TAMACHTILIS 24
¿Akonimej ángeles uan toni kichiuaj?
Jiova kineki maj tikinixmatikan ichankauan akin nemij iluikak. Sekin yejuan ángeles, uan no moixmatij kemej “ikoneuan Dios” (Job 38:7). ¿Keniuj kijtoua Biblia ke tamatij ángeles? ¿Toni kichiuaj? ¿Nochin ángeles ichankauan Dios?
1. ¿Akonimej ángeles?
Jiova kinchijchiuak ángeles achto ke kichijchiuaskia taltikpak. Ijkon kemej Jiova, yejuan espíritus uan amo ueli tikinitaj porin nemij iluikak (Hebreos 1:14). Onkakej millones ángeles uan nochin tatamamej (Apocalipsis 5:11). Yejuan ‘kichiuaj tein yejuatsin [Jiova] kijtoua uan kitakamatij itanauatiluan’ (Salmo 103:20). Ne uejkauj, Jiova kintitanik ángeles maj kitematiltikan seki taman, no para kipaleuis uan kimakixtis ixolal. Itech nejin tonalmej, ángeles kinpaleuiaj akin kichiuaj kemej Cristo maj kinajsikan akin kinekij kiixmatiskej Dios.
2. ¿Akoni Satanás uan amokuali ejekamej?
Seki ángeles amo kitakamatkejok Jiova. Akin yekinika taixnamikik yejua “in amokuali, uan no kitokaytijke Satanás, ne ten kinkajkayautinemi nochi[n]” (Apocalipsis 12:9). Satanás kinekia kinixyekanas oksekin, yejua ika kichiuak maj Adán uan Eva uan hasta okseki ángeles no taixnamikikan. Nejon ángeles taixnamikinij moixmatij kemej amokuali ejekamej. Jiova kinkixtij ompa iluikak uan kinpantamotak taltikpak, uan amo uejkaua ixpoliuiskej (xikonita Apocalipsis 12:9, 12).
3. ¿Keniuj kinekij techkajkayauaskej Satanás uan amokuali ejekamej?
Satanás uan amokuali ejekamej kinkajkayauaj miakej ika naualot, nejin tachiualismej teijtakouaj porin kichiuaj maj tajtokan iniuan amokuali ejekamej. Sekin kintemouaj astrólogos, adivinos uan naualmej. Oksekin kitemouaj mopajtiskej ika naualot. Uan oksekin kintaneltoktiaj ke uelis tajtoskej iniuan mikemej. a Sayoj ke Jiova technejmachtia: “Amo xikintemokan naualmej nion xiakan iuan adivinos” (Levítico 19:31). Jiova technejmachtia porin amo kineki maj Satanás uan iamokuali ejekauan techijtakokan, yejuan kitauelitaj Dios uan techchiuilisnekij tein amo kuali.
MAJ OKACHI TIMOMACHTIKAN
Maj tikitakan tein kuali tein kichiuaj ángeles, keyej tamouilil naualot uan keniuj Satanás uan amokuali ejekamej amo techijtakoskej.
4. Ángeles tapaleuiaj maj miakej kiixmatikan Jiova
Amo iángeles Dios akin tanojnotsaj, ta kinixyekanaj itekitikauan Dios maj kinajsikan akin kinekij kiixmatiskej. Xikitakan Apocalipsis 14:6, 7 uan ika xitajtokan nejin:
-
¿Keyej moneki maj ángeles techpaleuikan keman titanojnotsaj?
-
¿Mitsonyolpaktia tikonmatis ke ángeles uelis mitsonpaleuiskej xikonajsi akin kinekij kimatiskej tein Biblia tamachtia? ¿Keyej?
5. Amo xikontekitilti nion se taman naualot
Satanás uan amokuali ejekamej kitauelitaj Jiova, uan no techtauelitaj tejuan. Xikitakan Lucas 9:38-42 uan ika xitajtokan nejin:
-
¿Toni uelis kichiuiliskej amokuali ejekamej aksa?
Amo tiknekij tikauaskej maj amokuali ejekamej techijtakokan. Xikitakan Deuteronomio 18:10-12 uan ika xitajtokan nejin:
-
¿Keniuj kitemouaj amokuali ejekamej techchiualtiskej teisa uan touan tajtoskej? ¿Toni taman tein mouika ika naualot onkak kampa tejuatsin tionnemi?
-
¿Taixejekol maj Dios techilui maj amo tikuikan nion se taman tein mouika ika naualot? ¿Keyej?
Xikitakan VIDEO uan ika xitajtokan nejin:
-
¿Tamouilil katka tein Palesa kimailpilij ikonetsin? ¿Keyej?
-
¿Toni monekik kichiuas Palesa para amo teyi kichiuiliskej amokuali ejekamej?
Akin kichiuaj kemej Cristo nochipa kinixtopeuanij amokuali ejekamej. Xikitakan Hechos 19:19 uan 1 Corintios 10:21, uan ika xitajtokan nejin:
-
¿Keyej moneki xikonixpolo komo tikonpia teisa tein mouika ika naualot?
6. Uelis tikonixnamikis uan tikontanis Satanás uan amokuali ejekamej
Satanás kinixyekana amokuali ejekamej. Sayoj ke ángeles kinixyekana arcángel Miguel, nejin okse tokayit tein kipia Jesús, ¿chikauak Miguel? Xikitakan Apocalipsis 12:7-9 uan ika xitajtokan nejin:
-
¿Akonimej okachi chikaujkej: Satanás uan amokuali ejekamej, oso Miguel uan ángeles?
-
¿Tikonnemilia ke akin kichiuaj kemej Cristo moneki maj kinmouilikan Satanás uan amokuali ejekamej?
Tejuatsin uelis tikonixnamikis uan tikontanis Satanás uan amokuali ejekamej. Xikitakan Santiago 4:7 uan ika xitajtokan nejin:
-
¿Keniuj uelis amo mitsonijtakoskej Satanás uan amokuali ejekamej?
TEIN SEKIN KIJTOUAJ: “Amo teijtakoua komo se mauiltia oso se kiita películas tein ika tajtouaj naualot porin sayoj ika se moixpetania”.
-
¿Keyej amo kuali yetok maj ijkon se kinemili?
TEIN TIKITAKEJ
Ángeles akin amo kikauaj Dios techpaleuiaj. Satanás uan amokuali ejekamej kitauelitaj Jiova uan kitekitiltiaj naualot para tekajkayauaskej.
Maj tikelnamikikan
-
¿Toni kichiuaj iángeles Jiova para maj nochin kiixmatikan?
-
¿Akonimej Satanás uan amokuali ejekamej?
-
¿Keyej amo moneki tiktekitiltiskej nion se taman tein mouika ika naualot?
NO XIKONITA NEJIN
Xikonita keyej Jesús yejua arcángel Miguel.
Xikonita keyej uelis tikneltokaskej ke Amokuali yekmelauj nemi.
Xikonita keniuj se siuatsin momakixtij ika tein kichiuaj amokuali ejekamej.
“Halló propósito en la vida” (La Atalaya, 1 de julio de 1993)
Xikonita keniuj Satanás takajkayaua ika naualot.
a Itech tamachtilis 29 tikitaskej ke mikemej amo tanemiliaj nion kimachiliaj teisa.
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
