nĩ mantũ akĩ ja kwigwĩria.”
-
Nĩkĩ mwonere jũu jũrĩ jũmũthũũku?
NA NJĨRA ĨNKUĨ
Araĩka etĩkĩkua nĩbatũtethagia. Shaitani na irundu biawe biithũũku nĩ anthũ ba Jehova, na batumagĩra mantũ jegie irundu biithũũku kwaĩĩria antũ.
Gũcookera
-
Nĩatĩa araĩka ba Jehova batethagia antũ kwiritana bũmwegie?
-
Shaitani na irundu biawe biithũũku nĩ baaũ?
-
Nĩkĩ ũkwenda gũciebania na mantũ jonthe jegie irundu biithũũku?
CŨNKŨŨNA
Ona mantũ jarĩa jarikithagia atĩ Jesũ nĩwe Mikaeli, mũraĩka ũrĩa mũnene.
Ona ũrikithia bwa kwonania atĩ Nkoma nĩ kĩũmbe kĩrĩo kamma.
Ona ũrĩa mwekũrũ ũmwe acindĩre mantũ jegie irundu biithũũku.
“Noonere Mworoto Jwa Ũtũũro” (Mnara wa Mlinzi, Julaĩ 1, 1993)
Iritane bwegie ũrĩa Shaitani atumagĩra mantũ jegie irundu biithũũku kwaĩĩria antũ.
“Ũmma Bwegie Manjĩki, Ũrogi na Ũgaa” (Barabara Iongozayo Kwenye Uzima, gĩcuncĩ kĩa 5)
