24 УРОКИ
Со сикавел и Библия е ангеленге?
О Йехова мангел те пенжарас лескере семействос, ковато си ко небес. Лескере семействосте иси ангеля. Ленге пхенел пес, кай си „е Девлескере чшаве“. (Йов 38:7) Со пхенел и Библия е ангеленге? Со керен он? Дали саворе ангеля си част таре Девлескоро семейство?
1. Саве си о ангеля?
О Йехова кергяс е ангелен англал те керел и пхув. Он-да, сар лесте, живинен ко небес тай нащи те дикхас лен. (Евреи 1:14) Иси бут ангеля тай секо йекх лендар си различно. (Откровение 5:11) Он шунен е Йеховас тай керен со пхенел ов. (Псалм 103:20) Андо пуране диеса о Йехова подекхана бичшалелас ангелен те пхенен десаве букя е манушенге, те помагинен лескере народоске тай те спасинен лен. Авдиес о ангеля помагинен е християниенге те аракхен манушен, колато манген те сикльон е Девлеске.
2. Кова си о Бенг тай кола си о демоня?
Десаве ангеля на ачшиле верна е Йеховаске. О първо, ковато ухтинило мамуй лесте, демек сикавгяс, кай на мангел те шунел лес, си о „Бенг тай Сатана, ковато хохавел саворе манушен ки пхув“. (Откровение 12:9) О Бенг мангляс те управлинел е манушен, аке соске традингяс е Адамиес тай е Ева тай даже авере-да ангелен те на манген те шунен е Йеховас. О ангеля, колато ухтиниле мамуй о Дел тай заачшиле (застанали) ке Бенгескери риг, си о демоня. О Йехова чшивгяс лен таро небес ки пхув тай сиго ка унищожинел лен. (Четине Откровение 12:9, 12.)
3. Сар о Бенг тай о демоня дикхен те хохавен амен?
О Бенг тай о демоня хохавен е манушен, като използвинен демонизъм, демек като керен бенгикане букя, за те траден е манушен те манген те хоратинен ленца. Например десаве мануша роден помощ таро магяря или калкендар, колато баинен или пхенен о зодиес. Авер лекувинен пес букиенца, колато авен таро демоня или дикхен те ахальовен со означинен ленгере суне. О Бенг тай о демоня хохавен, кай о мануша ащи те хоратинен е муленца. Ама о Йехова пхенел аменге: „Ма роден помощ, калкендар, колато викинен духовиен, тай ма роден съвети калкендар, коленгери бути си те дикхен о бъдеще.“ (Левит 19:31) Ов пхенел аменге калка букя, за те пазинел амен таро Бенг тай таро демоня. Он си лескере душманя тай манген те керен аменге кханилипе.
РОДЕ ПО-ХОРЕСТЕ
Ахальов саве шукар букя керен о ангеля, соске си опасна о букя, колато авен таро демоня, тай сар те пазинас амен таро Бенг тай таро демоня.
4. О ангеля помагинен е манушенге те пенжарен е Йеховас
Е Девлескере ангеля на проповединен директно е манушенге. Он помагинен е Девлескере служителенге те аракхен е манушен, колато манген те жанен по-бут леске. Четинен Откровение 14:6, 7 тай хоратинен калке въпросиенге:
-
Соске требел аменге помощ таро ангеля, за те проповединас?
-
Сар чувствинес тут, като жанес, кай о ангеля ащи те помагинен туке те аракхес манушен, колато роден и истина? Соске?
5. Наш таро демоня
О Бенг тай о демоня си е Йеховаскере душманя. Он си амаре-да душманя. Четинен Лука 9:38-42 тай хоратинен калке въпросиеске:
-
Со керен о демоня е манушенге?
На мангас те мукас е демониен амаре животосте. Четинен Второзаконие 18:10-12 тай хоратинен калке въпросиенге:
-
Саве букя използвинен о демоня, за те керен аменге кханилипе тай те хоратинен аменца? Саве магярска букя керен о мануша отхе, кате бешес ту?
-
Мислинес ли, кай си амаре лачшипнаске, кай о Йехова на мангел те керас букя, колато авен таро демоня? Соске?
Дикхен о КЛИПИ тай хоратинен калке въпросиенге:
-
Мислинес ли, кай кавка со тховде е чшаяке ко вас, сине опасно? Соске?
-
Со требелас те керел и Палеса, за те защитинел пес таро демоня?
О истинска християня винаги заачшонас мамуй о демоня. Четинен Деяния 19:19 тай 1 Коринтяни 10:21 тай хоратинен калке въпросиеске:
-
Ако иси тут десаве магярска букя, соске си важно те унищожинес лен?
6. Ащи те побединес е Бенгес тай е демониен
О демоня си водиме таро Бенг. Ама о верна ангеля си водиме таро архангел Михаил. Михаил си авер алав е Исусескоро. Кизом си зорало о Михаил? Четинен Откровение 12:7-9 тай хоратинен калке въпросиенге:
-
Кой си по-зорало? О Михаил тай лескере ангеля или о Бенг тай лескере демоня?
-
Мислинес ли, кай о мануша, колато шунен е Исусес, требе те даран таро Бенг тай таро демоня?
Ащи те побединес е Бенгес тай е демониен. Четинен Яков 4:7 тай хоратинен калке въпросиеске:
-
Сар ащи те пазинес тут таро Бенг тай таро демоня?
ДЕСАВЕ МАНУША ПХЕНЕН: „Нанай зомкха опасно те кхелес игрес или те дикхес филмя магиенца. Он даже си бут интересна.“
-
Соске си опасно те мислинас, кай нанай нищо кханило калке букиенде?
СО СИКЛИЛЯМ
О верна ангеля помагинен аменге. О Бенг тай о демоня си е Йеховаскере душманя тай керен бенгикане букя, за те хохавен е манушен.
О най-важна букя таро уроки
-
Сар е Йеховаскере ангеля помагинен е манушенге те пенжарен лес?
-
Кова си о Бенг тай кола си о демоня?
-
Соске мангес те нашес таро демоня?
АХАЛЬОВ ПО-БУТ
Ахальов саве букя сикавен, кай о Исусес си о архангел Михаил.
Дикх катар ахальовас, кай о Бенг нанай о кханилипе андо мануша, а си кханило духос.
Дикх сар йекх жувли освободисайли таро демоня.
Тя намери цел в живота („Стражева кула“ 1 май 1994)
Четине сар о Бенг използвинел бенгикане букя, за те хохавел е манушен.
Истината за магиите и вещиците („Пътят към вечния живот“, 5 част)