24-ШЕ УРОК
Суксо-влак нерген чын
Иегова мемнам кавасе ешыж дене палымым ыштынеже. Тиде еш суксо-влак гыч шога. Нуным «Юмын эргыже-влак» манме (Иов 38:7). Библийыште суксо-влак нерген мом возымо? Кузе нуно еҥ-влаклан влиятлат? Юмын ешышкыже чыла суксо-влак пурат мо?
1. Кӧ тыгай суксо-влак?
Иегова суксо-влакым мландым ыштымыж деч ончыч ыштен. Нуно Юмо гаяк каваште илат, сандене еҥ-влак нуным ужын огыт керт (Еврей-влаклан 1:14). Каваште миллионло суксо ила да нуно икте-весе деч ойыртемалтыт (Почмаш 5:11). Нуно Иеговам колыштыт да тудын мутшым шуктат (Псалом 102:20). Ожно годым Иегова суксо-влак гоч шке служитлышыже-влаклан кӱлешан уверым ойлен, нунылан полшен але нуным арален. Таче суксо-влак христиан-влаклан тыгай еҥ-влакым муаш полшат, кудышт Юмо нерген пален налнешт.
2. Кӧ тыгай Сатана ден демон-влак?
Южо суксо-влак Иегова деч кораҥыныт. Юмо ваштареш шогалше икымше суксым Диавол да Сатана манын лӱмдымӧ; тудо уло тӱням ондала (Почмаш 12:9). Сатанан весе-влакым вуйлатымыже шуын, сандене тудо икымше еҥ-влакым Юмо ваштареш шогалаш таратен. Вара тудын могырышкыжо южо суксо-влакат шогалыныт. Нине осал суксо-влакым демон-влак манме. Иегова нуным мландыш кава гыч поктен колтен. Сатана ден демон-влак пытарыме лийыт. (Почмаш 12:9, 12 лудын лекса.)
3. Сатана ден демон-влак мемнам кузе ондалаш тыршат?
Сатана ден демон-влак шуко еҥым спиритизмым (демонизмым) кучылтын ондалкалат. Спиритизм — тиде демон-влак дене кылым кучымаш. Мутлан, южо еҥ-влак астролог, экстрасенс да шӱведыше-влак деч полышым йодыт. Весе-влак гороскоп ден омым умылтарыше книгам лудыт але, демонизм дене кылдалтше йӧн-влакым кучылтын, тазалыкыштым тӧрлаташ тыршат. А южо еҥ-влак ӱшанат, пуйто колышо-влак дене мутланаш лиеш. Но тидын гочат демон-влак ондалкалат. Иегова мемнам шекландара: «Шӱлыш-влакым ӱжшӧ-влак деч полышым ида йод да ончык ужын моштышо-влак дене ида каҥаше» (Левит 19:31). Тыге Иегова мемнам Сатана ден демон-влак деч аралынеже. Нуно Юмын тушманже-влак улыт да мыланна осалым ыштынешт.
КЕЛГЫНРАК ШЫМЛЕН НАЛЗА
Пален налза, кузе суксо-влак еҥ-влаклан полшат, могай эҥгекым спиритизм конда да кузе шкенам Сатана ден демон-влак деч аралаш.
4. Суксо-влак еҥ-влаклан Иегова нерген пален налаш полшат
Суксо-влак еҥ-влаклан поро уверым Юмын служитлышыже-влак гоч каласкалат. Нуно тыгай еҥ-влакым муаш полшат, кӧ Юмо нерген пален налнеже. Почмаш 14:6, 7 лудын лекса да вашмутым пуыза:
-
Таныклашлан мыланна молан суксо-влакын полшымышт кӱлеш?
-
Суксо-влак тыланда тыгай еҥым муаш полшен кертыт, кӧ Библий нерген шукырак пален налнеже. Тиде тендан могай шижмашдам шочыкта?
5. Спиритизм деч кораҥза
Сатана ден демон-влак — Иегован тушманже-влак. Нуно мемнанат тушманна улыт. Лукан 9:38—42 лудын лекса да вашмутым пуыза:
-
Демон-влак еҥ-влак дене мом ыштен кертыт?
Демон-влаклан мыланна влиятлаш ме эрыкым ынена пу. Второзаконие 18:10—12 лудын лекса да вашмутым пуыза:
-
Кузе демон-влак мыланна влиятлаш да мемнан дене кылым кучаш тыршат? Тендан кундемыштыда могай йӱла-влакым кучат?
-
Иегова мыланна кеч-могай спиритизм деч кораҥаш кӱшта. Кузе шонеда, тыгай кӱштымаш уш-акылан мо? Молан?
ВИДЕОРОЛИКЫМ ончалза да вашмутым пуыза:
-
Кузе шонеда, Палесан ӱдыржын кидышкыже пижыктыме амулет осалым нунылан конден кертын мо? Молан?
-
Демон-влак деч аралалташлан Палесалан мом ышташ кӱлын?
Чын христиан-влак демон-влак дене нимогай кылым огыт кучо. Апост. пашашт 19:19 да 1 Коринфян-влаклан 10:21 лудын лекса да вашмутым пуыза:
-
Спиритизм дене чыла кылдалтмым молан пытараш кӱлеш?
6. Сатана ден демон- влакым сеҥыза
Демон-влакым Сатана вуйлата, а Юмылан ӱшанле суксо-влакым — архангел Михаил (Иисус Христосын эше ик лӱмжӧ). Михаил мыняр чот виян? Почмаш 12:7—9 лудын лекса да вашмутым пуыза:
-
Кӧ виянрак: Михаил ден суксыжо-влак але Сатана ден демонжо-влак?
-
Христосын тунемшыже-влаклан Сатана ден демонжо-влак деч лӱдаш кӱлеш мо?
Те Сатана ден демонжо-влакым сеҥен кертыда. Иаковын 4:7 лудын лекса да вашмутым пуыза:
-
Кузе шкенам Сатана ден демон-влак деч аралаш?
ИКТАЖ-КӦ КАЛАСЕН КЕРТЕШ: «Демонизм дене кылдалтше модыш ден фильм-влакыште нимо удаже уке. Тиде веселан жапым эртарымаш веле».
-
Молан тыге шонаш лӱдыкшӧ?
ТӰҤ ШОНЫМАШ
Юмылан ӱшанле суксо-влак мыланна полшат. Сатана ден демон-влак Иегован тушманже улыт. Нуно, спиритизмым кучылтын, еҥ-влакым ондалкалат.
Ушештарымаш
-
Кузе Иегован суксыжо-влак еҥ-влаклан тудын нерген пален налаш полшат?
-
Кӧ тыгай Сатана ден демон-влак?
-
Спиритизм деч кораҥаш кумылда уло мо? Молан?
ЕШАРТЫШЛАН
Иисус Христос архангел Михаил улеш манын, доказательстве-влакым ончен лекса.
Пален налза, молан Диавол — тиде чынжымак улшо личность.
Демон-влак деч утлен кертше ик ӱдырамашын историйжым лудын лекса.
Пален налза, кузе Сатана, спиритизмым кучылтын, еҥ-влакым ондалкала.
«Юлымаш да мужедмаш нерген чын» («Курымашлык илышыш наҥгайыше корно», 5-ше кыдеж)
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
