O Jehova kamel te prinzharas ka leski familia kai si ando cheri. Ande kacha familia si angeluria kai prinzharas len sar shave le Devleske (Job 38:7). So sikavel e Biblia pal angeluria? So keren von? Si sa le angeluria anda e familia le Devleski?

1. Kon si le angeluria?

Mai anglal te kerel e Phuv o Jehova kerdias ka le angeluria. Sar leste, von train ando cheri pala godia nashtis te dikhas len (Zhiduvuria 1:14). Si but angeluria, millonuria, ai suako anda lende nai iek fialo (Sicharimos [Apokalipsis] 5:11). Von keren so phenel o Jehova ai len opre leske zakonuria (Salmo 103:20). De dumut, o Jehova univar tradias angeluria te ningeren iek suato te azhutil vai te skepil peske foros. Ai agies, le angeluria azhutin kal kristianuria te arakhen le manushen kai kamen te mai zhanen pa o Del.

2. Kon si o Satanas ai leske angeluria chorhe?

Uni angeluria mekle te aven chache le Devlesa o Jehova. O pervo kai dias les le zea le Devles si akhardo Beng ai Satanas kai atsavel sa la lumia (Sicharimos [Apokalipsis] 12:9). O Satanas kamlias te avel sar o Del, pala godo kerdias ke o Adan ai e Eva te den le zea le Devles. Ai polme o Beng kerdias ke uni angeluria te lenpe pala leste, prinzharas len sar angeluria chorhe. O Jehova gunisardias len de anda o cheri, shudias len pe Phuv ai ande tsirha vriama si te aven mundarde (chito Apocalipsis 12:9, 12, NWT).

3. So keren te atsaven amen o Satanas ai le angeluria chorhe?

Von atsaven buten manushen pala le farmichi ai aver prame sar kakala kai keren te pashon le manush kal dujuria. Iek ejemplo si, kana uni manush zhan kal drabarne, kal manush kai zhinen le cheraia vai ka godola kai keren magia te sastiaren le manushen. Aver roden dojtoria kai mothon ke sastiaren mashkar le dujuria. Ai vi roden ka uni manush kai keren te gindin ke shai den duma le mulentsa. Numa o Jehova phenel amenge te na zhas godolentsa kai akharen kal dujuria ai chi te pushas kal drabarne (Levítico 19:31). Vo kamel te arakhel amen katar o Satanas ai le angeluria chorhe, ke si leske dushmaia ai kamen te keren amenge nasul.

 TE MAI SIKIOS

6. Shai aves zuralo angla o Satanas ai le angeluria chorhe

Kal angeluria chorhe ningerel len o Satanas. Numa kal angeluria chache ningerel len o arkangel Miguel, kai si aver anau katar o Jesus. Sode zor si ka o Miguel? Chiton Apocalipsis 12:7-9 [NWT] ai den duma pa:

• Kaste si mai zor: ka o Miguel ai leske angeluria vai ka o Satanas ai leske angeluria chorhe?

• Pakias ke le manush kai lenpe pala o Kristo trobun te daran katar o Satanas ai leske angeluria chorhe?

Shai aves zuralo angla o Satanas ai leske angeluria chorhe. Chiton Santiago 4:7 [NWT] ai den duma pa:

• Sar shai arakhes tu katar o Satanas ai le angeluria chorhe?

 SO DIKHLIAM

Le angeluria chache azhutin amen. O Satanas ai le angeluria chorhe si dushmaia katar o Jehova ai mashkar le farmichi ai o drabarimos atsaven le manushen.

So sas te mothos?

• So keren le angeluria chache te prinzharen le manush ka o Jehova?

• Kon si o Satanas ai leske angeluria chorhe?

• Sostar trobus te durios katar fersavi prama kai pasharel amen kal dujuria chorhe?