24-ТӤ УРОК

Мар вера Библия кылчинъёс сярысь?

ЛЭЗЁНО

Иеговалэн потэ, ми солэн инмысь семьяеныз мед тодматскомы шуыса. Отчы пыро кылчинъёс. Соос «Инмар пиос» шуыса нимамын (Иов 38:7). Мар верамын Библиын кылчинъёс сярысь? Мар соос карыны быгато адямиослы? Ваньмыз-а кылчинъёс Инмарлэн семьяяз пыро?

1. Кинъёс со кылчинъёс?

Музъемез кылдытэмезлэсь азьло Иегова кылчинъёсты кылдытӥз. Соос Инмарен ӵош инмын уло, соин ик адямиос соосты адӟыны уг быгато (Еврейёслы 1:14). Иегова трос миллион кылчинъёсты кылдытӥз. Котькудӥз соос пӧлысь аспӧртэмлыко (Усьтӥськон 5:11). Кылчинъёс Иеговалы тэрытско но солэсь верам кылзэ быдэсъяло (Псалтирь 102:20). Вашкала дыръя Иегова кылчинъёсты адямиос доры ыстылӥз, соослы ивор веран понна, юрттон понна яке соосты утён понна. Туннэ кылчинъёс христианъёсты нуо адямиос доры, кудъёсызлэн Инмар сярысь тодэмзы потэ.

2. Кинъёс со Шайтан но солэн периосыз?

Куд-ог кылчинъёс Иеговалы пумит ӝутскизы. Нырысетӥез кылчин, кудӥз Иеговалы пумит ӝутскиз, Дьявол но Шайтан шуыса нимамын. Со быдэс дуннелэсь визьзэ туга (Усьтӥськон 12:9). Шайтанлэн потэ вал, мукет кылдытэмъёс солэсь мед кылзӥськозы шуыса. Соин ик со нырысетӥ адямиосты Инмарлы пумит ӝутӥз, нош берлогес куд-ог кылчинъёсты но. Пумит ӝутскем кылчинъёсты периос шуыса нимало. Иегова со кылчинъёсты инмысь музъем вылэ сэрпалтӥз. Соос ӝоген быдтэмын луозы. (Лыдӟе Усьтӥськонэз 12:9, 12.)

3. Кызьы Шайтан но периос милемыз пӧяны тыршо?

Шайтан но периос адямиослэсь визьзэс тугало спиритизм пыр. Спиритизм — со периосын кусып возён. Кылсярысь, куд-ог адямиос вазисько тунаськисьёс, пелляськисьёс доры. Мукетъёсыз гороскопъёсты чаклало яке эмъяськыны тыршо спиритизмен герӟаськем амалъёсын. Нош куд-ог адямиос оско, кулэмъёсын вераськыны луэ шуыса. Но сыӵе амалъёсын периос адямиосты пӧяло. Иегова вера: «Кулэмъёслэн лулъёссылы ӧтьыса вазиськисьёслы тӥ эн вазиське, туноос доры эн ветлэ» (Левит 19:31). Озьы Иеговалэн милемыз Шайтанлэсь но периослэсь утемез потэ. Шайтан но периос — со Инмарлэн тушмонъёсыз. Соослэн милемлы изъян ваемзы потэ.

МУРГЕС ЭСКЕРЕ

Тодэ, кызьы кылчинъёс адямиослы юртто, маин кышкыт спиритизм но кызьы ми асьмеды Шайтанлэсь но периослэсь утьыны быгатӥськомы.

4. Кылчинъёс адямиослы Иегова сярысь тодыны юртто

Кылчинъёс адямиослы ӟеч иворез верало Инмарлэн ужась-тыршисьёсыз пыр. Соос Инмарлэсь ужась-тыршисьёссэ нуо соос доры, кинъёслэн Инмар сярысь тодэмзы потэ. Лыдӟе Усьтӥськонэз 14:6, 7 но та юанъёслы валэктонъёс сётэ:

Малы, адямиослы ӟеч иворез веран понна, милемлы кылчинъёслэн юрттэтсы кулэ?
Кылчинъёс тӥледыз нуыны быгато адями доры, кудӥзлэн Библия сярысь тросгес тодэмез потэ. Кыӵе тӥляд шӧдонъёсты кылдо, сое тодыса?

5. Палэнтэ ваньзэ, мар спиритизмен герӟаськемын

Шайтан но периос — Иеговалэн тушмонъёсыз. Озьы ик соос милемлы но тушмонъёс луо. Лыдӟе Лукалэсь 9:38—42 но та юанлы валэктон сётэ:

Мар каро периос адямиосын?

Милям периосын кусып воземмы уг поты. Лыдӟе Кыкетӥ Законэз 18:10—12 но та юанъёслы валэктонъёс сётэ:

Кызьы периос милемын кусып тупатыны туртто? Кыӵе та выллем ужъёс тӥ палан вӧлмемын?
Тӥ малпамъя, шонер-а лэсьтэ Иегова, куке уг лэзьы спиритизмен герӟаськем ужъёсын вырыны? Валэктэ.

Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Дьяволлы пумит султэ» (5:02)

Кызьы тӥ малпаськоды, быгатэ-а вал ибырвесь, кудзэ Палеса нылызлэн ки бордаз керттылӥз, соослы уродзэ лэсьтыны? Малы?
Мар кароно вал Палесалы, периослэсь утиськон понна?

Зэмос христианъёс периосын кусып уг возё. Лыдӟе Апостолъёслэсь ужъёссэс 19:19 но 1 Коринфъёслы 10:21 но та юанлы валэктон сётэ:

Малы быдтоно ваньзэ, мар спиритизмен герӟаськемын?

6. Ворме Шайтанэз но периосты

Периосын Шайтан кивалтэ, нош Инмарлы оскымон кылчинъёсын — Михаил архангел (со Иисус Христослэн мукет нимыз). Макем кужмо Михаил? Лыдӟе Усьтӥськонэз 12:7—9 но та юанъёслы валэктонъёс сётэ:

Кин кужмогес: Михаил но солэн кылчинъёсыз яке Шайтан но солэн периосыз?
Кулэ-а Христослэн дышетскисьёсызлы Шайтанлэсь но солэн периосызлэсь кышканы?

Тӥ быгатоды вормыны Шайтанэз но солэсь периоссэ. Лыдӟе Иаковлэсь 4:7 но та юанлы валэктон сётэ: