Jehová ixunba iga tañixpɨktaʼmiñ jeʼm ifamilia itywɨʼɨp sɨn̈yukmɨ. Jeʼm sɨn̈pɨxiñtyam tɨgɨykuʼmyajpa kun yɨʼp familia, y jeʼeyaj ixpɨkyajtaptyim juʼuts «Dios imanɨktam» (Job 38:7). ¿Iapaʼapyaj jeʼm sɨn̈pɨxiñtyam? ¿Juutypɨk tɨgɨykuʼmyajpa kun taɨchtyam? ¿Ityumpɨy jeʼm sɨn̈pɨxiñtyam tsɨʼyñeyaj juʼuts Dios imanɨktam?

1. ¿Iapaʼapyaj jeʼm sɨn̈pɨxiñtyam?

Wiñtyi iga iwadyiñ jeʼm nas, Jehová iwat jeʼm sɨn̈pɨxiñtyam. Juʼutstyim Jehová, jeʼeyaj ityyaj sɨn̈yukmɨ y dyaʼ wɨap tanaʼmyaj (Hebreos 1:14). Tsaam jaʼyan̈ sɨn̈pɨxiñtyam ityyaj y ityumpɨyyaj kukakneyaj (Apocalipsis 5:11). Jeʼeyaj «iwatyajpa jempɨk [Jehová] nɨmpa y ikupɨkyajpa jeʼm in̈kiʼmayoʼoyiyaj» (Salmo 103:20). Wiñɨk, Jehová ikutsat weeñi sɨn̈pɨxiñtyam iga in̈matyajiñ jeʼm ijɨɨxi, iyooxpaʼtyajiñ jeʼm iyooxakɨʼɨwiñyaj y ikɨakputyajiñ. Yɨʼp jaama, jeʼm sɨn̈pɨxiñtyam yooxpadoyyajpatyim iga tun̈gakyaj iixpɨkyajiñ Dios.

2. ¿Iapaʼapyaj jeʼm Wookkɨʼɨwiñ y jeʼm idemoniojyaj?

Weeñi sɨn̈pɨxiñtyam dyam ikupɨkyaj Jehová. Jeʼm wiñtyipɨk sɨn̈pɨxiñ jempɨk dyaʼ kupɨgoy «iñɨ̱yit́im Woccɨɨwiñ y Satanás. Imɨgóyáypa it́u̱mpɨy jém pɨxiñt́am icuwɨ̱t́i yɨ́p naxyucmɨ» (Apocalipsis 12:9). Jeʼm Wookkɨʼɨwiñ in̈jaktoʼoba idyɨk tun̈gakyaj, jeʼyukmɨ imɨgoyay jempɨk moj ityiyaj yɨʼp naxyukmɨ. Y okmɨ imɨgoyaʼytyim tun̈gak sɨn̈pɨxiñtyam. Peʼmyaj sɨn̈pɨxiñtyam sɨɨ tañixpɨktaʼmpa juʼuts demoniojyaj. Jeʼyukmɨ Jehová ikebakput jeʼm Wookkɨʼɨwiñ kun jeʼm demoniojyaj, akketyajta naxyukmɨ y dyam jaʼyñeʼ aktogoyyajtaap (maayɨʼ Apocalipsis 12:9, 12).

3. ¿Juutypɨk tamɨgoyayyajtoʼoba jeʼm Wookkɨʼɨwiñ y jeʼm idemoniojyaj?

Jeʼm Wookkɨʼɨwiñ y jeʼm idemoniojyaj ipɨkneyaj jeʼm nawadaaji iga imɨgoyayyajpa tun̈gakyaj. Jaʼyan̈yaj nɨkpa iaʼmyaj jeʼm naawatyaj iga imalwatyajpa. Tun̈gakyaj nɨkpa natsoʼoyɨyyajtaaji kun jeʼm naawatyaj y weeñiyaj akkupɨkyajtaap iga wɨap inimuruyaj jeʼm kaʼaneyajwɨʼɨp. Pero Jehová tan̈kiʼmpa: «Odoy nɨgɨ aʼmtaʼamɨ jeʼm naawatyaj» (Levítico 19:31). Jeʼ tachiʼiba yɨʼp an̈kiʼimi iga takupujtamtoʼoba, iga jeʼm Wookkɨʼɨwiñ y jeʼm idemoniojyaj odoy tamalwadayyajiñ.

 MAAJ TAN̈WƗKUYUJKAIÑ

6. Kooñwɨʼɨyɨ jeʼm kutɨʼɨchiyaj ikkaʼmyajpaʼap jeʼm Wookkɨʼɨwiñ y jeʼm idemoniojyaj

Jeʼm Wookkɨʼɨwiñ in̈jakpa jeʼm demoniojyaj. Pero jeʼm arcángel Miguel, tun̈gak nɨɨyi akkaʼmaytyapaʼap Jesús, in̈jakpa jeʼm sɨn̈pɨxiñtyam ikupɨkyajpaʼap Jehová. ¿Juʼtspɨy pɨɨmiɨy Miguel? Maytyaʼamɨ Apocalipsis 12:7-9 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Ityam jempɨk maaj pɨɨmiɨyyaj: Miguel y jeʼm sɨn̈pɨxiñtyam, o jeʼm Wookkɨʼɨwiñ y jeʼm idemoniojyaj?

• ¿Wɨɨ iga jeʼm Jesús ikuyujkɨʼɨwiñyaj ikɨɨn̈yajiñ jeʼm Wookkɨʼɨwiñ y jeʼm idemoniojyaj?

Wɨap in̈kooñwɨy jeʼm kutɨʼɨchiyaj mikkaʼmayyajpaʼap jeʼm Wookkɨʼɨwiñ y jeʼm idemoniojyaj. Maytyaʼamɨ Santiago 4:7 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyi wɨap in̈wat iga odoy mimalwadayyajiñ jeʼm Wookkɨʼɨwiñ y jeʼm idemoniojyaj?

 JEMPƗK TAN̈KUYUJKAʼ

Jeʼm sɨn̈pɨxiñtyam tayooxpaʼtyajpa. Jeʼm Wookkɨʼɨwiñ y jeʼm idemoniojyaj tsɨʼyñeyaj juʼuts Jehová ienemigojyaj, jeʼeyaj ipɨkyajpa jeʼm nawadaaji iga wɨaiñ imɨgoyayyaj jeʼm ityyajwɨʼɨp yɨʼɨm naxyukmɨ.

¿Iñjɨɨspanam?

• ¿Juutpɨk yooxpadoyyajpa jeʼm sɨn̈pɨxiñtyam iga ixpɨktaiñ Jehová?

• ¿Iapaʼapyaj jeʼm Wookkɨʼɨwiñ y jeʼm idemoniojyaj?

• ¿Tyiʼiga dyaʼ wɨɨ iga in̈kupɨguiñ ni uxan̈ jempɨk tɨgɨykuʼmpa kun jeʼm nawadaaji?