ROSO 24
Sokkaasinete Daafira Qullaawu Maxaafi Kulanno Halaale
Yihowa iimi maatesi daafira anfammora hasiˈranno. Tenne maatesi giddo mite sokkaasinete; insa “Maganu ooso” yinoonni. (Kalaqama 6:2; Iyyoobi 38:7) Qullaawu Maxaafi sokkaasinete daafira mayyaanno? Sokkaasine maa assitanno? Baalanti sokkaasine Maganu maate widooti?
1. Sokkaasine ayeooti?
Yihowa baatto kalaqara albaanni sokkaasine kalaqino. Isinte gede, sokkaasine illete leeltannokki ayyaannaati; insa heedhannohu gordohooti. (Ibiraawoota 1:14) Lowo miliyoone ikkitanno sokkaasine no; qoleno mittu mittunku baxxitinoreeti. (Yohaannisi Ajuuja 5:11) Insa Yihowa ‘coyiˈrannore macciishshitannoreetinna hajajosi wonshitannoreeti.’ (Faarso 103:20) Hundi waro, Yihowa sokkasi soyate, mannasi kaaˈlatenna gatisate sokkaasine soyino woyiti no. Yannankera sokkaasine Kiristaana Maganu daafira rosa hasiˈranno manni ledo xaadanno gede assitanno.
2. Sheexaanunna durriissa ayeooti?
Mite sokkaasine Yihowara diammanantino. Umo finqilino sokkaasinchi “Daawuloosiiti woy Sheexaaneho [yinanniho] kalqe baala [soˈrisiisannoho].” (Yohaannisi Ajuuja 12:9) Sheexaanu wolootaho aliidiha ikke gashsha hasiˈrino; hakko daafira, isi Addaaminna Heewani hattono wole sokkaasine Yihowara finqiltanno gede assino. Tenne finqila sokkaasine durriissa (agaaninte) yinanni. Yihowa insa iiminni uullara tunganni gede assino; jeefote insa gudisante baˈanno.—Yohaannisi Ajuuja 12:9, 12 nabbawi.
3. Sheexaanunna durriissa manna soˈrisiisate woˈnaaltannohu hiittoonniiti?
Sheexaanunna durriissa batinye manna Sheexaanu loosinni soˈrisiissanno; Sheexaanu loosooti yaa busha ayyaanna ledo hasaawate woˈnaalate; kuni busha assooteeti. Lawishshaho mitu manni ayyaanto, kiilaanonna maganaano amaaˈlanno. Mitootu kayinni Sheexaanu loosi ledo xaadooshshe afidhino xagga adhitanno. Mitu manni qole reyitinore coyishiisha dandiinanni yee dogamanno. Yihowa kayinni togo yee qorowisiisinonke: “Ekera coyishshiishannoha woshshidhinoonte; qaallichunniwa hadhinoonte.” (Leewaawoota 19:31) Isi hatto yee qorowisiisinonkehu Sheexaanunna durriisu gawajjannonkekki gede agarankera yeeti. Insa Maganu baarigaarraati; ninkeno gawajjitankera hasidhanno.
LEDDE XIINXALLI
Sokkaasine assitannohu danchu coyi maatiro, Sheexaanu loosi gawajjannohu hiittoonniitironna Sheexaanunna durriisuwiinni ninkeneeto agadha dandiineemmohu ma garinniitiro rosi.
4. Sokkaasine mannu Yihoware rosanno gede kaaˈlitanno
Maganu sokkaasine mannaho xaaddote disabbakkanno. Hatteentenni, insa Maganu soqqamaasine isi daafira rosa hasiˈranno manninni xaadissanno. Yohaannisi Ajuuja 14:6, 7 nabbabbe; hakkiinni aante noo xaˈmuwa hasaabbe:
-
Dancha duduwo duduwate sokkaasinete kaaˈlo hasiissannonkehu mayiraati?
-
Sokkaasine Qullaawu Maxaafi sokka macciishsha hasiˈranno manni ledo xaadissahera dandiitannota afakki jawaachishshannohe? Mayira?
