O Iehova camel te prinjianas leschi familia anda cerii, anda savi cheren partea vi le îngeri. Von sile numime „le șiave le Devlesche”. (Iov 38:7) So phenel i Biblia andal îngeri? So daștin te cheren von le manușenghe? Sea le îngeri cheren partea andai familia le Devleschi?

1. Con si le îngeri?

O Iehova cărdea le îngeren angla te cherel i phuv. Cadea sar o Del, von train ando cerii hai ci daștin te aven dichle. (Evrei 1:14) Si milioanea îngeri hai niciech anda lende na-i sar aver. (Revelația 5:11) Le îngeri ‘așunen le Iehovastar hai pheren lesco cuvânto’. (Psalmo 103:20) Andel puraimata, butivar o Iehova bișaldea le îngeren caște phenen lesco cuvânto, te ajutin lesche slujitoren hai te hastraven lesche poporos. Aghies, le îngeri ajutin le ciace creștinen te arachen le manușen cai camen te prinjianen le Devles.

2. Con si o Satan hai lesche demoni?

Chichiva îngeri ci așile pașa o Iehova. O iechto îngero cai șiutea-pe contra o Del ‘bușiol Beng hai Satan hai vo athavel sea i phuv pe savi beșen le manușa’. (Revelația 12:9) O Satan camlea te avel ando than le Devlesco hai te rail vo opral savore. Anda codoia, vo athadea le Adamos hai la Eva, hai pala iech timpo vi avere îngeren, caște na mai așunen le Iehovastar. Cadal îngeri, cai șiute-pe vi von contra le Devlesche, bușion demoni. O Iehova șiudea-le anda o cerii tele, pi phuv, hai na pa but timpo, va chosela-le cu sea. (Citisaren Revelația 12:9, 12.)

3. Sar camen o Satan hai le demoni te athaven-ame?

O Satan hai le demoni athaven bute manușen prin o spiritismo. Cadaia si iech buchi nasul prin savi varecon camel te del duma le spiritența. Sar exemplo, unii manușa jian codolende cai drabaren andel cerhaia, cai den ando ghioco, cai den duma le spiritența sau cai pachian că daștin te sastiaren averen. Aver roden tratamentea medicalo cai silen phanglimos le spiritența. Mai but, le manușa sile athade te pachian că daștin te den duma le mulența. Tha o Iehova phenel amenghe de mai anglal: „Te na jian caring codola cai den duma le spiritența hai te na pușen codolen cai den ando ghioco”. (Levitico 19:31) Vo phenel amenghe de mai anglal cadal buchia, caște feril-ame catar o Beng hai lesche demoni. Von sile le dușmani le Devlesche hai camen te cheren amenghe nasul.

 HACHIAR MAI MIȘTO

6. Daștis te așes zuralo contra o Satan hai lesche demoni

O șăro le demonengo si o Satan. Tha o șăro le îngerengo loiali si o arhanghelo Mihael, cai si iech aver anav le Isusosco. Chichi de zuralo si o Mihael? Citisaren Revelația 12:7-9 hai pala codoia den duma:

• Con si mai zuralo: o Mihael hai lesche îngeri sau o Satan hai lesche demoni?

• Pachias că le discipoli le Isusosche trebun te daran catar o Satan hai lesche demoni?

Daștis te așes zuralo contra o Satan hai lesche demoni. Citisaren Iacov 4:7 hai pala codoia den duma:

• Sar daștis te les sama ca o Satan hai lesche demoni te na țârden-tu de lenghi rig?

 SO SICHILEAM

Le îngeri loiali ajutin-ame. O Satan hai lesche demoni sile le dușmani le Iehovasche hai von athaven le manușen prin o spiritismo.

So dichleam

• Sar ajutin le îngeri loiali le manușen te prinjianen le Iehovas?

• Con si o Satan hai lesche demoni?

• Tu sostar cames te așes dur catar o spiritismo?