CHIIYO 24
Kasimpe Atala Abangelo
Jehova uyanda kuti twiizibe mpuli yakwe yakujulu. Mpuli eeyo iswaanizya bangelo, bayitwa kuti ‘mbana ba Leza.’ (Jobu 38:7) Bbayibbele lityeni atala abangelo? Bantu balagwasigwa na abangelo? Alubo bangelo boonse nimpuli yaLeza na?
1. Bangelo mbaani?
Jehova wakasaanguna kulenga bangelo katanalenga nyika. Bangelo nzilenge zyamuuya mbuli Jehova alubo bakkala kujulu. (Bahebrayo 1:14) Kuli mamiliyoni abangelo basiyene-siyene. (Ciyubunuzyo 5:11) ‘Bachita nzyaamba Jehova kwiinda mukuswiilila jwi lyakwe.’ (Intembauzyo 103:20) Chiindi Jehova wakali kutuma bangelo kuti bakaambilizye mulumbe wakwe kuchitila kuti agwasye akuvuna bakombi bakwe. Mazubaano, bangelo bazulwida maKristu kubantu bayanda kwiiya atala aLeza.
2. Saatani amadimoni mbaani?
Bamwi bangelo bakaleka kusyomeka kuli Jehova. Mungelo wakasaanguna kupapila utegwa “Diabolosi a Saatani, ooyo weena nyika yoonse.” (Ciyubunuzyo 12:9) Saatani wakali kuyanda kweendelezya bamwi, wakeena bantu bakusaanguna alubo wakazoyeena bamwi bangelo. Bangelo aabo bakapapila bategwa madimoni. Jehova wakabaanda kujulu alubo uzoobanyonyoona.—Bala Ciyubunuzyo 12:9, 12.
3. Saatani amadimoni babeena biyeni bantu?
Saatani amadimoni balikweena bantu biingi kababelesya zyachidimoni azyamizimu. Muchikozyano, bantu nga bayinka kubang’anza, basondi abasimasalamusi. Bamwi nga bayanduula busilisi buswaanizya zyachidimoni. Alubo bantu nga beenwa kuti balakonzya kwaambuula abantu bakafwa. Pesi Jehova wakatuchenjezya kuti: “Mutaunki kubasondi nokuba kubuzya makani kubaŋanga.” (Levitiko 19:31) Wakatupa nchenjezyo eeyi kuti atukwabilile kuli Saatani amadimoni. Mbaasinkondonyina baLeza alubo bayanda kutuchisa.
YIYA ZYIINGI
Bona zintu zibotu zichitwa aabangelo, mapenzi aakonzya kuba kuti twachita zyamizimu ambutukonzya kulikwabilila kuli Saatani amadimoni aakwe.
4. Bangelo bagwasya bantu kuti bayiye atala aJehova
Bangelo tabakambawukili bantu chaantanganana pe. Pesi bazulwida bakombi baLeza kubantu bayanda kwiiya atala anguwe. Bala Ciyubunuzyo 14:6, 7, mpawo musandule mibuzyo iitobela:
-
Nkamboonzi nituyanda kugwasigwa aabangelo mumulimu wakukambawuka?
-
Kuziba kuti bangelo balatugwasya kuti tujane bantu bayanda kwiiya atala aLeza kupa kuti umvwe biyeni? Nkamboonzi?
5. Tantamuka mizimu
Saatani amadimoni mbaasinkondonyina baJehova. Alubo mbaasinkondoma. Bala Luka 9:38-42, mpawo musandule mubuzyo uutobela:
-
Madimoni abajata biyeni bantu?
Tatuyandi pe kuchita zintu zipa kuti madimoni aswene afwiifwi andiswe. Bala Deuteronomo 18:10-12, mpawo musandule mibuzyo iitobela:
-
Nziizili nzila zibelesegwa amadimoni kuti aambuule aabantu? Nziizili nzila zyachidimoni zijanika nkukkala?
-
Ubonaanga zilagwasya na kuti Jehova atukasye kuchita zyamizimu? Nkamboonzi?
Mweebele VIDIYO, mpawo musandule mibuzyo iitobela.
-
Ubonaanga ntambo yakaangidwe akuboko kwamwana waPalesa yakali kumukwabilila na? Nkamboonzi nwaamba oobo?
-
Niinzi nzyaakeelede kuchita Palesa kuti alikwabilile kumadimoni?
MaKristu bachoonzyo balaakazya madimoni. Bala Milimo 19:19 a 1 Bakorinto 10:21, mpawo musandule mubuzyo uutobela:
-
Nkamboonzi nitweelede kusowa zintu zyoonse zilaachakuchita achidimoni?
6. Ulakonzya kumuzunda Saatani amadimoni aakwe
Madimoni ayendelezegwa aaSaatani. Pesi bangelo basyomeka bazulwidwa asilutwe wabangelo uutegwa Mikkayeli, eeli ndiimwi zina lyaJesu. Mikkayeli ulaamanguzu aali biyeni? Bala Ciyubunuzyo 12:7-9, mpawo musandule mibuzyo iitobela:
-
Ngwani ulaamanguzu miingi, Mikkayeli abangelo bakwe naakuti Saatani amadimoni aakwe?
-
Ubonaanga batobeli baJesu beelede kumuyoowa na Saatani amadimoni aakwe?
Ulakonzya kumuzunda Saatani amadimoni aakwe. Bala Jakobo 4:7, mpawo musandule mubuzyo uutobela:
-
Kujana walikwabilila biyeni kuli Saatani amadimoni aakwe?
BAMWI BAAMBA KUTI: “Kusaana mageemu naakuti kweebela mavidiyo aazyamizimu teekubi pe, nga ulikulikondelezya luzutu.”
-
Nkamboonzi maboneno aaya naatali kabotu?
CHIFWIINSYO
Bangelo basyomeka balatugwasya. Saatani amadimoni aakwe mbaasinkondonyina baJehova alubo babelesya mizimu kuti beene bantu.
Mibuzyo Yakwiindulula
-
Bangelo baJehova babagwasya biyeni bantu kuti bayiye atala anguwe?
-
Saatani amadimoni aakwe mbaani?
-
Nkamboonzi nweelede kutantamuka zyamizimu?
YANDUULISISYA
Bona bukamboni butondeezya kuti Jesu ngusilutwe wabangelo uutegwa Mikkayeli.
“Ngwani Silutwe Wabangelo Uutegwa Mikkayeli?” (Chiiyo chijanika aaIntaneti)
Bona bukamboni butondeezya kuti Saatani mpali alubo teemizeezo iitali kabotu iili mumoyo wamuntu.
“Dyabbulosi Mpali Na Choonzyo?” (Chiiyo chijanika aaIntaneti)
Bona zyakagwasya umwi mwanakazi kuti aleke zyachidimoni.
“Wakaziba Nchaponena” (Ngaziyakulinda, July 1, 1993)
Bona kuti Saatani uyibelesya biyeni mizimu kuti ayene bantu.
“Kasimpe Kalaatala Amasalamusi, Kusonda Abulozi” (Nzila Iitola Kubuumi Butamani, chipaanzi 5)
