KAPITEL 24
Wee sin dai ängels un wat daue sai måke?
Jehovaa wil dat wij oiwer sijn familg im himel lëre schåle. Dës familg sin dai ängels wat neent ware as “God sijn kiner”. (Jó 38:7) Wat sägt dai Bijbel oiwer dai ängels? Wat daue sai måke? Daue al dai ängels tau Jehovaa sijn familg tauhööre?
1. Wee sin dai ängels?
Jehovaa hät dai ängels måkt airer as dai wild. Wij koine God un uk dai ängels ni saie. Sai leewe im himel. (Hebreus 1:14) Dår sin sër feel ängels un kair fon eer is oiwerain. (Apocalipse 5:11) Sai ‘måke un horge gans genau wat Jehovaa eer säge däit’. (Salmo 103:20) Ine früüsche tijd, wekmåls däir Jehovaa doir dai ängels beschaids schike, däir sij folk helpe un däir eer rere wen sai im gefärlig wäire. Hüütsendåg, dai ängels helpe dai wår kristen dai lüür fijne wat oiwer God lëre wile.
2. Wee is Satan un dai slechte ängels?
Wek ängels häwe Jehovaa ni horgt. Dai airst ängel wat God ni mër horge wul is dai wääst “wat haite däit Düüwel un Satan, wat dai gans ër forfuire däit.” (Apocalipse 12:9) Satan wul oiwer dai andrer regijre. Dårweegen hät hai Adam, Eva un andrer ängels aflenkt kreege taum gëgen God blijwe. Dës ängels sin sër slecht woore. Jehovaa hät dës ängels ruutersmeete upe Ër. Bald ware sai uutrot. (Lees Apocalipse 12:9 un 12)
3. Wosoo kan dai Düüwel un dai slechte ängels oos forfuire?
Satan un dai slechte ängels daue dai lüür belaige. Dai Düüwel däit dat måke doir dai lüür wat dai daile forsuike waite doir dai stërne, doir horóscopo, doir lüür wat forsuike waite wat passijre däit, doir dai wat hexerig måke un lüür wat besprääke daue. Feel lüür daue dës lüür suike taum sich kurijre låte doir dës daile. Dit ales is forkërd. Satan wil dat dai lüür glööwe dat sai fortele koine mit dai wat al dood sin. Åwer, Jehovaa sägt ‘wij schåle ni dës lüür suike taum hülp forlange’. (Levítico 19:31) Hai däit oos dit säge weegen hai wij oos behüüte fon dai Düüwel un dai slechte ängels. Sai sin God sijn fainde un wile oos schåre.
DAU MËR LËRE
Dau mër lëre oiwer dai gaure daile wat dai ängels måke, dai gefärlig daile wat dai Düüwel un dai slechte ängels benutse daue un wosoo koine wij oos behüüte fon dai Düüwel un dai slechte ängels.
4. Dai gaure ängels helpe dai lüür oiwer Jehovaa lëre
Dai ängels daue ni preege tau dai lüür. Lijkerst soo, sai helpe Jehovaa sijn dijners dat sai fijne koine lüür wat oiwer Jehovaa lëre wile. Lees Apocalipse 14:6 un 7 un nåheer fortel oiwer dai frågen hijr uuner:
-
Woweegen bruuke wij dai ängels sijn hülp taum preegen?
-
Is dat ni sër gaud waite dat dai ängels oos helpe daue dai lüür fijne wat oiwer dai Bijbel lëre wile? Wat mainst duu hijr oiwer?
5. Blijw wijdaf fon dai daile wat Satan benutse däit taum dai lüür forfuire
Satan un dai slechte ängels sin Jehovaa sijn fainde. Den, sin sai oos fainde uk. Lees Lucas 9:38 bet 42 un nåheer fortel oiwer dai fråg hijr uuner:
-
Wosoo koine dai slechte ängels dai lüür schåre?
