SETŠHUTO 24

Anthe Gabutšibutši Mangeloyi ke Batho Kela King?

KGANA

Jehova o nyaka re tšhute ka mutši wage wa ku legedimong. Ga mutši wone go na le mangeloyi ya gore ba re ke “barwayi ba Modimo.” (Jobo 38:7) Bhayibele yi re king ka mangeloyi? Ma berekisana byang le batho? Ayitsano mangeloyi ka mokana ga wona ke bana ba Modimo?

1. Anthe mangeloyi ke bomang?

Jehova o makiye mangeloyi mo a soko bane a maka lefase. Akere Jehova aa bonale, mangeloyi le wona a ma bonale fote ma dula ku legedimong. (Maheberu 1:14) Go na le dimiliyoni tsa mangeloyi fote ka mokana ga wona a ma tshwane. (Kutullo 5:11) Ma “maka so lentsu [la Jehova] le se hlayang, ka go theetsela lentsu lage.” (Pisalema 103:20) Ka dinako tsa ku botala, Jehova ne a fela a roma mangeloyi yage gore ma romele melayetsa ga batho bage, ma ba gelepe ma boye ma ba phonise. Lekgono mangeloyi ma yetetsa Makreste gore ma ye ga batho bo ba nyakang go tšhuta ka Modimo.

2. Sathane le madimona yage ke bomang?

Mangeloyi ya mangwana a sanka ma dula ma tshepega ga Jehova. Lengeloyi la mathomo la gore le yye la jikela Modimo ba re ‘ke Diyabolo le Sathane, la gore le fokola lefase ka mokana ga lona.’ (Kutullo 12:9) Sathane ke mo a nyaka gore go be yene ye a lawolang ba bangwana, byalo o yye a kutšetsela batho ba mathomo ba ho lefaseng gore ba jikele Modimo fote ka nthago a kutšetsela le mangeloyi ya mangwana gore ma sa sa theetsela Jehova. Mangeloyi yane ya go fokoga ba re ke madimona. Jehova o yye a ma raka ku legedimong a ma lahlela ho lefaseng fote o nyoko fetsa ka wona.—Bala Kutullo 12:9, 12.

3. Sathane le madimona yage ba liketsa go re fokola ka mokgo mang?

Sathane le madimona yage ba tshokanya batho gore ba make dilo tsa go sipidisana le madimona, ba maka tsotsone ka go liketsa go re tšhutisa go bolabola le batho bo ba kgwileng kela go phasa badimo. Mo re beyisa, batho ba bangwana ba maka tsa gore mo o belegiwwe ka kgwedi ya gore-gore o nyoko makegela ke sa gore, kela ba liketsa go tšiba tsa ka motshwana, ba boya ba maka tsa masalamose le go berekisana le dingaka tsa sesotho. Ba bangwana ba nyaka go yalafiwa ba berekisa dihlare tsa go sipidisana le madimona. Fote ba ba tshokannye gore ba tshepe taba ya gore ba ka di kgona go bolabola le bo ba kgwileng. Mara Jehova o re pasopisa ka gore: “Le sa yi ga bo ba bolabodisanang le bo ba kgwileng, fote le sa butsisi bo ba bolabolelang dilo tso di nyoko makegang ku mahlong.” (Lefitiko 19:31) O re pasopisa ka taba la gore o nyaka go re tšhireletsa ga Sathane le madimona yage. Ke manaba ya Modimo fote ma nyaka go re kwaletsa.

KENELELA

Tšhuta ka dilo tsa gabutši tso mangeloyi ma di makang, kotsi ya go maka dilo tsa go sipidisana le madimona le gore re ka titšhireletsa byang ga Sathane le madimona yage.

