LECCIÓN 24
¿Imara Biblia yachachin angelgunamanda?
Jehová munanmi ñucanchi, paihua aillu ahua pachai tiajta ricsinuchu. Cai aillu ucui angelguna tianun “Diospa churiuna” cuinta ricsishca anun (Job 38:7). ¿Imara Biblia yachachin angelgunamanda? Angelguna ¿imara ruranun? ¿Tucui angelguna Diospa aillu anunzhu?
1. Angelgunaga ¿piguna anun?
Jehová Dios allpara manara rurashcallaira angelgunara rurarca. Pai cuinta ahua pachai causaj, mana ricurij espirituguna anun (Hebreos 1:14). Ashca huaranga huaranga angelguna tian, caran ángel shuj tunu an (Apocalipsis 5:11). Paiguna ‘[Jehová] rimashcara pactachinun pai mandashcaunaras casunun’ (Salmo 103:20). Ñaupa huataunai Jehová angelgunara utilizaca paihua rimashcara pasachingahua, paihua llactara yanapangahua, quishpichingahuas. Cuna punzhaunai angelguna Jesusta catijcunara yanapanun Diosta ricsina munajcunara tupangaj.
2. ¿Piguna anun Satanás shinallara paihua supaigunas?
Huaquin angelguna Jehová Diosta casunara saquinuca. Ñaupa punda cuntra tucuj ángel an “supai apu, paihua shuti Satanás, intiru mundura umachij” (Apocalipsis 12:9). Satanás shujcunara mandana munaca chiraigu punda runaunara umachica Jehovahua cuntra tucungaj. Huasha shuj angelgunaras umachica pai cuinta Dioshua cuntra tucungaj. Chi mana casuj angelguna supaiguna anun. Jehová paigunara ahua pachamanda cai allpama shitaca, huasha tucuchishca anunga (leai Apocalipsis 12:9, 12).
3. ¿Imasnara Satanás paihua supaigunandi ñucanchira umachina munanun?
Satanás paihua supaigunandi sagranaunahua ashca runaunara umachinun, cai mana valij sagranaunara rurana supaigunahua cuintachin. Huaquin runauna horóscopo nishcara leanun randi shujcuna estrellagunara ricusha adivinajcunama, yachaj runama, curanderogunama, shamangunamas rimangaj rinun. Maican ungushcauna yachaj runa ambira, tratamientoras cuchu mascanun. Huaquinguna runaunara quirichinun huañushcaunahua cuintanuna ushanun nisha. Shinajpi Jehová casna camachin: “Ama ringuichichu yachaj runaunama, adivinaj runaunara ama tapunguichichu” (Levítico 19:31). Satanás paihua supaigunandi Dioshua cuntrajcuna anun, ñucanchira llaquichina munanun chiraigu Jehová paigunamanda cuirana munan.
MAS YACHAI
Yachashun angelguna ali rurashcaunamanda shinallara imasna sagranauna huajlichinamandas. Ricushun imasna Satanasmanda paihua supaigunamandas cuirarina ushanchi.
4. Angelguna Jehovara ricsingaj runaunara yanapanun
Diospa angelguna runaunahua mana rimanun Diosmanda yachachingaj. Chi randi Diosta sirvijcunara yanapanun Diosta ricsina munajcunara tupangaj. Leaichi Apocalipsis 14:6, 7, huasha catij tapuigunamanda rimaichi:
-
¿Imarasha ministinchi angelguna Bibliamanda yachachinai yanapanuchu?
-
¿Bibliamanda yachangaj munajcunara tupangaj angelguna yanapashcara yachasha canda cushiyachinzhu? ¿Imarasha?
5. Sagranaunara ruranamanda anzhuri
Satanás paihua supaigunandi Jehovahua, ñucanchihuas cuntrajcuna anun. Leaichi Lucas 9:38-42, huasha catij tapuimanda rimaichi:
-
¿Imasnara supaiguna runaunara llaquichin?
Mana munanchi supaiguna ñucanchi causaibi imas ruranuchu. Leaichi Deuteronomio 18:10-12, huasha catij tapuigunamanda rimaichi:
-
¿Imasnara supaiguna ñucanchira mandana, ñucanchihua cuintanunas munanun? ¿Ima tunu brujería rurashcauna tian can causashca lugarbi?
-
¿Alichu an Yaya Dios mandashca tucui sagranaunara ama rurachu nishca? ¿Imarasha?
VIDEORA ricuichi, huasha catij tapuigunamanda rimaichi:
-
¿Iyanguichu Vanesa huahua maquii charishca amuleto llaquichina ushashcara? ¿Imarasha?
-
¿Imara rurana aca Vanesa supaigunamanda cuiraringahua?
Jesusta sirtu catijcuna tucui huras supaigunahua cuntra ashcami. Leaichi Hechos 19:19; 1 Corintios 10:21, huasha catij tapuimanda rimaichi:
-
¿Imarasha sagrana rurangaj charishcaunara rupachina anchi?
6. Satanasta paihua supaigunaras vinsi
Satanás supaigunara mandanmi. Shinajpis ali casuj angelgunara arcángel Miguel mandanmi, caimi Jesuspa shuj shuti an. ¿Masna ushaira Miguel charin? Leaichi Apocalipsis 12:7-9, huasha catij tapuigunamanda rimaichi:
-
¿Piguna mas ushayuj anun: Miguel paihua angelgunandi o Satanás paihua supaigunandi?
-
Jesusta catijcuna Satanasta supaigunaras ¿manzhanachu anchi?
Satanasta paihua supaigunaras can vinsina ushanguimi. Leaichi Santiago 4:7, huasha catij tapuimanda rimaichi:
-
¿Imasnara Satanasmanda paihua supaigunamandas cuirarina ushangui?
RUNAUNA CASNA NINUJPI: “Magia charij pujllanauna, peliculagunas mana imaschu. Gustangahualla alimi”.
-
¿Imarasha mana valin shina iyangahua?
IMARA YACHASHCANGUI
Ali casuj angelguna ñucanchira yanapanunmi. Satanás paihua supaigunandi Jehovahua cuntrajcuna anun shinallara sagranaunahua runaunara umachinun.
Iyaringaj
-
Ali casuj angelguna ¿imara ruranun runauna Jehová Diosta ricsinuchu?
-
¿Piguna anun Satanás paihua supaigunandi?
-
¿Imarasha mana valin can ima tunu sagranaunara rurana?
RICUNGUI
Ricui imarasha Jesús arcángel Miguel ashcara.
Leai imarasha yachanchi Supai Satanás sirtu tiashcara.
Ricui imasna shu huarmi supaigunamanda llushpirica.
Ricui imasna Satanás runaunara umachin sagranaunahua.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
