යෙහෝවා දෙවියන් කැමතියි ස්වර්ගයේ ඉන්න ඔහුගේ පවුලේ අය ගැන අපි දැනගන්නවාට. ඒ පවුලේ අයට දේවදූතයන් ඇතුළත්. එයාලව “දෙවිගේ පුත්‍රයෝ” කියලා හඳුන්වනවා. (යෝබ් 38:7) දේවදූතයන් ගැන බයිබලයේ කියන්නේ මොනවාද? එයාලා මිනිස්සුන්ගේ වැඩවලට සම්බන්ධ වෙන්නේ කොහොමද? හැම දේවදූතයෙක්ම දෙවියන්ගේ පවුලට අයිතිද?

1. දේවදූතයන් කියන්නේ කවුද?

යෙහෝවා දේවදූතයන්ව නිර්මාණය කළේ මේ පොළොව නිර්මාණය කරන්න කලින්. දෙවියන්ව පේන්නේ නැහැ වගේ අපිට දේවදූතයන්වත් පේන්නේ නැහැ. එයාලා ඉන්නේ ස්වර්ගයේ. (හෙබ්‍රෙව් 1:14) මිලියන ගාණක් දේවදූතයන් හිටියත් එයාලා එක් කෙනාගෙන් එක් කෙනාට වෙනස්. (එළිදරව් 5:11) එයාලා ‘යෙහෝවා දෙවිගේ අණට සැමවිටම කීකරු වෙනවා. ඔහු පවසන දේට සවන් දීලා එය ඉටු කරනවා.’ (ගීතාවලිය 103:20) අතීතයේදී යෙහෝවා ඔහුගේ සෙනඟට පණිවිඩ දැනුම් දෙන්න දේවදූතයන්ව පාවිච්චි කළා. සෙනඟට උදව් කරන්නත් එයාලව බේරගන්නත් ඔහු දේවදූතයන්ව පාවිච්චි කළා. අදත් දෙවියන් ගැන දැනගන්න කැමති මිනිස්සුන්ව හොයාගන්න සැබෑ ක්‍රිස්තියානීන්ට එයාලා උදව් කරනවා.

2. සාතන් සහ භූතයන් කියන්නේ කවුද?

සමහර දේවදූතයන් යෙහෝවාට විශ්වාසවන්තව හිටියේ නැහැ. මුලින්ම දෙවියන්ට විරුද්ධ වුණ දේවදූතයාව ‘යක්ෂයා කියලත් සාතන් කියලත් හඳුන්වනවා.’ එයා “මුළු පොළොවම නොමඟ යවනවා.” (එළිදරව් 12:9) සාතන්ට ඕන වුණේ අනිත් අයව පාලනය කරන්න. ඒ නිසා එයා මුල්ම මිනිස් යුවළවත් පස්සේ වෙන දේවදූතයන්වත් දෙවියන්ට අකීකරු වෙන්න පෙලඹුවා. මේ අකීකරු වුණ දේවදූතයන්ට තමයි භූතයන් කියන්නේ. යෙහෝවා එයාලව ස්වර්ගයෙන් පන්නලා දැම්මා. එයාලා දැන් ඉන්නේ පොළොවේ. දෙවියන් ළඟදීම එයාලව විනාශ කරනවා.—එළිදරව් 12:9, 12 කියවන්න.

3. සාතන් සහ භූතයන් අපිව නොමඟ යවන්න හදන්නේ කොහොමද?

මිනිස්සුන්ව නොමඟ යවන්න සාතන් සහ භූතයන් ජ්‍යෝතිශය, සාස්තර බලන එක, පේන බලන එක සහ මන්තර ගුරුකම් වගේ දේවල් පාවිච්චි කරනවා. ඒ හැම දේකදීම වෙන්නේ මිනිස්සු භූතයන් එක්ක සම්බන්ධ වෙන එකයි. ඒවා හඳුන්වන්නේ භූතවාදය කියලා. සමහර ප්‍රතිකාර ක්‍රමවලටත් භූතයන් එක්ක සම්බන්ධ වෙලා කරන දේවල් ඇතුළත් වෙනවා. ඒ වගේම සමහර අය හිතනවා එයාලට මැරුණු අය එක්ක කතා කරන්න පුළුවන් කියලා. හැබැයි ඒකත් භූතයන් මිනිස්සුන්ව නොමඟ යවලා තියෙන විදිහක්. ඒත් “මායාකාරයන්ගෙන් හෝ ශාස්ත්‍ර කියන්නන්ගෙන් හෝ උපකාර නොපතන්න” කියලා යෙහෝවා අපිට කියනවා. (ලෙවී කතාව 19:31) ඔහු එහෙම කියන්නේ සාතන් සහ භූතයන්ගෙන් අපිව ආරක්ෂා කරන්නයි. එයාලා දෙවියන්ගේ හතුරෝ. එයාලට ඕනෙ අපිට අනතුරක් කරන්න.

 තවත් හොයමු

6. සාතන් සහ භූතයන් එක්ක කරන සටනෙන් ජය ගන්න

සාතන් තමයි භූතයන්ව පාලනය කරන්නේ. හැබැයි දෙවියන්ට විශ්වාසවන්ත දේවදූතයන්ට මඟ පෙන්නන්නේ අග්‍රදේවදූතයා වන මිකායෙල්. මිකායෙල් කියන්නේ යේසුස්ට කියන තවත් නමක්. ඔහු කොච්චර බලවත් කෙනෙක්ද? එළිදරව් 12:7-9 කියවලා මේ ප්‍රශ්න ගැන කතා කරන්න.

• වැඩි බලයක් තියෙන්නේ කාටද? මිකායෙල් සහ දේවදූතයන්ටද නැත්නම් සාතන් සහ භූතයන්ටද?

• යේසුස්ගේ අනුගාමිකයන් සාතන්ට සහ භූතයන්ට බය වෙන්න ඕනෙ කියලා ඔයා හිතනවාද?

සාතන් සහ භූතයන්ට විරුද්ධව කරන සටනෙන් ජය ගන්න ඔයාට පුළුවන්. යාකොබ් 4:7 කියවලා මේ ප්‍රශ්නය ගැන කතා කරන්න.

• සාතන් සහ භූතයන්ගෙන් ආරක්ෂා වෙන්න ඔයා මොනවාද කරන්න ඕනේ?

 ඉගෙනගත්ත දේ

දෙවියන්ට විශ්වාසවන්ත දේවදූතයන් අපිට උදව් කරනවා. සාතන් සහ භූතයෝ යෙහෝවාගේ හතුරෝ. මිනිස්සුන්ව නොමඟ යවන්න එයාලා භූතවාදය පාවිච්චි කරනවා.

ඔයා හිතන්නේ මොකක්ද?

• යෙහෝවා දෙවියන් ගැන දැනගන්න දේවදූතයන් මිනිස්සුන්ට උදව් කරන්නේ කොහොමද?

• සාතන් සහ භූතයන් කියන්නේ කාටද?

• භූතයන්ට සම්බන්ධ කිසිම දේකට හවුල් නොවී ඉන්න ඔයාට ඕනෙ ඇයි?