Heven ra Jehova ai pamalika brisa, bara witin want sa witin pamalika ba yawan kakaira takbia. Baha pamalika tilara Gâd warkka “dadaukra insalka nani” ba bâra sa bara Jehova luhpia nani sa (Job 38:7). ¿Insal nani ba dukiara Baibil dîa smalkisa? ¿Nahki witin nani upla ra yamni munisa? ¿Nahki saura munisa? ¿Insal nani sut ba Gâd pamalika tilara sa?

1. ¿Insal nani ba ya nani sa ki?

Jehova naha Tasba kau paskras kainara, insal nani ra pas paskan. Witin nani ba spirit sa bara wan nakra ni sip kaikras ba, witin nani ba heven ra iwisa (Hibru Nani 1:14). Insal milian pura milian bâra sa, bara kumi bani sât wala sa wala nani ba wal (Param Marikan 5:11). Insal nani ba Jehova “adarka kat” dauki bara “ai bîla wali” daukisa (Lawana Nani 103:20). Patitara piua ra, aima kum kum Jehova bui insal blikan upla ra diara maisa pakaia bara hilp muni swaki sakaia. Naiwa piua ra, Gâd wina lan takaia want uplika nani ra insal nani ba plikisa bara kristian nani ra tâ brisa baha uplika ra sâkbia dukiara.

2. ¿Sitan bara ai insalka saurakira nani ba ya nani sa?

Insal kum kum ba Jehova mapara kasak apia taki banhwan. Pas insalka Gâd mapara buan “nina dibil bara Sitan mâki ba, witinka mita sika tasba aiska ra kunin aisi ba” (Param Marikan 12:9). Sitan want kan upla nani sut purara karnika briaia, baha mita pas upla Gâd paskan ba ra traika kaikan Gâd mapara buan, bara ningkara insal ailal ra sim sât daukan. Baha insalka nani Gâd mapara buan ba lasa nina mâkisa. Jehova bui witin nani ra heven wina kangbi saki Tasba ra lulkan, bara sauhki tikan kabia (Param Marikan 12:9, 12 aisi kaikma).

3. ¿Sitan bara insal saurakira nani ba nahki kunin munisa?

Sitan bara lasa nani ba sukia lâka bara tnatka wala nani wal upla ailal ra kunin munisa, bara pirit saura nani wal asla daukisa. Luki kaiks, upla kum kum ba wih kaikisa astrólogos (slilma nani ra hilp pliki ba), kaina kaiki nani, yapi kaiki nani, sîka lan uplika bara sukia ra sin. Upla siknis wina rawaia plikisa sukia saika nani wal. Baku sin upla kum kum kunin muni pruan nani wal aisaia sip sa wisa. Sakuna Jehova naku wan maisa pakisa: “Pirit saura wal aisi, yapi kaiki uplika ra man nani wapara” (Libait Lâka 19:31). Naha maisa pakanka na witin wankisa Sitan bara lasa nani wina wan kan kahbaia dukiara. Witin nani ba Gâd wal waihla sa, bara witin nani ba wan sauhkaia want sa.

 KAU LAN TAKS

6. Sitan bara lasa nani mapara aiklabi pura lus

Sitan ba lasa nani kingka sa. Sakuna insal kasakkira nani ra arkinsal Maikel ba tâ brisa, witin sika Jisas. ¿Maikel karnika tara ba nahki sa? Param Marikan 12:7-9 aisi kaikma, bara naha dukiara aisi banhma:

• ¿Ya kau karnika tara brisa: Maikel ai insalka nani aikuki, apia kaka Sitan ai lasika nani aikuki?

• ¿Man lukisma Kraist nina bliki uplika nani ba Sitan bara ai lasika nani ra sîa briaia sa?

Sitan bara ai lasika nani mapara aiklabi man pura luaia sip sma. Jems 4:7 aisi kaikma, bara naha dukiara aisi banhma:

• ¿Man nahki sip sma Sitan bara lasa nani wina kainam kahbaia?

 DÎA LAN TAKRAM

Insal kasakkira nani ba hilp wan munisa. Sitan bara ai lasika nani ra Jehova bui waihla kaikisa, bara witin nani ba sukia lâka wal upla ra kunin munisa.

Wan kupia krawaia

• ¿Jehova insalka nani ba dîa daukisa upla nani Jehova wina lan takbia dukiara?

• ¿Sitan bara ai lasika nani ba ya nani sa?

• ¿Dîa muni man ba sukia lâka sâtka sut mapara buaia want sma?