4. Mangeloyi ma gelepa batho gore ba thogo tšhuta ka Jehova

Mangeloyi ya Modimo a yi wona beng ya ma tšhomayelelang batho. Mara ma yetetsa malata ya Modimo gore ma ye ga batho bo ba nyakang go tšhuta ka yene. Bala Kutullo 14:6, 7, ke mokane le petapete ka diputsiso tsowa:

Ke ntaba re nyaka gore mangeloyi ma re gelepe mo re tšhomayela?
Taba ya gore mangeloyi ma ka di kgona go go yetetsa gore o ye ga batho bo ba nyakang go kwa ka Bhayibele, ayitsano ya go tiyisa? Ke ntaba o reyane?

5. O sa kwane natso tsa go berekisana le madimona

Sathane le madimona yage ke manaba ya Jehova. Le rune ke manaba ya rune. Bala Luka 9:38-42, ke mokane le petapete ka putsiso yowa:

Madimona ma tshwara batho byang?

A di nyake re yikela madimona gore ma re kutšetsele. Bala Dotoronoma 18:10-12, ke mokane le petapete ka diputsiso tsowa:

Madimona ma berekisa mekgwa yifeng gore ma liketse go re kutšetsela le go bolabodisana le rune? Batho ba mo o dulang ba tlwayele go maka mekgwa yifeng ya gore yi kutšetsela ke madimona?
Ayitsano o bona nkare Jehova o ya ka matla mo a rakela gore re berekisane le madimona? Ke ntaba o reyane?

Kgana VIDIYO, ke mokane le petapete ka diputsiso tsa go latela.

VIDIYO: “Mo Phigise ga Diyabolo” (5:02)

Ayitsano o bona nkare motlemo wo ba wo tlemmeng morwediya wa Palesa wo kotsi? Ke ntaba o reyane?
Di nyaka Palesa a make ying gore a sa tikraye a wokiye madimona?

Ke botala Makreste ya mannete ma kene ma phigisana le madimona. Bala Mebereko 19:19 le 1 Makorente 10:21, ke mokane le petapete ka putsiso yowa:

Ke ntaba di nyaka re lahle kela go tšhuba dilo ka mokana ga tsona tsa go yelana le madimona?

6. Tšhinghela Sathane le madimona yage o šinye o hlule

Madimona ma lawola ke Sathane. Mara mangeloyi ya gore maa tshepega ma yetetsa ke lengeloyi le legolo lo ba reng ke Mayikhele, lone ke lebitso le lengwana la Jeso. Mayikhele o na le matšhika ya go segela kaye? Bala Kutullo 12:7-9, ke mokane le petapete ka diputsiso tsowa:

Ke mang wa gore o na le matšhika ka matla? Ayitsano ke Mayikhele le mangeloyi yage kela ke Sathane le madimona yage?
Ayitsano o bona nkare malata ya Jeso ma tshwanele ma hlagasele mo Sathane le madimona yage ba ma teyela diparapara?

O ka hlula Sathane le madimona yage. Bala Jakobo 4:7, ke mokane le petapete ka putsiso yowa:

O ka maka byang gore Sathane le madimona yage ba sa šutele thina gago?

BATHO BA BANGWANA BA RE: “A go na bothatha go kgana mekgano kela go bhukhela dimuvi tsa gore di šupetsa dilo tsa madimona. Go fo ba go fokatsa nje.”

Ke ntaba go tseya dilo ka mokgonone go le go kgana ka mollo?

MONOPO

Mangeloyi ya gore maa tshepega maa re gelepa. Sathane le madimona yage ke manaba ya Jehova, fote ba berekisa mekgwa ya bona ya madimona gore ba fokole batho.

Tigopotse

Mangeloyi ya Jehova ma gelepa batho byang gore ba thogo tšhuta ka yene?
Sathane le madimona yage ke bomang?
Ke ntaba di nyaka re kganele kgole le dilo tsa go sipidisana le madimona?

Setšhuto sowa o fetsiye go se bala ka dikaye:

Maka Tsowa ša

Ga dilo tso o nang natso, lebelela gore ayitsano a go na tsa gore di yelana le tsa madimona, ke mokane o rapele Jehova gore a go thuše o bone gore o make ying ka tsona.

Tse Dingwana:

Your other goal