AISISIAET NA 24
Ani bo Abeit Naikamunit Imalaikan?
Ekoto Yawe oni aisisiaun nuikamunitos ekekale lokotoma akuj. Imoriarit ekale ngon imalaikan luenyaritai “idwe . . . luka Edeke.” (Yob 38:7) Anu bo nuebala Ebaibuli kanuikamunitos imalaikan? Anyoika bo nuiswamaete kesi? Ido eraasi kereka imalaikan kere lukokale loka Edeke?
1. Lu bo angai imalaikan?
Abu Yawe kosub imalaikan eroko esuba akwap. Kwape ka Yawe, iboiete imalaikan kotoma akuj ido mam oni ipedori aanyun kes. (Iburanian 1:14) Ipu imalaikan noi ido kangolidiope kakesi erai loitegelikina. (Apukokinio 5:11) Eraasi kesi ‘luitodolete akirot [naka Yawe], kopupete ekeporoto.’ (Isabulin 103:20) Kapakio nukolo sek, ejukununei Yawe imalaikan ainun itunga akekirot, aingarakin, ka alakun kes. Lolo da, ingarenikinitos imalaikan Ikristayon adolokin itunga luekotosi aisisia nuikamunitos Edeke.
2. Ingai bo Satan ka ikemalaikan?
Mam imalaikan ice apotu kosalakis emunokina Yawe. Emalaika losodit aipaliikin Edeke nges “loenyaritai Ekejodijodon, ka Satan da, ekengalaaran loka akwapin kere.” (Apukokinio 12:9) Akoto Satan aipuga luce, aso abu ngesi kitapaa Adam keda Keba ido ekaulo abu kijodoo imalaikan ice da atupaar nges. Imalaikan ngul lukepali kes enyaritai ajokin. Abu Yawe kitojok kes airengeario kotoma akuj ka acakunio kwap ido eponio emudiar kes.—Kosiom Apukokinio 12:9, 12.
3. Epone ani etamitotor Satan ka ajokin aingalaar oni?
Ingalaete Satan ka ajokin itunga luipu kitwasamaete ecudet arai bo amuroonut, nges aitam einer keda ajokin, ido erai aswamisioit na naerono noi. Kwape aanyunet, elosenenete icetunga neejaasi imurok, ikacudak, ka luengicete aacer. Ice elosete adumun amukian naimoriarit aitwasam apedor naka ajokin. Ingalakinitai bobo itunga aiyuun ebe epedorete kesi einer ka lukatwak. Konye ikwenyarit Yawe oni ebe: ‘Sirikibelokinos mama ejaas luejaas ajokin, karaida mama ejaas ikacudak.’ (Ilebin 19:31) Ikwenyarit ngesi oni kanu ayuwar oni kaneejai Satan ka ajokin. Eraasi kesi lukasurup luka Edeke ido ekotosi kesi aiswamakin oni nueroko.
KISISIAU NUIPU
Kisisiau nuikamunitos iboro luiswamaete imalaikan luejokuka, aronis naka ecudet, keda epone loipedoria oni ayuwar kaneejai Satan ka ajokin.
4. Ingarakinitos imalaikan itunga aisisia nuikamunitos Yawe
Mam imalaikan luka Edeke etereikinos alimonokin itunga. Konye ingarenikinitos kesi ejaanakinak luka Edeke mama ejaas itunga luekotosi aisisia nuikamunitos nges. Kosiom Apukokinio 14:6, 7, kosodete aimor aingiseta nuta:
-
Kanuinyo ipudar oni imalaikan aingarakin oni kotoma alimonokin?
-
Erai kereka ibore yenisinyikokini ijo ajenun ebe epedorete imalaikan aingarenikin ijo mama ejaasi ngul luipudasi aisisia Ebaibuli? Kanuinyo?
5. Kosac ecudet
Satan ka ajokin, eraasi lukasurup luka Edeke. Eraasi bobo kesi lukasurupiwok da. Kosiom Luka 9:38-42, kosodete aimor aingiset nata:
-
Anyoika bo nuiswamanakinete ajokin itunga?
Mam ekoto oni acamakin ajokin ayait oni. Kosiom Ikisila 18:10-12, kosodete aimor aingiseta nuta:
-
Epone ani etamitotor ajokin aingalaar itunga ka einer ka kes? Anu bo aswamisio nuka ajokin nuetapit ajaut atutubetekon?
-
Iwomit jo ebe ejokuka nuicorakinitor Yawe oni acoit aswamisio nuka ecudet? Kanuinyo?
Koboliak EBIDIO, kosodete aimor aingiseta nuetupakinete.
-
Iwomit kereka ijo ebe apedori emukisa loetanapikinit Palesa akooke ayaun ationis? Kanuinyo?
-
Anu bo nuebusakinit Palesa aswam kanu ayuwar kaneejaasi ajokin?
Inyikokinitos Ikristayon lukabeit aitepeg Satan ka akejokin. Kosiom Aswamisio 19:19 keda 1 Ikorinton 10:21, kosodete abongokin aingiset nata:
-
Kanuinyo ibusakinitor ijo aicwear idiobore kere yenikamanara keda ecudet?
6. Kipiko Satan keda akejokin
Satan nges epugan loka ajokin. Konye imalaikan luemunooko, eraasi luingarenikinit emalaika lokapolon Mikael, ngesi ekiror ece loka Yesu. Apedor naetia ai ejaatar Mikael? Kosiom Apukokinio 12:7-9, kosodete aimor aingiseta nuta:
-
Ingai bo epol agogong, Mikael keda ikemalaikan arai bo Satan keda akejokin?
-
Iwomit kereka ijo ebe ibusakinit ikatupitok luka Yesu akurian Satan keda akejokin?
Ipedori ijo aipikor Satan keda akejokin. Kosiom Yakob 4:7, kosodete aimor aingiset nata:
-
Epone ani ipedoria ijo ayuwar kaneejai Satan ka akejokin?
EBAKASI ICETUNGA EBE: “Mam erono asesen aboliasio, isineman arai bo ibidion luimoriaritos ecudet. Erai kanupe alakanar.”
-
Kanuinyo eroniar aomisioit ngin?
NUIDAU AISISIAUN
Ingarakinitos oni imalaikan luemunooko. Satan keda akejokin eraasi lukasurup luka Edeke ido itwasamaete kesi ecudet aitapaaria itunga.
Ainyogoor
-
Epone ani ingarakinitotor imalaikan luka Yawe itunga aisisiaun nuikamunitos nges?
-
Ingai bo Satan keda akejokin?
-
Kanuinyo ibusakinitor oni aisac ecudet?
ISISIAU BOBO NUTA
Koany nuitogogongitos ebe erai Yesu Mikael, emalaika lokapolon.
“Ingai bo Mikael, Emalaika Lokapolon?” (Aisisiaet naka olago)
Koany nuitogogongitos ebe mam Satan erai aomisio nueroko nuejaasi tomawok, konye ejai Satan.
Koany epone loabu adiopeberu kopedoria aipikor aswamisio nuka ajokin.
“Abu Ngesi Kodum Alosikinet Kotoma Aijar” (Watchtower, Elap Loikanyetaarei 1, 1993)
Kisisiau epone loitwasama Satan ecudet aitapaaria itunga.