Dau ni låte dat dai slechte ängels dij belaige daue. Lees Deuteronômio 18:10 bet 12 un nåheer fortel oiwer dai frågen hijr uuner:
-
Wosoo forsuike dai slechte ängels mit dai lüür fortele taum eer schåre un belaige? Dår woo’s duu wånst, wat däit dai Düüwel benutse taum dai lüür aflenke?
-
Jehovaa wil ni dat wij hülp forlange fon dai wat hexerig måke, fon dai lüür wat besprääke daue, lüür wat forsuike saie wat passijre koine un nog feel andrer daile soo as dës. Hät Jehovaa recht taum dit forbaire? Woweegen?
Kijk dai VIDEO un nåheer fortel oiwer dai frågen hijr uuner.
-
In dai video, Paula har wat rümermåkt an dai klair määke sijn hand. Wat mainst duu, wäir dat gefärlig? Woweegen?
-
Wat hät müst Paula måke taum sich behüüte fon dai slechte ängels?
Dai wår kristen daue nij ais dai slechte ängels bijståe. Lees Atos 19:19 un 1 Coríntios 10:21 un nåheer fortel oiwer dai fråg hijr uuner:
-
Woweegen muite wij irgends air dail uutrote wat besägen hät mit dai slechte ängels?
6. Låt ni dai Düüwel un dai slechte ängels dij aflenke
Dai Düüwel is dai schef fon dai slechte ängels. Åwer dai schef fon dai gaure un reäl ängels is Miguel, dai oiwerst ängel. Miguel is uk air anerd nåme wat Jësus hät. Wofeel kraft hät Miguel? Lees Apocalipse 12:7 bet 9 un nåheer fortel oiwer dai frågen hijr uuner:
-
Wee hät mër kraft? Miguel un dai gaure ängels urer dai Düüwel un dai slechte ängels? Wat mainst duu?
-
Muite dai wat Jësus någåe angst häwe fon dai Düüwel un dai slechte ängels?
Duu bruukst dij ni belaige låte fon dai Düüwel un dai slechte ängels. Lees Tiago 4:7 un nåheer fortel oiwer dai fråg hijr uuner:
-
Wosoo kast duu dij behüüte fon dai Düüwel un dai slechte ängels?
WEK DAUE SOO SÄGE: “Videogames speele un films kijke wat besägen häwe mit hexerig, dat kan oos ni schåre. Is bloos taum tijdfordrijwen.”
-
Woweegen soo denke kan gefärlig sin?
WAT HÄWE WIJ HIJR LËRT?
Dai gaure un reäl ängels daue oos helpe. Dai Düüwel un dai slechte ängels sin Jehovaa sin fainde un sai daue feel daile benutse taum dai lüür belaige.
Denk dij ais nå
-
Wosoo daue dai gaure ängels dai lüür helpe oiwer Jehovaa lëre?
-
Wee is dai Düüwel un dai slechte ängels?
-
Woweegen wilst duu wijdaf blijwe fon dai daile wat dai Düüwel benutse däit taum oos aflenke?
TAUM MËR WAITE
Sai woweegen ais wij waite daue dat Jësus Miguel is.
“Wee is dai oiwerst ängel Miguel?” (Stäit in jw.org taum leesen)
Dau wek daile saie wat wijse daue dat dai Düüwel wirklig geewe däit un dat hai ni bloos wat slecht im härts is.
Sai wosoo ain fruug sich ni mër lenke löt doir dai slechte ängels.
“Sai hät forståe woo is dat best weeg taum leewe” (Wat Bekandmökt, 1 juli 1993)
Dau lëre wat fon daile däit dai Düüwel benutse taum dai lüür aflenke fon God.
“Dai wårhët oiwer hexerig” (Dai weeg taum ëwig leewend krijge, stük 5)
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen.Duu kast dijn gans familg urer dijn fründe nööge taum dai Bijbel lëre t’hoop mit dij.
