TLAMACHTIL 24
¿Tlen kijtoua Biblia kichiuaj ángeles?
Jehová kineki matikmatikan akinmej katej iluikak. Ompa katej ángeles uan kinmixmatij ken “ikoneuan toTajtsin Dios” (Job 38:7). ¿Tlen kijtoua Biblia kichiuaj ángeles? ¿Kox techpaleuiaj? ¿Nochtin ángeles kichiuaj tlen toTajtsin Dios kineki?
1. ¿Akinmej ángeles?
Ijkuak Jehová ayamo okichijchiuaya tlaltikpak okinchijchi ángeles. Ijkon ken toTajtsin Dios, yejuan amo ueli tikinmitaj uan katej ompa iluikak (Hebreos 1:14). Katej miakej ángeles pero nochtin kipiaj tlatlamantli inyelis (Apocalipsis 5:11). Yejuan kichiuaj tlen Jehová kijtoua uan kitlakamatij iTlajtol (Salmo 103:20). Yiuejkika Jehová okinualtitlanki iángeles para makinpaleuikan uan makinmakixtikan itekipanojkauan. Axkan ángeles kinyekanaj itekipanojkauan toTajtsin Dios para kinmajsiskej akinmej kinekij kixmatiskej.
2. ¿Akin Satanás uan amo kuali ejekamej?
Sekimej ángeles ayakmo okitlakamatkej Jehová. Akin achto amo okitlakamatki kitokayotiaj “Diablo uan Satanás. Ye kinkajkayaua nochtin tlen chantij tlaltikpak” (Apocalipsis 12:9). Satanás okinekiaya kinnauatis oksekimej ikinon okichi Adán uan Eva noijki makixnamikikan toTajtsin Dios. Noijki okichi okseki ángeles makixnamikikan Jehová. Nonmej ángeles tlen amo otetlakamatkej kinmiluiaj amo kuali ejekamej. Jehová okinkixti ompa iluikak uan okinualtlamotlak nikan tlaltikpak uan satepan kinmixpolos (xiktlajtolti Apocalipsis 12:9, 12).
3. ¿Ken tlakajkayaua Satanás uan amo kuali ejekamej?
Satanás uan amo kuali ejekamej kinkajkayauaj oksekimej ika naualotl. Akinmej ijkon kichiuaj motlapouiaj iuan amo kuali ejekamej. Sekimej kintlakeuaj tlamatkej, akinmej kijtouaj tlen panos satepan, akinmej tetlajchiuiaj uan okseki tlamantli tlen poui itech naualotl, ualeua ijkon kichiuaj porque kinekij makinpajtikan. Oksekimej kinkajkayauaj ijkuak kinmiluiaj uelis motlapouiskej iuan akinmej yoixpolikej. Pero Jehová techiluia: “Amo xikinmitatij akinmej kijtouaj motlapouiaj iuan akinmej yoixpolikej nion akinmej kichiuaj adivinación” (Levítico 19:31). Ye ijkon techiluia porque amo kineki itlaj matechchiuilikan Satanás uan amo kuali ejekamej. Yejuan kixnamikij toTajtsin Dios uan kinekij techtlajyouiltiskej.
MATIMOMACHTIKAN
Matikitakan tlen kichiuaj ángeles uan tlen techpanos tla timokajkalakiaj itech naualotl. Noijki tlen uelis tikchiuaskej para amitlaj matechchiuili Satanás uan amo kuali ejekamej.
4. Ángeles techpaleuiaj matikinmajsikan akinmej kinekij kixmatiskej Jehová
Ángeles amo tetlapouiaj pero yejuan techpaleuiaj matikinmajsikan akinmej kinekij kixmatiskej Jehová. Xiktlajtoltikan Apocalipsis 14:6, 7 uan satepan xikitakan tlen namechmachtia.
-
¿Tleka moneki matechpaleuikan ángeles ijkuak titetlapouiaj?
-
¿Ken timomachilia ijkuak tikajsikamati ángeles uelis mitspaleuiskej xikinmajsi akinmej kinekij kixmatiskej toTajtsin Dios? ¿Tleka ijkon tikijtoua?
