КИЧЭЭЛ 24
Дээрниң төлээлериниң дугайында шын
Иегова бисти дээрде өг-бүлези-биле таныштырарын күзеп турар. Дээрниң төлээлерин, азы ангелдерни, «Бурганның... оолдары» деп адаар (Иов 38:7). Олар кымнарыл? Кижилерге кандыг салдарлыг? Бурганның өг-бүлезинче шупту ангелдер кирип турар бе?
1. Ангелдер дээрге кымнарыл?
Иегова ангелдерни черни мурнай чаяаган. Кижилерге олар көзүлбес (Еврейлерге 1:14). Дээрде миллион-миллион ангелдер бар, ангел бүрүзү онзагай (Ажыдыышкын 5:11). Олар Бурганга дыңнангыр (Ырлар 102:20). Бурунгу үеде Иегова кижилерге чугула медээ дамчыдып, оларны деткип, камгалаар дээш ангелдерни чорудуп турган. Амгы үеде Бурганны билип алыксаан улустарны ангелдер дилеп тыварынга дузалажып турар.
2. Эрлик болгаш буктар дээрге кымнарыл?
Шынчы эвес апарган ангелдер бар. Бир дугаар үймээнни «бүгү делегейни дуурайлаан, эрлик... деп адаткан» ангел үндүрген (Ажыдыышкын 12:9). Эрлик бүгү чаяалгаларны боду чагырыксааш, баштайгы кижилерни Бурганга удурланырынче ыдалапкан. Үймээнге каттыжыпкан ангелдер буктар апарган. Иегова оларны дээрден черже дүжүр сывырыпкан. Удавас оларны узуткаашкын манап турар (Номчуптуңар: Ажыдыышкын 12:9, 12).
3. Эрлик буктары-биле бисти канчаар мегелеп турар?
Эрлик болгаш буктар кижилерни мегелеп турар. Чижээ, улус төлгечилерже, хамнарже дуза дилеп баар. Өскелери гороскоптар, дүштер тайылбырын номчуп, буктар-биле харылзаалыг эмнээшкиннерни ажыглап турар. Чамдык улус өлген улус-биле харылзажып болур деп бодаар a. Ол буктарның какпазы-дыр. «Өлүг улустуң сүнезиннерин кый дээр-даа, караң көрнүр-даа улуска барбаңар» деп сагындырып, Иегова бисти Эрликтен камгалап турар (Левит 19:31). Олар Бурганның дайзыннары болгаш, биске хора чедирерин күзеп турар.
ХАНЫ ШИНЧИЛЕҢЕР
Аза-буктар-биле харылзаа чүзү-биле айыылдыг база олардан канчаар камгаланырыл?
4. Ангелдер Иегованың дугайында билип алырынга дузалап турар
Ангелдер өөрүшкүлүг медээни кижилерге дорт дамчытпас. Олар суртаалчыларны Бурганны билип алыксаан улуска душтуруптар. Ажыдыышкын 14:6, 7-ни номчааш, харыылаптыңар:
-
Суртаалга ангелдерниң дузазы чүге херек?
-
Бурганны билип алыксаан улусту тып алырынга ангелдерниң дузалажып турары чүге өөрүнчүг?
5. Буктар-биле харылзаадан ойталаңар
Эрлик болгаш буктар — Иегованың болгаш бистиң дайзыннарывыс-тыр. Лука 9:38—42-ни номчааш, харыылаптыңар:
-
Буктар кижилерни канчаар аажылап турар?
Бис аза-буктарны чуртталгавысче киирерин күзевес бис. Ыдыктыг хоойлуну катаптааны 18:10—12-ни номчааш, харыылаптыңар:
-
Буктар биске салдар чедирерин канчаар оралдажып турар? Чурттап турар чериңерде кандыг ёзу-чаңчылдар бар?
-
Иегова буктар-биле кандыг-даа харылзааны чөпшээревейн турарын шын деп санаар силер бе?
ВИДЕОНУ көргеш, айтырыгга харыылаптыңар:
-
Чүү деп бодаар силер, Палеса уруунга сагыызын-билектээшти кедиргени чүге айыылдыг болур?
-
Аза-буктан камгаланыр дээш, Палеса чүнү кылыр ужурлуг турган?
Ёзулуг христианнарның аза-буктар-биле ниити чүзү-даа чок. Ажыл-чорудулга 19:19 биле 1 Коринфичилерге 10:21-ни номчааш, харыылаптыңар:
-
Буктар-биле харылзаалыг шупту чүүлдү узуткаары чүге чугула?
6. Эрликти болгаш буктарны тиилеп алыңар
Буктарны Эрлик башкарып турар, а шынчы ангелдерни дээрниң дээди төлээзи Михаил, азы Иисус, башкарып турар. Михаил кайы хире күчү-күштүг? Ажыдыышкын 12:7—9-ту номчааш, харыылаптыңар:
-
Кым күштүг: Михаил ангелдери-биле бе азы Эрлик буктары-биле бе?
-
Иисустуң өөреникчилери Эрликтен болгаш буктардан чүге кортпас ужурлуг?
Эрликти болгаш ооң буктарын тиилеп шыдаар силер. Иаков 4:7-ни номчааш, харыылаптыңар:
-
Эрликтен болгаш буктардан канчаар камгаланыр?
ЧАМДЫК УЛУС МЫНЧА ДЕП БОЛУР: «Буктар-биле харылзаалыг оюннар ойнаарында азы кинолар көөрүнде багай чүве чок. Анаа оюн ышкажыл».
-
Ындыг бодал чүзү-биле айыылдыг?
КОЛ БОДАЛ
Шынчы ангелдер биске дузалажып турар. Эрлик болгаш буктар Иегованың дайзыннары, олар кижилерни мегелеп турар.
Катаптаашкын
-
Ангелдер Иегованы билип алырынга кижилерге канчаар дузалап турар?
-
Эрлик болгаш буктар дээрге кымнарыл?
-
Буктар-биле харылзаадан хосталып алырын чүге күзээр силер?
НЕМЕЛДЕ
Иисус Христос — дээрниң дээди төлээзи Михаил деп бадыткалдарны көрүңер.
Эрлик дээрге анаа-ла каржы-бак чүүл эвес дээрзин номчуп көрүңер.
Аза-буктардан хосталып алган херээжен кижиниң дугайында номчуңар.
«Чуртталганың ужур-утказын тып алган угбай» («Таңныыл суургазы» июль 1, 1993 чыл)
Эрлик буктар таварыштыр кижилерни канчаар мегелеп турарын номчуп көрүңер.
«Караң көрнүрүнге хамаарышкан шын» («Мөңге чуртталгаже орукту тып алган сен бе?» кезек 5)
a Өлген улус чүнү-даа билбес деп 29-ку кичээлге көөр бис.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
