24-ДӘРИС
Пәриштиләр тоғрилиқ һәқиқәт
Яратқучи бизниң асмандики Өз аилисиниң әзалири һәққидә билишимизни халайду. Әшу чоң аилидә нурғун пәриштиләр бар. Улар Худаниң оғуллири дәп атилиду (Аюп 38:7). Муқәддәс китап пәриштиләр һәққидә немә дәйду? Пәриштиләр инсанларға қандақ тәсир көрситиду? Барлиқ пәриштиләр Худаниң аилисиниң әзалириму?
1. Пәриштиләр кимләр?
Тәңри Йәһва йәр йүзини яритиштин бурун пәриштиләрни яратқан еди. Пәриштиләр — Йәһва Худаға охшаш асманда яшайдиған, көзгә көрүнмәйдиған роһий шәхсләр (Ибранийларға 1:14). Миллионлиған пәриштиләр бар. Бирақ һәрбири өзгичә болуп, миҗәз-хулқи бир-биригә охшимайду (Вәһий 5:11). Улар Йәһва Худаниң сөзигә қулақ селип, Униң буйруқлириға бойсуниду (Зәбур 103:20). Қедимқи заманда Йәһва Худа бәзидә хәвәр йәткүзүш яки Өз хәлқини қоллап-қувәтләш вә қутқузуш үчүн пәриштиләрни әвәткән. Бүгүнки күндә пәриштиләр бизниң Худани тонушни халайдиғанларни тепишимизға ярдәм бериду.
2. Шәйтан вә униң җинлири кимләр?
Бәзи пәриштиләр Худаға садиқ қалалмиған. Йәһва Худаға исиян көтәргән тунҗа пәриштә пүтүн дунияни аздуруватқан Иблис яки Шәйтан дәп атилиду (Вәһий 12:9). Шәйтан башқиларниң үстидин һөкүмран болушни халиған еди. Шуңа у Адәм ата вә Һава анини, кейинирәк һәтта башқа пәриштиләрниму өзи билән бирликтә Худаға исиян көтүрүшкә аздурған. Әшу исиян көтәргән пәриштиләр җинлар дәп аталған. Йәһва Худа уларни асмандин йәр йүзигә қоғлап чүшәргән вә пат арида уларни йоқ қилиду (Вәһий 12:9, 12ни оқуң).
3. Шәйтан вә униң җинлири бизни аздуруш үчүн немә қилиду?
Шәйтан вә униң җинлири спиритизм арқилиқ нурғун кишиләрни аздурмақта. Спиритизм — бу җинлар билән беваситә яки васитилик һалда алақә қилиш. Мәсилән, улар юлтузларға қараш, пал ечиш яки даханлиқ қилиштәк усулларни ишлитиду. Йәнә бәзиләр кесәл давалитиш үчүн җинкәшлик қилидиғанларға бариду. Башқилар болса, өлүп кәткәнләр билән сөзлишишкә болиду дәп кишиләрни алдайду. Йәһва Худа бизниң даханлардин ярдәм сораштин вә палчилардин мәслиһәт елиштин жирақ турушимиз керәклигини агаһландурған (Лавийлар 19:31). Йәһва Худа Өз дүшмәнлири болған Шәйтан вә җинларниң бизгә зиянкәшлик қилмақчи екәнлигини билиду. Шуңа бизни шундақ агаһландурған.
ЧОҢҚУРИРАҚ ҚЕЗИҢ
Пәриштиләр қандақ яхши ишларни қилиду? Җинкәшликниң қандақ хәтири бар? Қандақ қилип өзүмизни Шәйтан вә униң җинлиридин қоғдалаймиз? Мошу соалларниң җававини биливелиң.
4. Пәриштиләр кишиләрниң Худани тонушиға ярдәм бериду
Худаниң пәриштилири кишиләргә беваситә вәз ейтмайду. Амма бәзидә пәриштиләр Худа хизмәтчилириниң һәқ Худани тонушни халайдиғанларни тепишиға ярдәм бериду. Вәһий 14:6, 7ни оқуң, кейин төвәндики соалларға җавап бериң:
-
Вәз хизмитидә немә үчүн биз пәриштиләрниң ярдимигә муһтаҗ?
-
Һәқ Худани тонушни халайдиғанларни тепишиңизға пәриштиләр ярдәм бериду. Буни билиш сизни хошал қиламду? Немә үчүн?
5. Җинкәшликтин жирақ туруң
Шәйтан вә җинлар Яратқучи Йәһваниң дүшмәнлири. Улар бизниңму дүшмәнлиримиз. Луқа 9:38—42ни оқуң, кейин төвәндики соалға җавап бериң:
-
Җинлар адәмләргә қандақ тәсир қилиду?
Җинларниң бизгә тәсир қилишини халимаймиз. Қанун шәрһи 18:10—12ни оқуң, кейин төвәндики соалларға җавап бериң:
-
Җинлар қандақ усуллар билән бизгә тәсир қилишқа вә биз билән алақә қилишқа уруниду? Сиз яшаватқан җайда кишиләр җинкәшлик билән бағлиниши бар қандақ ишларни қиливатиду?
-
Йәһва Худа җинкәшлик билән бағлинишлиқ барлиқ ишларни чәкләйду. Сизниңчә, бу әқилгә мувапиқму?
ВИДЕОНИ көрүң, кейин төвәндики соаллар үстидә ойлиниң.
-
Сизниңчә, Палеса қизиға тақиған тумар зиянлиқму? Немә үчүн зиянлиқ?
-
Палеса җинларниң зиянкәшлигидин сақлиниш үчүн немә қилиши керәк еди?
Әйса Мәсиһниң һәқиқий әгәшкүчилири дайим җинларға қарши туруп кәлгән. Әлчиләр 19:19 вә Коринтлиқларға 1-хәт 10:21ни оқуң, кейин төвәндики соалға җавап бериң:
-
Немә үчүн сиздә җинкәшлик билән бағлинишлиқ нәрсиләр бар болса, уларни йоқ қилишиңиз керәк?
6. Шәйтан вә җинларға қарши җәңдә ғәлибә қилиң
Җинларни Шәйтан башқуриду. Бирақ садиқ пәриштиләрни баш пәриштә Микаил башқуриду. Микаил — Әйса Мәсиһниң башқа бир исми. Микаилниң қанчилик күч-қудрити бар? Вәһий 12:7—9ни оқуң, кейин төвәндики соалларға җавап бериң:
-
Ким күчлигирәк, Микаил вә униң пәриштилириму яки Шәйтан вә униң җинлириму?
-
Сизниңчә, Әйса Мәсиһниң әгәшкүчилири Шәйтан вә униң җинлиридин қорқуши керәкму?
Сиз Шәйтан вә җинларға қарши җәңдә ғәлибә қилалайсиз. Яқуп 4:7ни оқуң, кейин төвәндики соалға җавап бериң:
-
Шәйтан вә җинлардин өзүңизни қандақ қоғдалайсиз?
БӘЗИЛӘР МУНДАҚ ДӘЙДУ: «Җинкәшлик һәққидики фильмларни яки оюнларни ойнаш хата әмәс. У пәқәт көңүл ечиш».
-
Немә үчүн бундақ ой-пикирдә болуш бәк хәтәрлик?
ХУЛАСӘ
Садақәтмән пәриштиләр бизгә ярдәм бериду. Шәйтан вә униң җинлири Йәһва Худаниң дүшмәнлири. Улар җинкәшлик арқилиқ кишиләрни аздуриду.
Тәкрарлаш
-
Пәриштиләр кишиләрниң һәқ Худани тонушиға қандақ ярдәм бериду?
-
Шәйтан вә униң җинлири кимләр?
-
Сизниңчә, немә үчүн җинкәшликтин қәтъий жирақ турушиңиз керәк?
ИЗДИНИП КӨРҮҢ
Немә үчүн Әйса Мәсиһни баш пәриштә Микаил дәйдиғанлиғимизни биливелиң.
Шәйтан қәлбимиздики яман ой-пикирләр яки начар илләтләр әмәслигини биливелиң.
Бир аял җинларниң тәсиридин қандақ қутулғанлиғини биливелиң.
«У һаятниң һәқиқий мәнасини тапқан» («Күзитиш мунари» 1993-жил, 1-июль)
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