5. Amo xikchiua itlaj tlen poui itech naualotl
Satanás uan amo kuali ejekamej kixnamikij Jehová uan tejuan noijki techkokoliaj. Xiktlajtoltikan Lucas 9:38-42 uan satepan xikitakan tlen namechmachtia.
-
¿Tlen uelis kichiuaskej amo kuali ejekamej?
Amo tiknekij tikchiuaskej itlaj tlen kichiuas matechtlajyouiltikan amo kuali ejekamej. Xiktlajtoltikan Deuteronomio 18:10-12 uan satepan xikitakan tlen namechmachtia.
-
¿Tlen kichiuaj amo kuali ejekamej para techkajkayauaskej? ¿Tlen tlamantli tlen poui itech naualotl kichiuaj ik kanin tichanti?
-
¿Tikajsikamati tleka Jehová kijtoua amo matikchiuakan itlaj tlen poui itech naualotl? ¿Tleka ijkon tikijtoua?
Xikitakan VIDEO uan satepan xikitakan tlen namechmachtia.
-
¿Tikijtoskia amo kuali tlen ika okimailpi ikonetsin Palesa? ¿Tleka ijkon tikijtoua?
-
¿Tlen okichi Palesa para amo makitlajyouiltikan amo kuali ejekamej?
Akinmej kichiuaj ken Cristo amo kichiuaj itlaj tlen poui itech naualotl. Xiktlajtoltikan Hechos 19:19 uan 1 Corintios 10:21 uan satepan xikitakan tlen namechmachtia.
-
¿Tleka amo kuali matikpiakan itlaj tlen poui itech naualotl?
6. ¿Tlen mitspaleuis xiktlanili Satanás uan amo kuali ejekamej?
Satanás kinnauatia amo kuali ejekamej pero ángeles kinyekana Miguel noso Jesús. ¿Kox chikauak Miguel? Xiktlajtoltikan Apocalipsis 12:7-9 uan satepan xikitakan tlen namechmachtia.
-
¿Akin okachi chikauak Miguel uan ángeles noso Satanás uan amo kuali ejekamej?
-
Akinmej tikchiuaj ken Cristo, ¿moneki tikmauiliskej Satanás uan amo kuali ejekamej?
¿Tlen uelis tikchiuas uan ijkon amitlaj mitschiuiliskej Satanás uan amo kuali ejekamej? Xiktlajtoltikan Santiago 4:7 uan satepan xikitakan tlen namechmachtia.
-
¿Tlen moneki tikchiuas para amo mitstlajyouiltiskej Satanás uan amo kuali ejekamej?
SEKIMEJ KIJTOUAJ: “Amitlaj techpanos maski timauiltiskej noso tikitaskej películas tlen kipiaj naualotl”.
-
¿Tleka amo kuali ijkon matimokuayejyekokan?
XIKILNAMIKTO
Iángeles Jehová techpaleuiaj. Satanás uan amo kuali ejekamej kixnamikij Jehová uan ika naualotl tlakajkayauaj.
Matikojpauikan
-
¿Ken tlapaleuiaj ángeles para miakej makixmatikan Jehová?
-
¿Tlen kichiua Satanás uan amo kuali ejekamej?
-
¿Tleka amo kuali xikchiua itlaj tlen poui itech naualotl?
NIN NOIJKI MITSPAKTIS
Xikita tleka tikijtouaj arcángel Miguel ye Jesús.
“¿Akin arcángel Miguel?” (Nin tlamachtil kajki itech jw.org/ncx)
Xikita tleka tikijtouaj Diablo melauak kajki.
“¿Melauak kajki Diablo?” (Nin tlamachtil kajki itech jw.org/ncx)
Xikita tlen okichi se siuatl para amo makitlajyouiltikan amo kuali ejekamej.
“Okimatki tlen omonekiaya kichiuas” (Akin Tetlapouijtok, 1 de julio 1993)
Xikita ken tlakajkayaua Satanás ika naualotl.
“¿Tlen kijtoua Biblia itech naualotl?” (¿Yotikajsik tlen mitspaleuis xiyolto nochipa?, tlamachtil 5)
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
