Yehuwa mapulu i kitẹ makasingkạ soal u kěluarga-Ne su sorga. Kěluarga-Ne su sorga ene kai manga malaekatẹ̌, kụ i sire nisěbạ ”anạu Mawu”. (Ayub 38:7) Apa niul᷊ịu Alkitapẹ̌ soal u manga malaekatẹ̌? Kerea kakanoạ i sire piạ pěngarune su taumata? Kụ apa kěbị malaekatẹ̌ kai bageang bọu kěluargang Mawu?

1. I sai manga malaekatẹ̌?

Yehuwa něndiadi manga malaekatẹ̌ těntal᷊ang i Sie bědang tawe něndiadi dunia ini. Kere i Yehuwa, manga malaekatẹ̌ kai makhluk roh tawe kẹ̌kasilong kụ mětẹ̌tanạ su sorga. (Ibrani 1:​14) Piạ jutane malaekatẹ̌, kụ sipati sire kěbị nẹ̌tatěntang. (Wahyu 5:​11) I sire ’měkẹ̌koạ Hengetang [i Yehuwa] dingangu tụtuhụ manga bawera-Ne’. (Mazmur 103:20) Su tempong tamai, pẹ̌sěngsul᷊ẹ Yehuwa měnděndolohẹ̌ malaekatẹ̌ gunang měhabarẹ̌ tatanata-Ne dingangu mẹ̌tul᷊ung lai měnal᷊amatẹ̌ manga ělang’E. Orasẹ̌ ini, manga malaekatẹ̌ měngẹ̌ngahạ tau Kristen sarang taumata apang mapulu měngěndung soal u Mawu.

2. I sai Setang dingangu manga rohkẹ̌ dal᷊akị?

Piạ manga malaekatẹ̌ tawe tatapẹ̌ masatia si Yehuwa. Malaekatẹ̌ humotong limawang si Yehuwa nisěbạ ’Setang arau rohkẹ̌ dal᷊akisẹ̌, kụ měngẹ̌ngakal᷊ẹ̌ patikụ dunia’. (Wahyu 12:​9, Binohẹ Susi Bal᷊o Mapia) Setang mapulu makoạ měngangawasa, hakị u ene i sie něngahạ si Adam dingangi Hawa lai manga malaekatẹ̌ wal᷊inẹ gunang lumawang si Yehuwa. Manga malaekatẹ̌ apang limawang si Yehuwa nisěbạ manga rohkẹ̌ dal᷊akị. Yehuwa něnděmẹ si sire bọu sorga sarang dunia, kụ i sire sarung binasaěng.​—Basa Wahyu 12:​9, 12.

3. Kerea Setang dingangu manga rohkẹ̌ dal᷊akị měmẹ̌mal᷊idẹ̌ si kitẹ?

Setang dingangu manga rohkẹ̌ dal᷊akị něpakẹ spiritisme gunang měmal᷊idẹ̌ lawọ taumata. Spiritisme ene kai mědal᷊ahapị dingangu manga rohkẹ̌ dal᷊akị. Contone, piạ taumata měmẹ̌manda ramalan bituing arau měkẹ̌kiwal᷊o su peramal. Sěnggạ lai měpẹ̌pakẹ undang piạ sěmpụe dingangu spiritisme. Taumata lai lẹ̌akal᷊eng gunang mangimang i sire botonge mẹ̌bisara su taumata nate. Katewe, Yehuwa seng něgělị laingatẹ̌ si kitẹ, ”Abe mědeạ mẹ̌kakui himukudẹ̌ dingangu abe mẹ̌dorong sasasa bọu peramal.” (Imamat 19:31) I Sie něgělị laingatẹ̌ ini gunang měndiagạ si kitẹ bọu Setang dingangu manga rohkẹ̌ dal᷊akị. I sire ene kai sědụu Mawu, kụ mapulu měnilakạ si kitẹ.

 BANGKA PAKARAL᷊UNG

6. I kitẹ botonge makauntung lumawang Setang dingangu manga rohkẹ̌ dal᷊akị

Manga rohkẹ̌ dal᷊akị lẹ̌ahạkengu Setang. Katewe, manga malaekatẹ̌ masatia lẹ̌ahạkengu těmbonangu malaekatẹ̌, i Mikhael, ene kai areng wal᷊inẹ gunang i Yesus. Kerea katoghase i Mikhael? Basa Wahyu 12:​7-9, bọu ene bisarai manga kakiwal᷊o ini:

• I sai limembong matoghasẹ̌? I Mikhael dingangu manga malaekate arau Setang dingangu manga rohkẹ̌ dal᷊akị?

• Tumuhụ si kau, apa manga muriti Yesus harusẹ̌ matakụ su Setang dingangu manga rohkẹ̌ dal᷊akị?

I kau botonge makauntung lumawang Setang dingangu manga rohkẹ̌ dal᷊akị. Basa Yakobus 4:​7, bọu ene bisarai kakiwal᷊o ini:

• Kerea i kau botonge měndiagạ watangengu bọu Setang dingangu manga rohkẹ̌ dal᷊akị?

 RINGKASAN

Manga malaekatẹ̌ masatia mětẹ̌tul᷊ung si kitẹ. Setang dingangu manga rohkẹ̌ dal᷊akị kai sědụ i Yehuwa, kụ i sire měpẹ̌pakẹ spiritisme gunang měmal᷊idẹ̌ taumata.

Apa seng nikaěndungangu?

• Kerea manga malaekatẹ̌ i Yehuwa nẹ̌tul᷊ung taumata měngěndung soal i Sie?

• I sai Setang dingangu manga rohkẹ̌ dal᷊akị?

• Kawe nụe i kau mapulu mẹ̌těngkarau bọu spiritisme?