LES 24
Ken e Angelnan Ta y Kico Nan Ta Haci?
Jehova kier pa nos siña tocante su famia den cielo. E angelnan ta forma parti di e famia ey y nan ta ser yama “e yiu hombernan di Dios.” (Job 38:7) Kico Bijbel ta bisa tocante angel? Ki influencia nan tin riba hende? Acaso tur angel ta forma parti di Dios su famia?
1. Ken e angelnan ta?
Jehova a crea angel prome cu el a traha Tera. Mescos cu ne, nan ta invisibel y nan ta biba den cielo. (Hebreonan 1:14) Tin miyones di angel, y cada un tin su mes personalidad. (Revelacion 5:11) Nan ta obedece Jehova. (Salmo 103:20) Den tempo biblico, Jehova a yega di uza angel pa hiba su mensahe. El a uza angel tambe pa yuda y salba su pueblo. Awe, angel ta guia e sirbidornan di Dios na hende cu kier siña tocante Dios.
2. Ken Satanas y su demoñonan ta?
Algun angel no a keda fiel na Jehova. E prome angel cu a rebeldia “yama Diabel y Satanas”, y e “ta gaña henter e Tera habita.” (Revelacion 12:9) Satanas kier a goberna, y pesey el a influencia Adam cu Eva y despues hasta otro angelnan pa desobedece Jehova. E angelnan rebelde ey ta ser yama demoño. Jehova a saca nan for di cielo y a benta nan riba Tera. Pronto nan lo ser destrui.—Lesa Revelacion 12:9, 12.
3. Con Satanas y e demoñonan ta purba di gaña hende?
Awe, Satanas y e demoñonan ta gaña hopi hende pa medio di spiritismo. Hende cu ta practica spiritismo ta purba di comunica cu spirito. Por ehempel, algun hende ta consulta cu astrologo, mirado di destino, medio spiritista y curandero. Otro hende ta lesa horoscop of ta busca tratamento medico cu tin di haber cu spiritismo. Ademas, algun hende cu a ser engaña ta hasta kere cu nan por papia cu hende morto. a Pero Jehova ta spierta nos: “No sigui tras di montado [mirado di destino] ni spiritista; no consulta cu nan.” (Levitico 19:31) Jehova a duna nos e spiertamento aki pa proteha nos contra Satanas y e demoñonan. Nan ta enemigo di Dios, y nan kier haci nos daño.
KICO MAS NOS POR SIÑA?
Ban wak e cosnan bon cu angel ta haci. Ademas, wak dicon spiritismo ta peligroso y con nos por proteha nos mes contra Satanas y e demoñonan.
4. E angelnan ta yuda hende conoce Jehova
Dios su angelnan no ta papia directamente cu hende. Pero, nan ta guia e sirbidornan di Dios na hende cu kier siña conoce Dios. Lesa Revelacion 14:6, 7. Despues, analisa e siguiente preguntanan:
-
Dicon nos mester di yudansa di e angelnan pa predica?
-
E echo cu e angelnan por guia bo cerca hende cu kier scucha mas tocante Bijbel ta anima bo? Dicon bo ta bisa esey?
5. Rechasa spiritismo
Satanas y e demoñonan ta enemigo di Jehova. Nan ta nos enemigonan tambe. Lesa Lucas 9:38-42. Despues, analisa e siguiente pregunta:
-
Con e demoñonan ta trata hende?
Nos no kier laga e demoñonan influencia nos. Lesa Deuteronomio 18:10-12. Despues, analisa e siguiente preguntanan:
-
Con e demoñonan ta purba di influencia nos y comunica cu nos? Ki practica di spiritismo ta comun caminda bo ta biba?
-
Bo ta haya ta bon cu Jehova ta prohibi tur loke tin di haber cu spiritismo? Dicon bo ta bisa esey?
Pasa e VIDEO Despues, analisa e siguiente preguntanan:
-
Bo ta kere cu e amuleto di Palesa su yiu muher tabata peligroso? Dicon bo ta kere esey?
-
Kico Palesa mester a haci pa proteha su mes contra e demoñonan??
Cristian berdadero semper a opone e demoñonan. Lesa Echonan 19:19 y 1 Corintionan 10:21. Despues, analisa e siguiente pregunta:
-
Dicon ta importante pa destrui tur loke bo tin cu ta conecta cu spiritismo?
6. Gana e bataya contra Satanas y su demoñonan
Satanas ta dirigi e demoñonan. Pero e angelnan fiel ta ser guia pa Arcangel Miguel, un otro nomber pa Hesus. Con poderoso Miguel ta? Lesa Revelacion 12:7-9. Despues, analisa e siguiente preguntanan:
-
Ken ta mas poderoso, Miguel y su angelnan of Satanas y su demoñonan?
-
Bo ta kere cu Hesus su siguidornan mester tin miedo di Satanas y su demoñonan?
Bo por gana e bataya contra Satanas y su demoñonan. Lesa Santiago 4:7. Despues, analisa e siguiente pregunta:
-
Con bo por proteha bo mes contra Satanas y su demoñonan?
LOKE HENDE SA BISA: “No tin nada malo pa hunga wega of wak pelicula cu tin di haber cu spiritismo. Ta djis pa diberti.”
-
Dicon e manera di pensa ey ta peligroso?
RESUMEN
E angelnan fiel ta yuda nos. Satanas y su demoñonan ta enemigo di Jehova, y nan ta uza spiritismo pa gaña hende.
Repaso
-
Con e angelnan ta yuda hende conoce Jehova?
-
Ken Satanas y su demoñonan ta?
-
Dicon bo tin cu keda leu for di spiritismo?
MAS INFORMACION INTERESANTE
Wak mas evidencia cu ta mustra cu Hesus ta Arcangel Miguel.
Wak algun prueba cu ta mustra cu Diabel ta un persona real.
Wak con un señora a libra su mes di influencia di demoño.
“El A Haya Proposito den Bida” (E Toren di Vigilansia di 1 di juli 1993)
Wak con Satanas ta uza spiritismo pa gaña hende.
“E Berdad Tocante Magia y Bruheria” (¿Ha encontrado usted el camino a la vida eterna? parti 5)
You May Also Like
PREGUNTA CU HOPI HENDE SA HACI
Con un Curso di Bijbel cu Testigonan di Jehova Ta Bay?
Pa sigui un curso di Bijbel interactivo gratis cu testigonan di Jehova, bo por uza cualkier traduccion di Bijbel cu bo ta prefera. Sinti bo liber pa invita henter bo famia of amigonan pa join bo.
