LISOMU LI 24

Aka Malaika Ndo Akanya na Ahenga Kasi Bole?

INA

Yehova jupala tulibola kuhusu familia jaki jejibi kumbinguni. Familia heji jijege nkati aka malaika ba bakyema “bana . . . bika Mungu.” (Ayubu 38:7) Bibilia jipwaga bo kuhusu aka malaika? Bo, awesa kwajangati au kwadhulu bando? Bo, aka malaika bowa abi sehemu ja familia jika Mungo?

1. Aka malaika ndo akanyane?

Yehova jwa abomba aka malaika kabla ju kubomba undema. Aka malaika atama kumbinguni ngatuwesi kwabona kama pe etusindwa kumbona Yehova. (Waebrania 1:14) Gabi mamilioni gaka malaika na kila malaika jubi na utu gukanzika. (Ufunuo 5:11) Aka Malaika ‘atekeleza lilobi lika Yehova, koni atii sauti jaki.’ (Zaburi 103:20) Zamani, Yehova jwaatumia malaika apelika ujumbi au kwajangati na kwaoko bandubaki. Lelenu, aka malaika baalongo Akristo kwa bandu ba apai kulibola kunhusu Mungu.

2. Shetani na loho baki aovu ndo akanyane?

Baadhi jaka malaika ngase baendali kuba aaminifu kuka Yehova. Malaika jwa kwanza jojwahasia “jobunkyema Ibilisi na Shetani, jugupotosha undema gwoa goatama bandu.” (Ufunuo 12:9) Shetani jukabi nahamu ja kwiitawala iumbi yengi, basi jwashawishia bandu ba kwanza anhasia Yehova na baada ja hapa jwashawishia aka malaika bangi ajiunga naku katika uasi. Aka malaika ahasi be aba baakyema loho aovu. Yehova jwaamua baabenga kuhuma ku mbinguni ahika pundema, na ba atenda kwaangamiza.—Soma Ufunuo 12:9, 12.

3. Shetani na loho baki aovu atumi mbinu bo kwapotosha bando?

Shetani na loho aovu baapotosha bandu bingi kupete lizoea liliaha lu kulenga kuwasiliana ni iumbi ya loho. Ku mfanu, baadhi ja bandu ataputa habali kuhuma kwa anajimu, abashili, na aganga bi kienyeji. Na bangi ataputa matibabu gagahusisha loho aovu. Kabe, bandu ba akonga aamina kwamba awesa kulonge na bandu bawi. Lakini Yehova jutuonya ana: “Mwijenda kwa bandu bawasiliana na loho, wala mwitaputa ushauli kuhuma kwa abashili.” (Mambo ya Walawi 19:31) Jutupeke lionyu heli ili kutulenda dhidi jika Shetani na loho aovu. Bombi abi aka maadui bika Mungu na apala kutusababishi madhala.

HEMBA NGANI

Libola kuhusu mambu gasapi ga ahenga aka malaika, hatali yu kuwasiliana na loho aovu, na jinsi etuwesa kulilenda dhidi jika Shetani na loho aovu.

4. Aka malaika baajangati bandu bilibola kunhusu Yehova

Aka malaika bika Mungu ngasebahubili bandu moja kwa moja. Ila, awesa kwalongo bandu bika Mungu bahubilia bandu baapala kulibola kunhusu. Soma Ufunuo 14:6, 7, halafu nndongalya maswali ganga:

Ndaba jaki tuitaji nsaada gwaka malaika patuhubile?
Bo, kugujege mwoju kumanya kwamba aka malaika awesa kugulongo gwahubilia bandu baaitaji kujogwana ujumbi gwa Bibilia? Ndaba ja kike?

5. Jepa kuwasiliana na loho aovu

Shetani na loho aovu abi aka maadui bika Yehova. Bombi abi aka adui bitu kabe. Soma Luka 9:38-42, halafu nndongalya liswali lende:

Loho aovu ba ahenge bo bando?

Ngatukapai kujihusisha kwa lokapi na loho aovu. Soma Kumbukumbu la Tolati 18:10-12, halafu nndongalya maswali ganga:

Loho aovu atumi indela bo kulenga kutushawishi nu kuwasiliana natwepane? Mu lieneu legutama, bandu atumi indela bo kuwasiliana na loho aovo?
Yehova jutulagalaki tujepa kabisa mazoea gu kuwasiliana na loho aovu. Bo, guholale lijambu heli lilenganela? Ndaba ja kike?

Langia KIDEU, halafu nndongalya maswali gagapwata.

KIDEU: “Mumpenga Ibilisi” (5:02)

Bo, guholale hilizi je anhwatiki binti juka Palesa mukuboku jibi ni madhala? Ndaba ja kike?
Guholale Palesa jwaitajia kuhenga ki ili jujilenda dhidi jaka loho aovo?

Masoba gowa Akristo ba sakaka ba apengiki loho aovu. Soma Matendo 19:19 na 1 Wakorintho 10:21, halafu nndongalya liswali lende:

Ndaba jaki gutaki kualabana sindu sokapi segubi nasu sekihusiana na loho aovu?

6. Shinda ngondu dhidi jika Shetani na loho baki aovu

Shetani ndo ntawala jwa loho aovu. Lakini kiongozi jwaka malaika aaminifu ankyema Mikaeli, ambalu ndo lihina lengi lika Yesu. Mikaeli jubi ni makili kadili bole? Soma Ufunuo 12:7-9, halafu nndongalya maswali ganga:

Nya muna makili ngane? Bo, Mikaeli naka malaika bake au Shetani na loho baki aovo?
Bo, guwasali afuasi bika Yesu apaswa kunzogopa Shetani na loho baki aovo?

Guwesa kushinda ngondu dhidi jika Shetani na loho baki aovu. Soma Yakobo 4:7, halafu nndongalya liswali lende:

Guwesa kujilenda bo dhidi jika Shetani na loho baki aovu?

BANDU FULANI APWAGA: “Nga vibaya kukina michezu ji ideu au kulingali sinema yeihusiana na loho aovu. Hejije indela ju kujifulahisha pena.”

Ndaba jaki kubi atali kuba ni maoni kama haga?

MUHTASALI

Aka malaika aaminifu atenda kutujangati. Shetani na loho baki aovu abi aka maadui bika Yehova, na atumi mazoea gu kuwasiliana na loho ili kwapotosha bandu.