5. Sheexaanu looso gibbe
Sheexaanunna durriissa Yihowa baarigaarraati. Insa ninkerano baarigaarrate. Luqaasi 9:38-42 nabbabbe; hakkiinni aante noo xaˈmo hasaabbe:
-
Durriissa manna hiitto assitanno?
Busha ayyaanna woy durriissate ledo hili lase nafa heedhankera dihasiˈneemmo. Marro 18:10-12 nabbabbe; hakkiinni aante noo xaˈmuwa hasaabbe:
-
Durriissa manna gawajjatenna hasaawisate woˈnaaltannohu hiittoonniiti? Ati heeˈratto qooxeessira rosaminohu Sheexaanu loosi hiikkoyeti?
-
Yihowa Sheexaanu loosiwiinni xeertiˈneemmo gede amaalasi dancha labbannohe? Mayira?
VIIDIYO laˈe; hakkiinni aante noo xaˈmuwa hasaabbe.
-
Paleesa qaaqqora angate worroonni quraami gawajjannoha lawannohe? Mayira?
-
Paleesa busha ayyaanna gawajjitannosekki gede maa assa hasiissinose?
Hundinni kayise addu Kiristaani busha ayyaanna giwanno. Soqqamaasinete Looso 19:19 nna 1 Qorontoosi 10:21 nabbabbe; hakkiinni aante noo xaˈmo hasaabbe:
-
Busha ayyaanna ledo xaadooshshe afiˈrinoha aye coyeno huna hasiissannohehu mayiraati?
6. Sheexaanunna durriissate ledo gaarante qeela dandaatto
Durriissa hajajannohu Sheexaaneho. Ammanantino sokkaasinera biddishsha aannohu kayinni sokkaasinete roorrichi Mikaeeliiti; kuni Yesuusira wole suˈmaati. Mikaeelira mageeshshi wolqa noosi? Yohaannisi Ajuuja 12:7-9 nabbabbe; hakkiinni aante noo xaˈmuwa hasaabbe:
-
Mikaeelinna sokkaasinesinna Sheexaanunna durriissasi giddo roore wolqaataamu ayeti?
-
Yesuusi rosaano Sheexaanenna durriissasi waajja hasiissannonsaha lawannohe?
Sheexaanunna durriissasi ledo gaarante qeela dandaatto. Yaiqoobi 4:7 nabbabbe; hakkiinni aante noo xaˈmo hasaabbe:
-
Sheexaanunna durriissatewiinni ateneeto agadha dandaattohu hiittoonniiti?
MITU MANNI TOGO YAANNO: “Boohaarate ikki geeshsha, durriissate looso leellishshanno geeme godoˈla woy hattoo filme laˈˈa qarra diafidhino.”
-
Hatto yee heda gawajjitanno yineemmohu mayiraati?
XAPHISHSHA
Ammanantino sokkaasine kaaˈlitannonke. Sheexaanunna durriissasi Yihowa baarigaarraati; insa Sheexaanu looso horoonsidhe manna soˈrisiissanno.
Kageeshsha Rosoottore
-
Yihowa sokkaasine mannu isi daafira rosanno gede kaaˈlitanni noohu hiittoonniiti?
-
Sheexaanunna durriissasi ayeooti?
-
Sheexaanu loosiwiinni xeertiˈra hasiˈrattohu mayiraati?
EGENNO LEXXI
Yesuusi sokkaasinete roorricha Mikaeeli ikkinota leellishshanno taje huwati.
“Sokkaasinete Roorrichi Mikaeeli Ayeti?” (Webisayitenkera fultino borro)
Daawuloosi mannu wodani giddo noo bunshe ikkikkinni addinta nooha ikkinota leellishshanno taje wodanchi.
“Isi Addanka Daawuloosi No?” (Webisayitenkera fultino borro)
Mitte mancho durriisu gawajjonni gatte fultino gara nabbawi.
“Heeshshose Hagiirru Noota Ikkitino” (Agarooshshu Shae, Maaja 1, 1993)
Sheexaanu durriisu loosinni manna gowwisanno gara wodanchi.
“Digintenna Kiilo Lainohunni Halaale Afa” (Hegere Heeshshowa Massitanno Doogo, gafa 5)
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
