Ο Ιεχωβά μανγκέλα τι σικλιάς λέσκε φαμιλιάκε σο ισί κο ουρανός. Αντρέ ανταλέ φαμιλιάτε υπαρχίντιβενα άγγελοι, σο βακέρντιβενα «τσσαβέ ι Ντεβλέσκε». (Ιώβ 38:7) Σο βακερέλα η Αγία Γραφή ι αγγελόνγκε; Σαρ επηρεάνενα ι τζενέν; Ντα ισί σαρέ ο άγγελοι αντρέ κι φαμιλί κι Ντεβλέσκι;

1. Σο ισί ο άγγελοι;

Ο Ιεχωβά λατσσαρντάς ι αγγελόν πο τζανγκλέ κατά πφουβ. Ισί πνεύματα σο να ντικχίντιβενα ντα τζουβντιόνα κο ουρανός, σαρ ο Ντεβέλ. (Εβραίους 1:14) Υπαρχίντιβενα εκατομμύρια άγγελοι, ντα ο κάθε εκ τθερέλα πο χαρακτήρας. (Αποκάλυψη 5:11) “Ντένα καν κι φωνή [κι Ιεχωβάσκι] κάνα κερένα λέσκε λάφια”. (Ψαλμός 103:20) Κο πουρανέ μπρεσά, ο Ιεχωβά μπάζιμα μπουτσσαβέλας αγγελόν για τι βακερέν ο λάφια λέσκε, για τι βοηθίνεν ντα για τι σώνεν λέσκο λαός. Αντιβές, ο άγγελοι γκερένα ι Χριστιανόν κο τζενέ σο μανγκένα τι σικλιόν ι Ντεβλέσκε.

2. Κον ισί ο Μπενγκ ντα λέσκε δαίμονες;

Μερικοί άγγελοι να ατσσιλέ πιστοί κο Ιεχωβά. Ο πρώτος άγγελος σο γκιλό κόντρα ισί «οντουβά σο βακέρντιβελα Διάβολος ντα Σατανάς, σο χουχαβέλα σαρέ ι ντουνιάς». (Αποκάλυψη 12:9) Ο Μπενγκ μανγκέλας τι κερέλ κουμάντος, οτθάρ επηρεαντάς ι πρώτε τζενέν, ντα σοράν ατζέ-ντα μερικέ αγγελόν, για τι τζαν βον-ντα κόντρα κο Ιεχωβά. Ανταλά άγγελοι σο γκιλέ κόντρα βακέρντιβενα δαίμονες. Ο Ιεχωβά παλντιντάς-λεν κατά ουρανός. Φουρτιντάς-λεν κι πφουβ, ντα κα καταστραφίντιβεν.—Διαβάνεν Αποκάλυψη 12:9, 12.

3. Σαρ προσπαθίνενα τι χουχαβέν-αμέν ο Μπενγκ ντα ο δαίμονες;

Ο Μπενγκ ντα ο δαίμονες χουχαβένα μπουτέ τζενέν αντράλ κατά μπενγκαλέ πράγματα, δηλαδή προσπαθίνενα τι τσσουβέν ι τζενέν τι κερέν λάφι ι μουλέντζαρ ή ι δαιμονέντζαρ. Για παράδειγμας, μερικοί τζάνα οντουλέντε σο μελετίνενα ο τσεργανιά, τζενέντε σο ντορικιαρένα, κο χότζας, κο μέντιουμ ντα κο μάγοι-γιατροί. Γιαβερά τραμπίνενα τι κερέν θεραπείες σο τθερένα τι κερέν μπενγκαλέ πραγματέντζαρ. Ντα γιαβερά πελέ κι παγίδα τι πακιάν ότι μπορίνενα τι κερέν λάφι ι μουλέντζαρ. Αλλά ο Ιεχωβά βακερέλα αμένγκε: «Μα τζαν κο μέντιουμ ντα μα λεν ορμήνια οντουλένταρ σο ντορικιαρένα». (Λευιτικό 19:31) Βακερέλα αμένγκε ανταλά λάφια για τι αρακχαβέλ-αμέν κατά Μπενγκ ντα κατά δαίμονες. Βον ισί ντουσμάνια ι Ντεβλέσκε, ντα μανγκένα τι κερέν αμένγκε ζιάνι.

 ΧΑΝΤΖΟΥΒ ΠΟ ΑΧΟΡΤ

6. Κέρδινε ο τζένγκι κόντρα κο Μπενγκ ντα λέσκε δαιμονέντε

Ο άρχοντας ι δαιμονένγκο ισί ο Μπενγκ. Αλλά ο αρχηγός ι πιστέ αγγελόνγκο ισί ο αρχάγγελος Μιχαήλ. «Μιχαήλ» ισί εκ γιαβέρ ναβ ι Ιησούσκο. Καζόμ ζουρανό ισί ο Μιχαήλ; Διαβάνεν Αποκάλυψη 12:7-9 ντα σοράν συζητίνεν ο ερωτήσεις:

• Κον τθερέλα πο μπουτ ζορ, ο Μιχαήλ ντα λέσκε άγγελοι ή ο Μπενγκ ντα λέσκε δαίμονες;

• Πακιάσα ότι οντουλά σο ακολουθίνενα ι Ιησούς πρέπει τι νταρέν κατά Μπενγκ ντα λέσκε δαιμονένταρ;

Μπορίνεσα τι κερδίνες ο τζένγκι κόντρα κο Μπενγκ ντα λέσκε δαιμονέντε. Διαβάνεν Ιακώβου 4:7 ντα σοράν συζητίνεν ι ερώτηση:

• Σαρ μπορίνεσα τι αρακχαβές-τουτ κατά Μπενγκ ντα λέσκε δαιμονένταρ;

 ΧΑΝΙΚ ΛΑΦΙΝΤΖΑΡ

Ο πιστοί άγγελοι βοηθίνενα-αμέν. Ο Μπενγκ ντα λέσκε δαίμονες ισί ντουσμάνια ι Ιεχωβάσκε ντα χρησιμοποιήνενα ο μπενγκαλέ πράγματα για τι χουχαβέν ι τζενέν.

Σο Σικλιλάν;

• Σαρ βοηθίνενα ι τζενέν ι Ιεχωβάσκε άγγελοι τι σικλιόν λέσκε;

• Κον ισί ο Μπενγκ ντα λέσκε δαίμονες;

• Σόσκε πρέπει τι νασές ντουρ κατά μπενγκαλέ πράγματα;